MATIUS 27:31 - KITAB NU TUMPU ALLA LELE MA'IMAI'

³¹ Lapas aha nompahaikakon Ia, aha nongukat juba' buhitnyo kamumu', lantas po'ule' nompopake posi baju'-Nyo. Lapas aitu, Ia binoa nosabat da o salibmo.

MATIUS 27:31 ပူးပေါင်းရင်းမြစ်များ

1 TOMU-TOMUNDO' 21:10

Pokau na mian anu uwesan Ua'aha sumuhang mompaha ahop tiba ia ka' montuuk i Nabot au' aitu ia nontotobi'akonmo Tumpu Allah tiba tomundo'. Lantas boa na aha i sambiha' nu kota' ka' pahambunu'akon nu batu sampe mate!”

1 TOMU-TOMUNDO' 21:13

Mian anu uwesan ua'aha aijo' sinumuhangmo mompaha ahop i Nabot, ka' i ahop nu mian da'isan aha nontuukmo ia au' aitu ia nontotobi'akonmo Tumpu Allah tiba tomundo'. Kalana aijo' ia sinabatakonmo i kota' ka' pinahambunu'akonmo nu batu sampe ia nate.

YESAYA 53:7

Talalo ahi' pinoko idek na nombau ia, panyo tinanggung nyomo ahi' nu sabaan. Ia madi' nombuka' nganga'nyo susumo anak nu domba anu oboamo i pongkolotan kabai tina nu domba anu okiismo na bulunyo.

NOMBILANGMO 15:35

Tumpu notataemo hi Musa, “Mian aijo' tionyo ahi' o hukum mate. Ia tionyo ahi' oboamo i sambiha'nyo nu kemah, ka' toka ikijo' mae iwi-iwi' na mian tionyo ahi' mompahambunu'akonmo ia nu batu, sampe silaka.”

MATIUS 20:19

lapas aijo' obee' hi to mia-mian anu misa', Yahudi. Aha mompopo'ambangmo Ia, ka' mongkabisa'i Ia, ka' mule' monsalibmo Ia. Panyo ko totolu'nyo na sinaa, Ia po'ule'mo o potumuu'.”

MATIUS 21:39

Saba' anak aijo' i hakop ka' ingalin i sambiha'nyo ka' pinatean.”

MATIUS 26:2

“Osumbu' miu daagi' uansinaa na Sinaa Daka' nu Paskah, ka' Anak nu Mian obee'mo da o salib!”

MARKUS 15:20

Pinoko kabiangan nu aha na i Yesus, aha nongukatakonmo jubah mingkamumu' aijo' lantas po'ule' pinopusokakon nu aha na posi baju-Nyo. Lapas aijo' sinabatakonmo nu aha na Ia da o salibkanmo.

YOHANES 19:16

Lantas i Pilatus nombee' i Yesus hi aha da o salibmo. Aha nongala i Yesus, lantas nambamo nomboa Ia.

YOHANES 19:27

Lapas aijo' i Yesus notataemo hi anu saja' mombatuki Ia aijo', “Aijo' tinaum.” Nolengkat pe'e i aijo' anu saja' mombatuki aijo' nompoboamo tina i Yesus da jojoongmo i laigannyo.

SISIKON NU TO RASUL-RASUL 7:58

Aha nohela' ia nosabat i sambiha' nu kota ka' lapas aitu pinahambunu'akonmo nu aha nu batu. To mia-mian anu nonsakisi apaa na anu tinimbalimo aijo' nompo'una' baju' nu aha hi samian na olitau sanggonyo i Saulus.

IBRANI 13:12

Mokonyo aijo' i Yesus suele sinilaka i sambiha'nyo nu tumban daka' nu kota da baso'-Nyo bau pombaso'i dosa' nu mian-Nyo anu palesayamo, hi Ia.