MATIUS 26:53 - KITAB NU TUMPU ALLA LELE MA'IMAI'

⁵³ Nu sumbu' Aku madi' moko ala momoita tulung hi Tuumang-Ku, ka' Ia malia' mae hondo na monsai mae molabi sampulu' ka' ohua' na pasukan nu Suludadu malaikat?

MATIUS 26:53 ပူးပေါင်းရင်းမြစ်များ

2 TOMU-TOMUNDO' 6:17

Lantan i Elisa binalado'amo, “O Tumpu, de timbali belento mombuka'akon mata nu posaihonku da ia timbali montoa!” Do'a i Elisa i hongomo nu Tumpu sahingga salatan posaihonnyo nontoamo nokiijo' tinoanyo na bungkutnyo aijo' nobuke'mo nu ajahan tiba kareta ko apunyo nontikubimo i Elisa.

DANIEL 7:10

ka' apu aijo' molele mae lengkat i kadela nu tomundo' ai-aijo'. Momada-madala na mian anu molayani Ia, ka' juta'an nu mian tinuminjomo i ahop-Nyo. Lapas aijo' tinampu'unanmo na nomputusi ka' iwi-iwi' na kitab pinaha buka'mo.

MATIUS 25:31

“De Anak Mian toka sumo Tomundo nu sampo jaalan nu malaikat-Nyo iwi-iwi', Ia sumuhang i kasuhangan-Nyo anu opopodaka'.

MATIUS 4:11

Ahennyo Ibilis nompala'imo Yesus, ka' to mala-malaikat tinokamo montulungi Ia.

MARKUS 5:15

Aha tinoka hi Yesus, lantas nontoa mian anu u'uka pininsoopan nu roh ma'idek aijo', hau-haunyo suha-suhang i kiijo'. Ia nompusokmo baju' ka' pikilannyo mule' na'ima'mo. Lantas aha iwi-iwi' tinimbali nabuhuk.

MARKUS 5:9

Lantas i Yesus nompokilawa hi ia, “Ihe na sanggoum?” Mian aijo' nontaami, “Sanggongku ‘Legiun’ – kalana kami aiya da'isan hondo!”

LUKAS 8:30

Pinokilawa i Yesus hi mian aijo', “Ihe na sanggoum?” “Sanggongku i ‘Legiun’,” tinaaman nu mian aijo' – kalana manjoo' na roh ma'idek anu ninsoopmo i uno nu butongnyo.

YOHANES 10:18

Madi' ko samian pe'e moko ala mongala aiya hi beleng-Ku. Aku nombee' posi pongka'oho'-Ku. Aku ko kuasa mombee', ka' ko kuasa po'ule' mongala. Aijo'mo na palentah anu ingalang-Ku hi Tuumang-Ku.”

YOHANES 18:36

I Yesus notatae, “Kalaja'an-Ku misa' lengkat i dunia aiya. Maluannyo kalaja'an-Ku lengkat i dunia aiya, to mia-mian-Ku tantu tionyo montinjohi da Aku boli obee' hi anu mongkuasai Yahudi. Panyo memang kalaja'an-Ku misa' lengkat i dunia aiya!”

2 TESALONIKA 1:7

Ka' hi komiu anu uuka aiya nongoa'imo kasansala'an – sumo aitu mule' hi kami – Tumpu mombee'je kasanangan de Sinaanyomo nu Tumpu Yesus minsusule'mo mae lengkat i suluga' ka' mompotoamo butong-Nyo tiba to mala-malaikat-Nyo anu to babaani

YUDAS 1:14

I Henokh, lee'mo ko popitu'nyo lengkat mae hi Adam, naipuan mae toho'mo nonsisikakon kantumuu'an nu mian haha aijo'. I Henokh notatae, “Toa, Tumpu tokaje mae tiba to mala-malaikatnyo anu susi' i mada-madalannyo