MATIUS 27:41 - KITAB NU TUMPU ALLA LELE MA'IMAI'

⁴¹ Sumo aitumo mule' na Kapala nu to Ima-imam ka' to gulu-gulu' agama tiba to pola-polaya' nu Yahudi mompopo'ambang i Yesus. Aha notatae,

MATIUS 27:41 ပူးပေါင်းရင်းမြစ်များ

AYUB 13:9

De Tumpu Allah na mongulus belemiu, pa' ma'ima' ahi' na pomputusi-Nyo? Te opoko ala o'akali nu belemiu na Ia susumo mongakali manusia?

MAZMUR 35:26

Sahanyo mian anu sanang na montoa kasansala'anku timbalimo bingong ka' mohumpakmo ambang. Sahanyo mian kobubuun mae hi belengku o'alu ka' opopo ambang.

YESAYA 28:22

Aku nohongomo kaputusan nu Tumpu Anu Matangkas na Kuasanyo ka' mule' Anu Daka' na Kuasanyo monsilakaimo iwi-iwi' na lipu'. Boli mompisala'i potatae anu bau pompo'ingat, anu pinotokangkumo aiya. Dumo lebe momposusa' mule' belemiu koko kahanda'mo momposalamat butong nu belemiu!

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

ZAKHARIA 11:8

Aha totolu na topolaya' potuu'on nongka'idekimo mae aku, sahingga madi'mo kinokasabalanku. Ola sina'angu' na bitu'on aha ilaa'kumo.

MATIUS 27:40

Aha notatae, “Beleyum na anu mongka'oho' mohobo'akon Laigan nu Tumpu, ka' nompotinjo ola i uno nu tolunsinaa! De Belento Anak nu Tumpu, pintau'mo mae i salib atina' ka' oposalamat na butong-Um!”

MATIUS 27:42

“Ia momposalamatakon mian sangga'at, padahan posi butong-Nyo, Ia madi' moko ala momposalamat! De Ia tomundo nu Israel, sahanyo Ia uuka mintau'mo lengkat mae i salib aijo', atina'je ka' kami mongka'oho' palesaya hi Ia.

LUKAS 18:32

Ia obee'mo hi to mia-mian misa' Yahudi, anu monyaat, mompopisik, ka' montupe'i Ia.

LUKAS 22:52

Lapas aijo', i Yesus notatae hi kapala nu to ima-imam ka' to sulu-suludadu ponjagai Laigan nu Tumpu, tiba to pola-polaya' nu Yahudi anu tinoka i kiijo' kahanda' mohakop Ia, “Te Aku aiya mian ma'idek, sampe komiu toka ka' bajak tiba amangkun kahanda' mohakop Aku?

LUKAS 23:35

Baju' i Yesus binagi-bagimo i kiijo' nu aha binauakon undi. To mia-mian anu tinjo-tinjo i kiijo' mompotoakon, hau-haunyo to pola-polaya' nu Yahudi mompudik i Yesus nu potatae, “Ia nomposalamatmo mian sangga'at; soba' uuka posi posalamatmo na butong-Nyo, de Ia totu-totu'u Tomundo anu Momposalamat anu pinile'anmo nu Tumpu!”