MATIUS 26:74 - KITAB NU TUMPU ALLA LELE MA'IMAI'

⁷⁴ Lantas i Petrus nomulaimo binasumpa-sumpa' ka' notatae, “Aku madi' monsumbu' mian aijo'!” Tempo'nyo aitu mule' manuk nintutuhu'mo.

MATIUS 26:74 ပူးပေါင်းရင်းမြစ်များ

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

MATIUS 26:34

“O inau',” koonyo i Yesus hi ia, “pihi uuka mule' ma'isa pe'e manuk mintutuhu', beleyum pintolunmo na mombahakon aku.”

MATIUS 26:73

Madi' pinin lapas aijo', to mia-mian anu tinuminjo i kiijo' tinokamo hi Petrus, ka' notatae, “Totu-totu'umo beleyum sala'samian anu aijo' hi aha. Aijo' osumbu' hondo kalana pokakana na potatae.”

MATIUS 26:75

Ka' i Petrus tinonginau'mo apaa na koonyo i Yesus hi ia, “Ma'isa pe'e manuk mintutuhu', beleyum pinintolumo nombahakon Aku.” Lantas i Petrus nosabat, ka' i humaang kalana talalomo nolibos.

MATIUS 27:25

Iwi-iwi' na mian da'isan aijo' nontaami, “Ii', pojohokmo da kamimo na montanggung ka' to ana-anak mami hukuman lantalan la silakamo!”

MARKUS 14:30

“Jaga,” koonyo i Yesus, “Pihimo aiya, ma'isa pe'e manuk mintutuhu' pinduan, beleyum pintolunmo na nombahakon Aku.”

MARKUS 14:68

Panyo i Petrus madi' mompototu'u. “Aku madi' monsumbu' ka' madi' mangalati' pa' apaa na koyum,” na koonyo hi posaihon aijo'. Lantas i Petrus namba nokiijo' i sabatan daka' nu laigan i imam daka' aijo'. [Tempo'nyo aitu manuk nintutuhu'mo.]

LUKAS 22:60

Panyo i Petrus nontaami, “Apaa na kooyum atina', madi' kusumbu'!” Tempo'nyo aitu mule' hau-haunyo i Petrus daagi' basisik, manuk nintutuhu'mo.

YOHANES 18:27

Lantas i Petrus po'ule' nombahakon, “Madi',” – ka' madi' sala' tempo'nyo aitu manuk nintutuhu'mo.

ROMA 9:3

kalana to Utu-utusku anu sa'a-sa'angu' na bansa tiba aku. Kalana monginau' aha, aku sanaang na nukutuki nu Tumpu ka' oga'atakon hi Kristus.

1 KORINTUS 16:22

Mian anu madi' mongkalibosi Tumpu, nukutuki nu Tumpu na ia! Maranatha – Tumpu mami, tinokamo!

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.

TO MIA-MIAN KOPIAN 17:2

Daagi' kino sansinaan ia notataemo hi tinanyo, “Otinangku, tempo'nyo belento tinangku nolapus na doi salaka samadala' ka' sa'atu i hongongku belento tinangku nongkutukimo anu nontomang. Aiyamo tinangku na doi aijo'! Akumo na nontomang.” Tinanyo nontaami, “Ku amalakon da beleyum anakku nu balakati nu Tumpu!”