MATIUS 27:22 - KITAB NU TUMPU ALLA LELE MA'IMAI'

²² “Desumo aitu, apaa na kubau hi Yesus anu osanggohi Kristus?” i Pilatus nompokilawa hi aha. “Salibmo na Ia!” tinaaman nu aha iwi-iwi'.

MATIUS 27:22 ပူးပေါင်းရင်းမြစ်များ

AYUB 31:31

Nusumbu' nu to mia-mian anu mokalaja hi belengku saba' maumo pa' ihe ku bee'i mongkaan i laiganku.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

ZAKHARIA 11:8

Aha totolu na topolaya' potuu'on nongka'idekimo mae aku, sahingga madi'mo kinokasabalanku. Ola sina'angu' na bitu'on aha ilaa'kumo.

MATIUS 27:17

Jadi, tempo'nyo mian da'isan sinilimu'mo, i Pilatus nompokilawamo hi aha, “Ihe na anu oka'oho' miu, da ku lapasakon hi komiu? I Yesus Barabas kabai i Yesus anu osanggohi i Kristus?”

MATIUS 27:21

Lantas gubernur aijo' po'ule' nompokilawa hi aha, “Aha ua'aha na mian aijo', ihe na oka'oho' miu ku pobebasakon hi komiu?” “I Barabas,” tinaaman nu aha.

MATIUS 27:23

“Panyo apaa na anu ma'idek binau-Nyo?” pinokilawa i Pilatus. Lantas aha noloboo' lebe mahoson mule', “Salibmo na Ia!”

MARKUS 14:55

Kapala nu to imam-imam, ka' iwi-iwi' na Mian Kopian Daka' nu Agama, mompagala molio to buku-bukuti' anu momposala' i Yesus da opokonai hukuman mate na Ia. Panyo aha madi' nohumpak sa'angu' pe'e na bukuti'.

YOHANES 4:25

Boune aijo' notatae hi Yesus, “Kusumbu' Tomundo anu Momposalamat (anu osanggohi Kristus) tokaje mae. De Ia tokamo iwi-iwi' na apa-apaa nu poto'ije hi kita.”

SISIKON NU TO RASUL-RASUL 13:28

Maumo aha madi' nongkabot apa-apaa hi Ia anu tionyo o hukum nu hukuman mate, panyo pinoita nu aha hi Pilatus da Ia o pateimo.

SISIKON NU TO RASUL-RASUL 13:38

Kalana aijo' to Utu-utus, tionyo ahi' komiu monsumbu', saba' hi Yesusmo aiya na lele mongkona dosa' o ampuni i leleakon hi komiu; komiu tionyo monsumbu' saba' toto samian anu palesaya hi Ia, opobebas i iwi-iwi' na dosa'nyo anu madi' opoko alini nu to pale-palentah nu Tumpu anu pinotoka i Musa.