MATIUS 27:25 - KITAB NU TUMPU ALLA LELE MA'IMAI'

²⁵ Iwi-iwi' na mian da'isan aijo' nontaami, “Ii', pojohokmo da kamimo na montanggung ka' to ana-anak mami hukuman lantalan la silakamo!”

MATIUS 27:25 ပူးပေါင်းရင်းမြစ်များ

2 SAMUEL 1:16

Koonyo i Daud hi olitau nu aha Amalek aijo', “Posi beleyum na nompokona hukuman mate aiya hi butong nu beleyum kalana nongakuimo tukooyum beleyum nompateimo tomundo' anu pinile'anmo nu Tumpu!”

1 TOMU-TOMUNDO' 2:32

Tumpu mohukummo ia, kalana ia nompateimo madi' pinai poto'inyo hi tuumangku. I Abner suludadu nu Israel anu matangkas na pangkatnyo, ka' i Amasa suludadu nu Yehuda anu matangkas na pangkatnyo, ua-ua'aha madi' ko sala'nyo. Aha na lebe ma'ima' molingkudui i Yoab, panyo pinateannyomo na aha.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

NOMBILANGMO 35:33

De belemiu mombau sumo aijo' belemiu mohumimi'imo tano' kajojoongan nu belemi. Han mompatei aijo' mohumimi'imo lipu'. Jadi madi' ko jalan sangga'at na mompobelesi lipu' aijo' de misa' jalan mombubut nyawa nu anu nompateimo.

MATIUS 21:44

Mian anu manabu' i batu aijo', tionyo hansun; ka' mian anu nu tuda' nu batu aijo' nu diodos tinimbali abu'.]”

SISIKON NU TO RASUL-RASUL 18:6

Panyo kalana to mia-mian saja' monggagakon ka' mompisala'i, sahingga i Paulus nonsapui abu' i baju'nyo salaku tanda da mompo'ingat aha i kasala'an nu aha. Ia notatae, “De komiu silaka, posi sala' miu! Aku madi' monsumbu'! Mulai uuka aku mambamo hi to mia-mian anu misa' Yahudi.”

SISIKON NU TO RASUL-RASUL 5:28

Ia notatae, “Tinewa'mo mami na komiu, da bolimo hondo-hondo mongajan mongkona Mian aijo'. Panyo uuka soba toa pa' apaa na anu binaumo nu belemiu! Komiu nompolelemo pangajalan miu aijo' i songko-songko na Yerusalem, ka' komiu ola mule' monsangka saba' kamimo na anu nonsaduakon kinapatean nu Mian aijo'.”

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.

PO'ULE' INGULIT 19:10

Bau na aijo' da belemiu boli baladosa' kalana nompobebasmo mian anu madi' ko sala'nyo da madi pinatean lipu' anu binee'mo nu Tumpu Allah nu belemiu hi belemiu.”

PO'ULE' INGULIT 19:13

Boli mongkalibosi ia. Pobebas na Israel da boli opatei susumo aijo'; da mohumpak ka'ima'an.”

YOSUA 2:19

De sala'samian anu aijo' hi aha mosabat i laigan aiya ka' opatei, ia i nate aijo' kalana posi sala'nyo; han aijo' misa' ponsumbu'an mami. Kami madi' montanggung kasala'annyo. Panyo de daagi' ko anu silaka i laigan aiya ponsumbu'anmo mami na montanggung kasala'annyo.