MATIUS 26:72 - KITAB NU TUMPU ALLA LELE MA'IMAI'

⁷² Lantas i Petrus po'ule' nombahakon, ka' binasumpa'. “Totu-totu'u aku madi' monsumbu' mian aijo'!” koonyo i Petrus.

MATIUS 26:72 ပူးပေါင်းရင်းမြစ်များ

NOSABATMO 20:7

Boli ola bau kasanggoan na sanggong-Ku, kalana Aku, Tumpu Allah nu belemiu, mohukum mau mule' pa' ihe na anu mombia-biangakon sanggong-Ku.

YESAYA 48:1

Potombihing mae o, belemiu lee' i Yakub, lee' mae i Yehuda anu nompakemo sanggo Israel, beleyum notatae, tukooyum beleyum nongakuimo Tumpu nu Israel, ka binasumpa'mo i uno nu sanggo nu Tumpu. Panyo potatae nu beleyum aijo' madi' sahondo-hondonyo.

ZAKHARIA 8:17

Boli mombau tanga'an anu ma'idek hi sangko manusia. Boli montaeakon sumpa'anu madi' totu'u. Aku mongka'ideki mian anu baleko' tiba anu madi' adin ka' mule' mian anu buhingison.”

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 26:71

lantas ia namba nokiijo' i pontumban nu kintan. Samian na posaihon boune sangga'at nontoa i Petrus ka' notatae hi to mia-mian i kiijo', “Mian aiya u'uka suele nosangalu tiba i Yesus aijo' lengkat mae i Nazaret.”

MATIUS 26:73

Madi' pinin lapas aijo', to mia-mian anu tinuminjo i kiijo' tinokamo hi Petrus, ka' notatae, “Totu-totu'umo beleyum sala'samian anu aijo' hi aha. Aijo' osumbu' hondo kalana pokakana na potatae.”

MATIUS 26:74

Lantas i Petrus nomulaimo binasumpa-sumpa' ka' notatae, “Aku madi' monsumbu' mian aijo'!” Tempo'nyo aitu mule' manuk nintutuhu'mo.

LUKAS 22:34

“Opalesaya Petrus,” tukoo-Nyo i Yesus, “ma'isa pe'e manuk mintutuhu' sinaa aiya, beleyum pintolunmo na momadi'akon Aku.”