MATIUS 26:63 - KITAB NU TUMPU ALLA LELE MA'IMAI'

⁶³ Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”

MATIUS 26:63 ပူးပေါင်းရင်းမြစ်များ

1 TOMU-TOMUNDO' 22:16

Tinaaman i Ahab, “De beleyum motatae hi belengku i uno sanggo nu Tumpu, yo poto'imo mae ahi' apaa na anu memang totu'u. Te pimpianje na aku mompokinde'i beleyum i han susumo aiya?”

2 TAWARIKH 18:15

Tinaaman i Ahab, “De beleyum nompoto'i mae sumo itina' hi belengku koonyo nu beleyum i uno nu sanggo nu Tumpu yo poto'i mae ahi' apaa sabenannyo na anu sahondo-hondonyo. Pimpianje na beleyum ku pokinde'i i han anu sumo aijo'?”

MAZMUR 42:2

Susumo jonga mongindimo uee nu kaunyo sumo aijo'mo na santuu'ku lewa'mo mongindi' Belento, o Tumpu Allah.

AMSAL 29:24

Mian anu mokalaja hingga-hinggat tiba topo buling, alati'nyo mongka'ideki mo posi butongnyo. De ia talang-talangan i pomputusian palakala, ia saidi mae obee'imo hukuman. Panyo de ia ola momohokot, ia nukonamo nu kutuk nu Tumpu Allah.

YESAYA 53:7

Talalo ahi' pinoko idek na nombau ia, panyo tinanggung nyomo ahi' nu sabaan. Ia madi' nombuka' nganga'nyo susumo anak nu domba anu oboamo i pongkolotan kabai tina nu domba anu okiismo na bulunyo.

DANIEL 3:16

I Sadrakh, i Mesakh tiba i Abednego nontaamimo, “Belento Tomundo' anu opopo daka', kami madi' moko ala monggoliliakon butong mami da salamat.

IMAMAT 5:1

Koloban bau pongampuni dosa' palalu hondo osombahkon: De daagi' ko mian anu opoita mombee'i katalangan salatan mian kopian momputusimo palakala, lantas madi' mombee'i katalangan mongkona apaa na anu tinoanyomo kabai anu i hongonyomo sahingga ia tionyo ahi' montanggungmo kasala'annyo.

MATIUS 16:16

I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

MATIUS 26:62

Lantas Imam Daka' tinuminjo ka' notatae hi Yesus, “Apaa Beleyum madi' montaami poosala', anu tinaloakonmo hi Beleyum aijo'?”

MATIUS 27:12

Panyo tempo'nyo Kapala nu to Ima-imam ka' to pola-polaya' nu Yahudi nontaloakonmo posala' anu manjoo' hondo kona hi Yesus, Ia madi' montaami apa-apaa.

MATIUS 27:14

Panyo i Yesus madi' nontaami mau pe'e santaa', sahingga gubernur aijo' binangangmo hondo.

MATIUS 27:40

Aha notatae, “Beleyum na anu mongka'oho' mohobo'akon Laigan nu Tumpu, ka' nompotinjo ola i uno nu tolunsinaa! De Belento Anak nu Tumpu, pintau'mo mae i salib atina' ka' oposalamat na butong-Um!”

MATIUS 27:43

Ia palesaya hi Tumpu ka' notatae, tukoonyo Ia Anak nu Tumpu. Soba imbo' da otoanto pa' Tumpu timbali momposalamat Ia uuka.”

MATIUS 27:54

Kapala nu pasukan nohingga-hinggat tiba to sulu-suludadu anu hau-haunyo monjagai Yesus, inabuhukmo hondo salatan nongoa'imo luulu' ka' iwi-iwi' anu jinadimo aijo'. Aha notatae, “Totu'u, Ia aiya Anak nu Tumpu!”

MATIUS 4:3

Ibilis tinoka ka' notatae, “Te Beleyum misa' Anak nu Tumpu Allah? Yo pokau na batu haha aiya timbali roti.”

MARKUS 14:61

Panyo i Yesus ola nomohokot. Ia madi' nontaami mau pe'e pa' apaa. Lantas imam daka' aijo' po'ule' nompokilawa minsan hi Ia, “Te Beleyum Tomundo' anu Momposalamat, Anak nu Tumpu anu talalo Susi'?”

YOHANES 1:34

Pinositoang-Kumo,” na koonyo i Yohanes, “ka' aku nompoto'imo anu sinakisiankumo saba' Iamo na Anak nu Tumpu.”

YOHANES 1:49

“Kita Tuumangku Gulu',” na koonyo i Natanael, “Kita Tuuma Anak nu Tumpu! Kitamo Tuuma na Tomundo bansa nu Israel!”

YOHANES 10:24

salatan to mia-mian nu Yahudi tinoka sinilimu'mo titikub hi Yesus. Aha notataemo, “Ipian na kopinnyo Beleyum mompopilaya kami bata-bata? Taloakonmo mae sahondo-hondonyo, de Beleyum totu'u Tomundo' anu Momposalamat.”

YOHANES 10:30

Aku tiba Tuuma sa'a-sa'angu'nyomo.”

YOHANES 10:36

ka' kadaka' komiu montaloakon Aku mompopo'ise' Tumpu, kalana notataemo Aku Anak nu Tumpu? Padahan Aku pinile'anmo nu Tuuma, ka' sinaimo mae mamba i dunia.

YOHANES 18:37

Lantas i Pilatus nompokilawamo hi Ia, “Desumo aitu Beleyum tomundo'?” I Yesus nontaami, “Beleyum notatae, Aku aiya tomundo'! Aku i hampe ka' tinoka i dunia daagi' ko sa'angu' na kahanda' aijo'mo mombee'i katalangan mongkona kahondoan. Mian anu lengkat mae i kahondoan aijo' mohongo Aku.”

YOHANES 19:7

To mia-mian nu Yahudi aijo' nontaami, “De pongka'oho' nu atulan mami, Ia tionyo o hukum mate, kalana Ia mangaku butong-Nyo Anak nu Tumpu.”

YOHANES 19:9

Sahingga ia po'ule' ninsoop i laigan daka', ka' salatan i Yesus pinosoopmo, i Pilatus nompokilawamo hi Ia, “Beleyum nolengkat mae iya?” Panyo i Yesus madi' nontaami.

YOHANES 20:31

Panyo iwi-iwi' aiya tinulis, da komiu palesaya taalu' i Yesus aijo' Tomundo anu Momposalamat, Anak nu Tumpu, ka' kalana palesaya hi Ia, komiu mohumpakmo kantumuu'an.

YOHANES 6:69

Kami pinalesayamo totu-totu'u, kalana i Tumpumo na anu susi' sinai mae lengkat hi Tumpu.”

YOHANES 8:25

“Ihe ahi' totu-totu'u na beleyum?” pinokilawa nu aha. I Yesus nontaami, “Te daagi' bau apaa na basisik tiba komiu!

2 KORINTUS 1:19

Kalana i Yesus Kristus, Anak nu Tumpu, anu pinolele i Silas, i Timotius, hi belemiu; ka' tiba aku, misa' mian “Ii'” ka' “Madi'”. Panyo ola ahi' Ia susumo pinontaami “Ii'” lengkat mae hi Tumpu.

1 PETRUS 2:23

Tempo'nyo Ia inguda-udahan, Ia madi' suele nonguda-udahi. Tempo'nyo Ia nongoa'i sansala Ia madi' noto muhuk, Ia ola nonsimpalakon palakala-Nyo hi Tumpu, Mian Kopian anu adin aijo'.

1 SAMUEL 14:24

I sinaa aijo' aha to mia-mian nu Israel kahomo i lundeng kalana no'ohopmo, kalana i Saul binasumpa'mo sumo uuka, “Mohumpak kutuk na mian de mongkaan maumo pa' apaa, sinaa aiya de ma'isa pe'e ku balosakon na sampo bali'ku.” Kalana aijo' madi'mo kino samian pe'e na nongkaan i sinaa aijo'.

1 SAMUEL 14:26

panyo mau pe'e ola samian madi' nongkaan ka' nonginum juu'nyo aijo' kalana mabuhuk dumo nu kona nu kutuk anu tina-tinaloakon i Saul.

1 SAMUEL 14:28

Lapas aijo' sala' samian na suludadu haha aijo' notataemo hi ia, “Kami iwi-iwi' madi' mo moko ala mombau apa-apaa kalana no'ohopmo. Panyo tuuma nu belento Tuan nompopobuhukmo kami nu sumpa'nyo, tukoonyo, 'Nukona nu kutuk na mian anu mongkaan sinaa aiya.’ ”