MATIUS 26:61 - KITAB NU TUMPU ALLA LELE MA'IMAI'

⁶¹ Aha notatae, “Mian aiya notatae, ‘Aku moko ala mohobo'akon Laigan nu Tumpu, ka' i uno nu tolunsinaa po'ule'mo opotinjo.’ ”

MATIUS 26:61 ပူးပေါင်းရင်းမြစ်များ

KAJADIAN 19:9

Panyo notatae na mian nu Sodom haha aijo' hi Lot, “Tula' lamba! Beleyum mian anu lengkat mae i salipu'an kahanda'mo mongatun mae kami? Sampa lako'! De madi', beleyum obandahimo mami sahanyo mian haha itina' ua'aha na madi' talalo opoposia mami.” Lantas aha nonsulakonmo i Lot ka' nontumbuhimo kahanda'mo mongidei tumban.

1 TOMU-TOMUNDO' 22:27

Poto'i hi aha da oposoopmo na ia i talungku', ka' boli oponjoo' na mombee'i mongkaan ka' monginum sampe aku minsusule'mo mae ma'i-ma'ima'.”

2 TOMU-TOMUNDO' 9:11

I Yehu ninsusule'mo hi to sanga-sangalunyo lantas pinokilawamo nu aha, “Lele apaa? Mian anu ulawon aijo', apaa na anu nu kahanda'i hi belento?” “Ha' sinumbu'mo nu belemiu,” na koonyo i Yehu.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

MATIUS 12:24

Salatan to mia-mian Farisi nohongomo aijo', aha nontaami, “Mian aiya timbali molaa' roh anu ma'idek, kalana i Beelzebul kapala nu to roh-roh ma'idek, nombee'mo kuasa aijo' hi aha.”

MATIUS 26:62

Lantas Imam Daka' tinuminjo ka' notatae hi Yesus, “Apaa Beleyum madi' montaami poosala', anu tinaloakonmo hi Beleyum aijo'?”

MATIUS 26:71

lantas ia namba nokiijo' i pontumban nu kintan. Samian na posaihon boune sangga'at nontoa i Petrus ka' notatae hi to mia-mian i kiijo', “Mian aiya u'uka suele nosangalu tiba i Yesus aijo' lengkat mae i Nazaret.”

MATIUS 27:40

Aha notatae, “Beleyum na anu mongka'oho' mohobo'akon Laigan nu Tumpu, ka' nompotinjo ola i uno nu tolunsinaa! De Belento Anak nu Tumpu, pintau'mo mae i salib atina' ka' oposalamat na butong-Um!”

MATIUS 27:5

I Yudas nolumbu'akon doi i uno nu Laigan nu Tumpu, lantas namba ka' nonsegotmo butong, ka' natikalayo'.

MARKUS 14:58

“Kami nohongo mian aiya notatae, ‘Ku hobo'akon na Laigan nu Tumpu aiya anu binau nu mian, ka' lapas ko tolun sinaanyo, po'ule' Ku potinjo na sangga'at anu misa' mian na nombau.’ ”

MARKUS 15:29

To mia-mian anu motulu i kiijo' ko lilo-lilokmo na ubak ka' montaloakon potatae mompopo'ambang i Yesus. Aha notatae, “Ee, Beleyum na anu mongka'oho' mongidei Laigan nu Tumpu, ka' po'ule' mompotinjo ola i uno nu tolun sinaa.

LUKAS 23:2

I kiijo' aha nontampu'unimo nontuuk Ia. Koo-Nyo nu aha, “I humpak mami na Mian aiya, mompogulu' sala' hi mian daisan. Ia nonsale'i mian da boli mombayan hasin hi Tomundo, kalana tukoonyo Ia atina'mo i Kristus samian na Tomundo.”

YOHANES 9:29

Osumbu' mami saba' Tumpu notataemo hi Musa. Panyo mongkona mian aijo', madi' osumbu' mami pa' iyamae na pinoleng katan-Nyo.”

SISIKON NU TO RASUL-RASUL 17:18

To gulu-gulu' anu mombatuki pangajalan i Epikuros ka' mombatuki pangajalan i Stoa pinainggaga suele tiba ia. To pia-piangkuka lengkat hi aha notatae, “Apaa na nusumbu' nu mian aiya? Kapandeannyo ola sangkiding, panyo ia manjoo' na potatae!” To pia-piangkuka anu sangga'atannyo notatae, “Kugantang ia mompolele mongkona to pilo-pilogot nu bansa sangga'at.” Aha notatae sumo aitu, kalana i Paulus monsisik mongkona i Yesus ka' mongkona anu mate po'ule' tumuu'.

SISIKON NU TO RASUL-RASUL 18:13

Aha namba nongkalaak, “Mian aiya monsale'i mian da'isan da monsombah Tumpu panyo bau-baunyo madi' pokakana tiba atulan i Musa!”

SISIKON NU TO RASUL-RASUL 22:22

To mia-mian daagi' saja' mompotombihing i Paulus basisik, panyo tinoka i potatae anu i mihinyomo aijo' aha noloboo'mo daka-daka', “Pateimo na mian anu sumo aijo'. Ia madi' pantas tumuu'!”