MATIUS 26:55 - KITAB NU TUMPU ALLA LELE MA'IMAI'

⁵⁵ Lantas i Yesus notatae hi mian da'isan aijo', “Te Aku mian ma'idek, sampe komiu toka momboa mae bajak, ka' amangkun mohakop Aku? Toka sansina-sinaa Aku mongajan i Laigan nu Tumpu, kadaka' komiu madi' mohakop Aku!

MATIUS 26:55 ပူးပေါင်းရင်းမြစ်များ

MATIUS 21:23

Lapas aijo', i Yesus ninsusule' i Laigan nu Tumpu, lantas ninsoop ka' nongajan i kiijo'. Tempo'nyo Ia hau-haunyo mongajan, Kapala nu to Ima-imam ka' to pola-polaya' nu Yahudi tinokamo hi Ia ka' nompokilawa, “Apaa na alasan nu Beleyum mombau iwi-iwi' aiya? Ihe na nombee'i hak aiya hi Beleyum?”

MATIUS 26:47

Hau-haunyo i Yesus daagi' basisik, i Yudas sala'samian anu sampulu' ka' ohua' na anu saja' mombatuki Ia aijo' tinokamo. Nohingga-hinggat mae tiba ia, tinoka suele da'isan na mian anu nomboa mae bajak ka' amangkun. Aha sinai nu Kapala nu to Ima-imam ka' to pola-polaya' nu Yahudi.

MARKUS 10:1

Lapas aijo' i Yesus nompala'imo tampat aijo', ka' aha nokiijo'mo i tano' Yudea ka' i tano' santoa nu Kaunyo Yordan. Mian da'isan tinoka mule' sinihuk montikubi Yesus. Ka' sumo biasanyo i Yesus nongajan aha.

MARKUS 12:35

Hau-haunyo mongajan i Laigan nu Tumpu, i Yesus nompokilawamo, “Mosia na to gulu-gulu' agama moko ala montaloakon tukoonyo, Tomundo anu Momposalamat aijo' lee' i Daud?

LUKAS 19:47

Sansina-sinaa i Yesus mompogulu' i Laigan nu Tumpu. Kapala nu to ima-imam tiba gulu-gulu' agama, tiba to tu'a-tu'anyo nu Yahudi mongindi da o pateimo na Ia,

LUKAS 20:1

Daagi' kino sansinaan, i Yesus hau-haunyo mompogulu' ka' mompolele Lele Ma'ima' lengkat hi Tumpu, hi to mia-mian i uno nu Laigan nu Tumpu. Kapala nu to ima-imam, gulu-gulu' agama tiba to pola-polaya' nu Yahudi, tinokamo

LUKAS 4:20

Po'ule' i lulun i Yesus na kitab aijo', ka' po'ule' sinule'akonnyo hi mian anu ko tugasnyo i kiijo', ka' Ia sinumuhang. Iwi-iwi' na mian anu i uno nu laigan pogalejaan nontoa Ia.

YOHANES 7:14

Hau-haunyo lamean, i Yesus ninsoopmo i uno nu Laigan nu Tumpu, lantas nontampu'uni nompogulu'.

YOHANES 7:28

Lapas aijo' hau-haunyo i Yesus mompogulu' i uno nu Laigan nu Tumpu, Ia noloboo'mo notatae daka-daka', “Jadi osumbu'mo miu ihe na Aku aiya, ka' lengkat mae iya na pinolengkatan-Ku? Aku tinoka misa' posi pongka'oho'-Ku. Aku sinai mae nu Ia anu ko hak monsai mae Aku, ka' Ia timbali opalesaya. Panyo komiu madi' monsumbu' Ia.

YOHANES 8:2

Dodododopnyo subu-subu Ia namba mule' i Laigan nu Tumpu, ka' da'isan na mian tinokamo hi Ia. I Yesus sinumuhang, lantas nontampu'unimo nompogulu' aha.

YOHANES 8:20

Iwi-iwi' aijo' tinaloakon i Yesus tempo'nyo aitu Ia hau-haunyo nompogulu' i Laigan nu Tumpu, koko tampat nu doi anu o sombahkon. Panyo madi' ko samian pe'e na anu mohakop Ia, kalana misa' pe'e toka na tempo'nyo.