MATIUS 26:67 - KITAB NU TUMPU ALLA LELE MA'IMAI'

⁶⁷ Lantas aha nontupe'i ohup i Yesus ka' nomboboti Ia. Daagi' mule' ko anu nohapa' Ia,

MATIUS 26:67 ပူးပေါင်းရင်းမြစ်များ

1 TOMU-TOMUNDO' 22:24

Sahingga nokiijo'mo na i Nabi Zadekia nongohani i Mikha, lantas i hapa'nyomo na ohupnyo lantas notatae, “Madi' toho' na Roh nu Tumpu mompala'imo aku ka' monsampo sisikmo beleyum?”

YESAYA 50:6

Ku bee'mo na tundunku hi mian anu mondokemo mae aku; ka' mule' gagisingku hi mian anu monggautmo jangkutku. Aku madi' mombilokakon ohupku, tempo'nyo aku sola'mo o'alu ka' sola'mo otupe'i

YESAYA 52:14

Naipuan mae manjoo' na mian tinolokengkengmo na montoa ia, butongnyo ingideanmo sahingga madi'mo daagi' susumo mian.

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

YEREMIA 20:2

pinalentahkonnyomo da aku opahanjagunakon ka' opanga' i Sabatan Daka' Benyamin, sabatan daka' sasu buannyo i Laigan nu Tumpu.

MOHAANGI 3:30

Maumo ohapa' ka' lewa' opobau-bau, iwi-iwi' aijo' otalimanto mo ahi'.

MOHAANGI 3:45

Kami pinojadimo nu Belento susumo duhehe i mata songko-songko na dunia.

MIKHA 5:1

Tumpu notatae, “O, Betlehem Efrata beleyum sala'sa'angu' na kota' anu ise' hondo i daerah Yehuda! Panyo atina' hi beleyum Ku hangkatmo na samian anu mongkuasai Israel anu pinolengkatannyo mae daagi' pe'e naipuan mae.”

NOMBILANGMO 12:14

Tinaaman nu Tumpu, “De bisuannyo ohupnyo tinupe'an nu tuumanyo, te misa' kopinnyo pitun sinaa na ia tionyo ahi' mongoa'i ambang? Lalin pe'e na ia boli jojoong i kemah kopinnyo pitun sinaa, ka' lapas aijo' timbalije ia minsusule' mae.”

MATIUS 26:68

ka' notatae, “Soba tili'i ka' poto'i hi kami, o Tomundo anu Momposalamat! Ihe na anu nohapa' Beleyum?”

MATIUS 27:30

Aha nontupe'i Ia, ka' nongala tokon aijo', lantas nombongkuk Ia i ubak-Nyo.

MATIUS 5:39

Panyo uuka Aku motatae hi komiu: Boli mombalosi idek hi mian anu mombau idek hi komiu. Ola ahi' de mian mohapa' gagisingum anu i koanan, pojohok da ia mohapa' gagisingum anu i kowi suele.

MARKUS 10:34

Aha mompopo'ambang Ia, montupe'i Ia, monsakisa Ia, ka' nonsalib Ia. Panyo i sinaa ko totolu'nyo, Ia po'ule'mo tumuu'.”

MARKUS 14:65

Lantas to pia-piangkuka na mian nontampu'unimo nontupe'i Yesus, ka' aha nongkukubi mata-Nyo ka' nondoke Ia, lantas notatae, “Soba tili'i, ihena nondoke Beleyum?” To sulu-suludadu suele nohapa'mo i Yesus.

MARKUS 15:19

Aha nombongkukmo ubak i Yesus nu tokon, lantas tinupe'an nu aha na Ia ka' nonsoosa' i ahop-Nyo.

YOHANES 18:22

Salatan i Yesus nontaloakonmo sumo aijo', sala'samian ponjaga i kiijo' nohapa'mo Ia ka' notatae, “Baani hondo na Oko notatae sumo atina' hi imam daka'!”

YOHANES 19:3

lantas saja'mo aha nokiijo' hi Ia motatae, “Higahi na tomundo mian nu Yahudi.” Lapas aijo' nuhapa-hapa'mo nu aha na Ia.

1 KORINTUS 4:13

de mian mombusi-busiki kami, obalosi mami nu potatae toto ima-ima'. Kami sumomo duhehe nu dunia aiya; sampe uuka aiya, kami daagi' osangka sumo duhehe nu dunia.

PO'ULE' INGULIT 25:9

bengkele' nu utusnyo aijo' tionyo ahi' mongohani ia i ahop nu to pola-polaya' nu kota, lantas mongukat sandaan nu mian aijo' montupe'i ohupnyo ka' motatae, ‘Sumo aiya na tionyo ahi' pombau mian anu madi' mongka'oho' mombee'i lee' hi utusnyo.’

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.