MATIUS 27:11 - KITAB NU TUMPU ALLA LELE MA'IMAI'

¹¹ Tempo'nyo i Yesus nangadapmo hi Pilatus, gubernur nu lipu' aijo', i Pilatus nompokilawa, “Pa' Belento Tomundo' nu mian Yahudi?” “Sumo itina'mo potataeum”, tinaaman i Yesus.

MATIUS 27:11 ပူးပေါင်းရင်းမြစ်များ

MATIUS 10:18

Komiu tionyo oboa i ahop nu anu batu-batu ko kuasa ka' to tomu-tomundo', kalana komiu anu saja' mombatuki Aku. Ka' aijo' na kasampatan hi komiu da mombee' katalangan mongkona aku hi aha, ka' hi to mia-mian anu madi' monsumbu' Tumpu.

MATIUS 10:25

Sukupmo de samian na mulit timbali sumo gulu'nyo, ka' samian na posaihon sumo tuannyo. De kapala nu auwan osanggohimo Beelzebul, sumo aitu mule' iwi-iwi' na isi nu salaigan. Aha tionyo obee'i sanggo anu lebe ma'idek mule'!”

MATIUS 2:2

Aha nompokilawa iyayamae, “Iyamae na Anak aijo', anu i hampeakon da timbali Tomundo nu mian Yahudi? Tinoamo mami na mandala'-Nyo binete' i sasu kabete'an, ka' kami toka da monsombah Ia.”

MATIUS 26:25

Lantas i Yudas anu mongkabisa'i aijo' notatae, “Tantu misa' aku na anu kokoonyo nu Tuumangku Gulu'?” I Yesus nontaami, “Sumo atina'mo na potataeum!”

MATIUS 26:64

I Yesus nontaami, “Sumo itina' anu tinaloakonumo. Panyo palesayamo: Mulai uuka, aiya komiu montoaje Anak nu Mian sumuhangmo i sasu koanan nu Tumpu Anu Talalo ko Kuasa, ka' toka mae aita' i kundom, i langit!”

MARKUS 14:62

“Akumo na Ia,” tinaaman i Yesus, “ka' komiu iwi-iwi' montoaje Anak nu Mian sumuhang i sasu koanan nu Tumpu Anu Talalo Susi' ka' toka mae i uno nu sehu' lengkat i langit!”

LUKAS 22:70

Aha iwi-iwi' notatae, “Desumo atina' Beleyum aiya Anak nu Tumpu?” I Yesus nontaami, “Sumo itina' anu tinaeakonmo miu.”

1 TIMOTIUS 6:13

Ka' uuka aiya, i ahop nu Tumpu anu nombee'mo nyawanyo hi iwi-iwi na apaa, ka' i ahop i Kristus Yesus anu nombee'imo katalangan anu totu'u mongkona butongnyo hi Pontius Pilatus, ku poita na aiya hi beleyum: