MATIUS 26:5 - KITAB NU TUMPU ALLA LELE MA'IMAI'

⁵ “Panyo,” koonyo nu aha, “boli na han aijo' o bau i tempo' nu lamean, kalana dumo timbali na kahengge'an nu layat.”

MATIUS 26:5 ပူးပေါင်းရင်းမြစ်များ

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

AMSAL 19:21

Manusia talalo hondo manjoo' na tanga'an, panyo ola ahi' kaputusan nu Tumpu na jadi obau.

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

MOHAANGI 3:37

De Tumpu madi' mongkahanda'i pa' apa-apaa tantu manusia madi' moko ala mombau apa-apaa mongkona han aijo'.

MATIUS 14:5

Sabenannyo i Herodes mongka'oho' mompatei i Yohanes, panyo ia mabuhuk hi to mia-mian, kalana aha monsangka i Yohanes nabi.

MATIUS 21:26

Panyo de o taeakonto, ‘Tiba hak nu mian,’ kita mabuhuk hi mian da'isan, kalana aha iwi-iwi' monsangka i Yohanes samian na nabi.”

MATIUS 27:24

Ahennyo i Pilatus tinonginau', saba' ia madi'mo timbali moko ala mombau apa-apaa, ka' to mia-mian haha aijo' ugaat motomuhukmo. Jadi ia nongala uee lantas i ahop nu mian da'isan aijo', ia nombaso'imo limanyo ka' notatae, “Aku madi' mangaku ko sala'nyo i kapatean nu mian aiya! Aijo' ulusan miu!”

MARKUS 14:12

I sinaa momoonanyo i uno nu Molame'akon Roti anu Madi' ko Raginyo – tempo'nyo aitu mian mongkolot domba Paskah – anu saja' mombatuki Yesus nompokilawa hi Ia, “Iyamae na oka'ima'i nu kita Tuuma, kami momposadiakon kaanon nu Paskah hi Tuumangku?”

MARKUS 14:2

“Panyo boli kita mombau aijo' i tempo' molame'akon,” koonyo nu aha, “kalana dumo timbali na ka'idekan”.

MARKUS 14:27

Lapas aijo' i Yesus notatae hi aha, “Komiu iwi-iwi' malai mompala'i Aku. Kalana i uno nu Kitab nu Tumpu tinulis, ‘Tumpu mompateimo anu molaya' dombanyo, ka' sampahas na dombanyo mosungkehetmo.’

LUKAS 20:6

Panyo de otaloakonto, ‘Mian na nombee'i hak,’ iwi-iwi' na mian mompahambunu'akon mae nu batu kita, kalana nu palesaya nu aha na i Yohanes samian na nabi.”

LUKAS 22:7

Tinokamo na sinaanyo Molame'akonmo Roti Madi' Mompake Ragi, saba' domba anu okaan i Paskah okolotmo.

YOHANES 18:28

Subu-subu hondo aha nomboa i Yesus lengkat mae laigan i Kayafas namba i laigan nu gubernur. To mia-mian nu Yahudi madi' ninsoop i uno nu laigan daka', da aha madi' mahenyu susumo koonyo nu agama, kalana aha kahanda'mo mongkaan kaanon nu Paskah.

SISIKON NU TO RASUL-RASUL 19:29

Sahingga ka hengge'an aijo' tinogilelemo tinoka-toka i songko-songko na kota'. Lapas aijo' posa'angu'an anu mombau kahengge'an aijo' nohakop i Gayus ka' i Aristarkhus, aitumo' to mia-mian nu Makedonia anu monsangalui i Paulus mamba moyaya, lantas nohela' aha nokiijo' i totonga' nu kota aijo'.

SISIKON NU TO RASUL-RASUL 21:38

“Desumo aitu, beleyum misa' mian nu Mesir anu u'utu mae nombaumo kahengge'an lantas nompalaiyakonmo opat na madala na mian anu mompokalangkabut nomboa bau pimuhuk ninsoop i padang bolaa?”

SISIKON NU TO RASUL-RASUL 4:28

Aha nosa'angu' da mombau apa-apaa, anu tinantukanmo nu Kita momonanyo saba' aijo' tionyo timbali. Ka' Kita montantukanmo aijo' nu kakuasa'an ka' posi Pongka'oho'-To.