MATIUS 27:48 - KITAB NU TUMPU ALLA LELE MA'IMAI'

⁴⁸ Samian anu kiijo' hi aha nopadeka' lia-lia' namba nongala bunga gahanggan, lantas i lobongnyo i anggur malosing. Lapas aitu pinosusuknyo i tuntung nu kau' ka' pinotepesnyo i biwi Yesus.

MATIUS 27:48 ပူးပေါင်းရင်းမြစ်များ

MAZMUR 69:21

Alu nu mian nonsaduakonmo da aku ihentemo na kinyonyoangku, ka' madi'mo kino pikilan pa' apaa na obau. Iliongku na anu mongkalibosi mae panyo ola pinalasuma iliongku na anu momposanang kinyonyoa panyo madi' ahi' ihumpakku.

MATIUS 27:34

I kiijo' aha nompo'inumi Yesus anggur anu ginalo'an nu pou'. Panyo salatan i Yesus nontumi'mo anggur aijo', Ia madi'mo nongka'oho' nonginum.

MATIUS 27:47

To pia-piangkuka na mian kiijo' nohongo loboo'nyo, ka' notatae, “Ia molaga i Elia!”

MATIUS 27:49

Panyo to mia-mian sangga'at notatae, “Tanda'i pe'e, imbo' da otoanto, pa' i Elia toka momposalamat Ia!”

MARKUS 15:36

Samian anu aijo' hi aha nalia-lia' namba nongala bunga gahanggan, lantas pinolobongnyo i uno nu anggur malosing. Lapas aijo' bunga gahanggan aijo' pinosusuknyo i tuu' nu sa'angu' na kau', lantas pinotepesnyomo i biwi Yesus, ka' notatae, “Popea' pe'e, imbo' da otoanto pa' i Elia na toka mae montau'akon Ia i salib aijo'.”

LUKAS 23:36

To sulu-suludadu suele nompopudikmo Ia. Aha tinokamo ka' nompo'inum anggur malosing hi Ia.