MATIUS 27:29 - KITAB NU TUMPU ALLA LELE MA'IMAI'

²⁹ Aha noombau sa'angu' na makota kandang anu ko hii'nyo, ka' pinosoku' i ubak i Yesus. Lapas aitu aha nompotoong sangkau na tokon pinotoong-Nyo i lima, i sasu koanan-Nyo, lantas tinolodadupu na aha i ahop-Nyo ka' nompopo'ambang Ia. “Soosa' Tomundo Mian nu Yahudi!” na koonyo nu aha.

MATIUS 27:29 ပူးပေါင်းရင်းမြစ်များ

MAZMUR 69:7

Boli opojohok na aku dumo ola monsaduakon ma ambang na to mia-mian anu montaha'imani Belento, o, Tumpu, Tumpu Anu Daka na Kuasa-Nyo. Boli opojohok na aku dumo monsaduakon ola lewa' o alu ka' mule' opobau-bau na to mia-mian anu monsombah Belento, o, Tumpu Israel!

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

YEREMIA 20:7

O Tumpu, Belento pagalamo nonsale'i aku ka' tinulutankumo. Belento na mohungku'i kahosonanku ka' nohungku'imo aku. Aku sola'mo kinokojoan nu to mia-mian pinopo ambangmo lengkat pe'e daagi' subu sangkutnyo sampe mamalom.

MATIUS 20:19

lapas aijo' obee' hi to mia-mian anu misa', Yahudi. Aha mompopo'ambangmo Ia, ka' mongkabisa'i Ia, ka' mule' monsalibmo Ia. Panyo ko totolu'nyo na sinaa, Ia po'ule'mo o potumuu'.”

MATIUS 26:49

Salatan tinoka i tampat aijo', i Yudas lau-laus namba hi Yesus ka' notatae, “Tabea', Kita Tuumangku Gulu'!” Lantas ia nongooki i Yesus.

MATIUS 27:37

I buan nu ubak-Nyo, aha nompokona tulisan anu momposala' aijo'mo: “Aiyamo na i Yesus, Tomundo nu Mian Yahudi.”

MARKUS 15:17

Lantas aha nompo pusokmo jubah mingkamumu' hi Yesus, ka' nombau makota' panga-panga' anu ko hii'nyo na binau, lapas aijo' pinosoku'nyomo i ubak i Yesus.

MARKUS 15:18

Lapas aijo' aha nontabea'imo Ia. “Soosa' Tomundo Mian nu Yahudi!” na koonyo nu aha.