MATIUS 27:40 - KITAB NU TUMPU ALLA LELE MA'IMAI'

⁴⁰ Aha notatae, “Beleyum na anu mongka'oho' mohobo'akon Laigan nu Tumpu, ka' nompotinjo ola i uno nu tolunsinaa! De Belento Anak nu Tumpu, pintau'mo mae i salib atina' ka' oposalamat na butong-Um!”

MATIUS 27:40 ပူးပေါင်းရင်းမြစ်များ

MATIUS 16:4

“Ibeh na ko ideknyo ka' ko geguannyo na to mia-mian tempo' aiya. Komiu mompoita Aku mombau anu okabangangi. Komiu madi' obee'i sa'angu' na anu okabangangi, boli mompiakon anu okabangangi i Nabi Yunus.” Salatan notatae sumo aitu, i Yesus nompala'imo aha, lantas i nambamo.

MATIUS 26:61

Aha notatae, “Mian aiya notatae, ‘Aku moko ala mohobo'akon Laigan nu Tumpu, ka' i uno nu tolunsinaa po'ule'mo opotinjo.’ ”

MATIUS 27:41

Sumo aitumo mule' na Kapala nu to Ima-imam ka' to gulu-gulu' agama tiba to pola-polaya' nu Yahudi mompopo'ambang i Yesus. Aha notatae,

MATIUS 27:42

“Ia momposalamatakon mian sangga'at, padahan posi butong-Nyo, Ia madi' moko ala momposalamat! De Ia tomundo nu Israel, sahanyo Ia uuka mintau'mo lengkat mae i salib aijo', atina'je ka' kami mongka'oho' palesaya hi Ia.

MATIUS 27:54

Kapala nu pasukan nohingga-hinggat tiba to sulu-suludadu anu hau-haunyo monjagai Yesus, inabuhukmo hondo salatan nongoa'imo luulu' ka' iwi-iwi' anu jinadimo aijo'. Aha notatae, “Totu'u, Ia aiya Anak nu Tumpu!”

MATIUS 4:3

Ibilis tinoka ka' notatae, “Te Beleyum misa' Anak nu Tumpu Allah? Yo pokau na batu haha aiya timbali roti.”

MATIUS 4:6

Lantas aijo' Ibilis notataemo hi Ia, “Te Beleyum misa' Anak nu Tumpu? Desumo aijo' pingkanabu' mokaiyong; kalana i uno nu Kitab nu Tumpu tinulis sumo uuka, ‘Tumpu monsaije to mala-malaikat-Nyo monjagai Beleyum, aha molabotje Beleyum nu lima nu aha da Tengkeum madi' tonsumpun i batu.’ ”

LUKAS 16:31

Panyo i Abraham notatae, ‘De aha madi' mompajuli palentah i Musa ka' to nabi-nabi, tantu ahi' aha madi' palesaya mau mule', ko anu i nate po'ule' tinumuu'.’ ”

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.