MATIUS 27:4 - KITAB NU TUMPU ALLA LELE MA'IMAI'

⁴ Ia notatae, “Aku binala dosa'mo, nongkabisa'imo mian anu madi' ko sala'nyo, sahingga Ia i hukum nate!” Panyo aha nontaami, “Kami madi paduli itina'? Aijo' ulusan miu!”

MATIUS 27:4 ပူးပေါင်းရင်းမြစ်များ

1 TOMU-TOMUNDO' 21:27

Noko lapas na i Elia notatae, i Ahab nombeakmo baju'nyo ka' nompake baju' kalung, da ponsumbu'an ia nompele-pelee'mo ka' ia binapuasa'mo. Maumo ia hoyot mompake ahi' hude kalung. Ka' de ia kolalajang otoa ia susa' hondo na kinyonyoanyo.

2 TOMU-TOMUNDO' 24:4

Anu talalo hondo aijo'mo iwi-iwi' na anu binaunyomo nompatei to mia-mian anu madi' ko sala'nyo. Tumpu madi'mo daagi' mongampuni sinin na lalakuan i Manasye aijo'.

AYUB 13:4

kalana kaponga'an nu belemiu okulubimo nu belemiu nu han nu belemiu anu mongakali, madi' sala' sumomo ahi' sando anu madi' totu'u.

MAZMUR 94:21

Aha mombaumo kasangaja'an, mongewa mian anu hodi' na kinyonyoanyo, ka' mombee'imo hukuman silaka, mian anu madi' ko sala'nyo.

NOSABATMO 12:31

Pihi-pihimo aijo' na i tomundo nolaga i Musa ka' i Harun ka' nompoto'i, “Lako'mo na komiu iwi-iwi'! Pala'imo na lipu'ku. Lako'mo mamba monsombah Tumpu Allah nu belemiu susumo anu pinoitamo nu belemiu.

NOSABATMO 9:27

Lantas i tomundo nolagamo i Musa ka' i Harun ka' notatae, “Aku binaladosa'mo. Tumpumo na anu totu'u, aku ka' layatku nombaumo sale'.

AMSAL 12:8

Mian opuji' sitimbang tiba kapandeannyo; mian o alu sitimbang tiba kaponga'annyo.

YEREMIA 26:15

Panyo jaga ahi', de belemiu mompateimo mae aku, belemiu tiba mian anu jojoong ikota' aiya montanggungimo kasala'an kalana nompateimo mian anu madi' ko sala'nyo. Kalana Tumpu ahi' na nonsaimo mae aku da mompokinde'i belemiu.”

YUNUS 1:14

Kalana aijo' aha nomoitamo hi Tumpu, “O Tumpu opoita mami boli mae kami silaka kalana mongalamo napas nu mian anu madi' nombau kasala'an hi kami maumo pa' apaa. Kalana belento o Tumpu nombaumo apaa na anu okahanda'i nu Belento.”

MATIUS 27:19

Tempo'nyo aitu i Pilatus hau-haunyo sinumuhang i kulusi, anu pomputusian palakala, bengkele'nyo nompotuun potuunon sumo uuka hi ia, “Boli beleyum matigalo' i palakala hi mian anu madi' ko kosala'nyo aijo', sabab kalana Ia, aku kino ipion ma'idek sinaa aiya.”

MATIUS 27:54

Kapala nu pasukan nohingga-hinggat tiba to sulu-suludadu anu hau-haunyo monjagai Yesus, inabuhukmo hondo salatan nongoa'imo luulu' ka' iwi-iwi' anu jinadimo aijo'. Aha notatae, “Totu'u, Ia aiya Anak nu Tumpu!”

LUKAS 23:22

Lantas kinopintolunnyo i Pilatus notatae daka-daka' hi aha, “Panyo apaa na kasala'an-Nyo? Aku madi' nohumpak sangahan pe'e na kasala'an hi Ia anu patut o hukum nu hukuman mate! Ku dokeje na Ia, lantas opolapasakonmo na Ia.”

LUKAS 23:41

Ola hukuman hi kita ohua' yo timbangnyomo tiba anu binaunto! Panyo Ia madi' hondo ko sala'nyo!”

LUKAS 23:47

Salatan tinoa nu kapala nu suludadu apaa na anu tinimbalimo aijo', ia nompuji'mo Tumpu. Lantas ia notataemo, “Totu-totu'u, Ia madi' ko sala'nyo!”

YOHANES 19:7

To mia-mian nu Yahudi aijo' nontaami, “De pongka'oho' nu atulan mami, Ia tionyo o hukum mate, kalana Ia mangaku butong-Nyo Anak nu Tumpu.”

SISIKON NU TO RASUL-RASUL 13:28

Maumo aha madi' nongkabot apa-apaa hi Ia anu tionyo o hukum nu hukuman mate, panyo pinoita nu aha hi Pilatus da Ia o pateimo.

ROMA 3:19

Uuka aiya osumbu'to taalu' iwi-iwi' na anu tinulis i uno nu atulan nu agama Yahudi, kona hi to mia-mian anu daagi' i aluk nu palentah nu atulan aijo'. Desumo aitu madi' ko samian pe'e na moko ala mombee'i katalangan da bau kahondoan mule', ka' songko-songko na dunia timbali nu tuntut nu Tumpu.

1 TIMOTIUS 4:2

anu pinotoka nu to mia-mian anu mongakali ka' baleko'. Kinyonyoanyo nu to mia-mian haha aijo' pinikatmo.

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

1 PETRUS 1:19

panyo anu ko angga'nyo hondo; aijo'mo posi butong i Kristus anu tinimbalimo salaku domba, anu kinolobanakon hi Tumpu anu madi' ko panyakitnyo kabai ko kakulangannyo.

1 YOHANES 3:12

Boli kita sumo i Kain, anu tinimbalimo anak nu Ibilis ka' nompateimo posi Utusnyo. Apaa na sababnyo i Kain nompateimo Utusnyo? Kalana hahan anu binaunyomo aijo' sala', panyo hahan anu binaumo nu Utusnyo aijo' totu'u.

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.

1 SAMUEL 15:24

Nohongo anu sumo aijo' i Saul nangakumohi Samuel, ia notatae, “Memang aku binaladosa'mo. Aku madi'mo nontuluti anu pinalentahkonmo nu Tumpu, ka' madi'mo nontuluti anu pinoto'imo nu belento Tuumangku, lantas ingii'kumo na poitaon nu aha.

1 SAMUEL 15:30

Tinaaman i Saul, “Binaladosa'mo na aku. Panyo tulungi mae kita Tuumangku, imbo' minsusule'mo hingga-hinggat tiba aku da aku monsombahmo Tumpu Allah nu belento Tuumangku. Tiba jalan anu sumo aijo' belento Tuumangku mongadatimo aku i ahop nu to pola-polaya' nu bansangku tiba mule' i ahop nu aha iwi-iwi' na mian nu Israel.”

1 SAMUEL 19:5

Ia nombatoni'akonmo nyawanyo tempo'nyo ia kahanda'mo mompatei i Goliat ka' Tumpu nombee'mo ka untungan nahampate anu daka' hondo hi Israel kalana ia. Belento Tuumangku nontoamo apaa na anu jinadimo aijo', ka' belento Tuumangku binilahimo tempo'nyo aitu. Jadi kadaka' uuka aiya belento Tuumangku kahanda'mo mongkabisa'i mian nau madi' kosala'nyo, ka' kahanda'mo mompatei i Daud anu madi' kosala'nyo apa-apaa?”