MATIUS 27:42 - KITAB NU TUMPU ALLA LELE MA'IMAI'

⁴² “Ia momposalamatakon mian sangga'at, padahan posi butong-Nyo, Ia madi' moko ala momposalamat! De Ia tomundo nu Israel, sahanyo Ia uuka mintau'mo lengkat mae i salib aijo', atina'je ka' kami mongka'oho' palesaya hi Ia.

MATIUS 27:42 ပူးပေါင်းရင်းမြစ်များ

MATIUS 2:2

Aha nompokilawa iyayamae, “Iyamae na Anak aijo', anu i hampeakon da timbali Tomundo nu mian Yahudi? Tinoamo mami na mandala'-Nyo binete' i sasu kabete'an, ka' kami toka da monsombah Ia.”

MATIUS 27:37

I buan nu ubak-Nyo, aha nompokona tulisan anu momposala' aijo'mo: “Aiyamo na i Yesus, Tomundo nu Mian Yahudi.”

MATIUS 27:40

Aha notatae, “Beleyum na anu mongka'oho' mohobo'akon Laigan nu Tumpu, ka' nompotinjo ola i uno nu tolunsinaa! De Belento Anak nu Tumpu, pintau'mo mae i salib atina' ka' oposalamat na butong-Um!”

MATIUS 27:41

Sumo aitumo mule' na Kapala nu to Ima-imam ka' to gulu-gulu' agama tiba to pola-polaya' nu Yahudi mompopo'ambang i Yesus. Aha notatae,

MARKUS 15:31

Sumo aitu mule' na kapala nu to imam-imam ka' to gulu-gulu' agama mompopo'ambang i Yesus. Aha notatae samian ka' sangga'at, “Ia momposalamat mian sangga'at, panyo posi butong-Nyo madi' nu poko posalamat!

MARKUS 15:32

De Ia Tomundo' nu Israel, Tomundo' anu Momposalamat, soba uuka aiya Ia mintau' mae lengkat i salib aijo' da kami montoa ka' palesaya hi Ia!” To mia-mian anu sinalib hingga-hinggat ka' i Yesus suele nompopo'ambangmo i Yesus.

LUKAS 19:38

Aha noloboo'akon, “Balakatiakon na Tomundo anu tinokamo mae kalana sanggo nu Tumpu! Salamat i suluga', ka' o puji' na Tumpu Allah!”

LUKAS 23:35

Baju' i Yesus binagi-bagimo i kiijo' nu aha binauakon undi. To mia-mian anu tinjo-tinjo i kiijo' mompotoakon, hau-haunyo to pola-polaya' nu Yahudi mompudik i Yesus nu potatae, “Ia nomposalamatmo mian sangga'at; soba' uuka posi posalamatmo na butong-Nyo, de Ia totu-totu'u Tomundo anu Momposalamat anu pinile'anmo nu Tumpu!”

LUKAS 23:37

Ka' notatae, “De Oko Tomundo nu Mian Yahudi, posalamatmo na butong-Um!”

YOHANES 1:49

“Kita Tuumangku Gulu',” na koonyo i Natanael, “Kita Tuuma Anak nu Tumpu! Kitamo Tuuma na Tomundo bansa nu Israel!”

YOHANES 12:13

Aha nongala te hoon nu palem ka' namba nolabot Ia, baloo nontaligalai, “Puji'mo na Tumpu! Balakatiakon na ia anu toka momboa sanggo nu Tumpu. Balakatiakon na Tomundo' nu Israel!”

YOHANES 12:47

Mian anu mohongo apaa na anu Kupogulu', panyo madi' mombatuki – misa' Aku na mohukum ia. Kalana Aku toka misa' momputusi palakala nu dunia aiya, panyo da momposalamat.

YOHANES 9:24

Lantas aha po'ule' nolaga mian anu u'ukanyo mapisok aijo' ka' notatae hi ia, “Basumpa' da beleyum motatae anu sahondo-hondonyo. Osumbu' mami mian aijo' mian baladosa'.”

SISIKON NU TO RASUL-RASUL 4:14

Panyo aha madi' noko potatae apa-apaa, kalana mian anu pina'alinmo daagi' kiijo' tinjo-tinjo i ahop nu aha hingga-hinggat tiba i Petrus ka' i Yohanes.