MATIUS 27:12 - KITAB NU TUMPU ALLA LELE MA'IMAI'

¹² Panyo tempo'nyo Kapala nu to Ima-imam ka' to pola-polaya' nu Yahudi nontaloakonmo posala' anu manjoo' hondo kona hi Yesus, Ia madi' montaami apa-apaa.

MATIUS 27:12 ပူးပေါင်းရင်းမြစ်များ

YESAYA 53:7

Talalo ahi' pinoko idek na nombau ia, panyo tinanggung nyomo ahi' nu sabaan. Ia madi' nombuka' nganga'nyo susumo anak nu domba anu oboamo i pongkolotan kabai tina nu domba anu okiismo na bulunyo.

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”

MATIUS 27:13

Kalana aijo' i Pilatus notatae hi Ia, “Te Belento madi' mohongo iwi-iwi' posala' nu aha hi Belento aijo'?”

MATIUS 27:14

Panyo i Yesus madi' nontaami mau pe'e santaa', sahingga gubernur aijo' binangangmo hondo.

LUKAS 23:9

Kalana aitu i Herodes nompokilawa manjoo' hi Ia, panyo i Yesus madi' hondo nontaami.

SISIKON NU TO RASUL-RASUL 8:32

Aiyamo na to aya-ayat anu binasa'nyo aijo', “Ia sumomo domba anu pinungu da o kolot, susumo anak nu domba anu madi' molokak de bulunyo o gunting, sumo aijo'mo na Ia madi' notatae santaa' pe'e.

1 PETRUS 2:23

Tempo'nyo Ia inguda-udahan, Ia madi' suele nonguda-udahi. Tempo'nyo Ia nongoa'i sansala Ia madi' noto muhuk, Ia ola nonsimpalakon palakala-Nyo hi Tumpu, Mian Kopian anu adin aijo'.