MATIUS 26:45 - KITAB NU TUMPU ALLA LELE MA'IMAI'

⁴⁵ Lapas aijo' Ia ninsusule' mule' hi anu saja' mombatuki Ia ka' notatae, “Daagi' komiu hoyot ka' milawe? Toa, tinokamo na tempo'nyo Anak nu Mian obee'mo hi anu mongkuasai to mia-mian baladosa'.

MATIUS 26:45 ပူးပေါင်းရင်းမြစ်များ

1 TOMU-TOMUNDO' 18:27

Salatan sinonsu'unmo na sinaa i Elia lewa'mo nompobau-bau aha. “Balado'a mule' ka' lebe opohoson! Te misa' ia pilogot ahi'? Ku gantang ia hau-haunyo mompotutugakon apa-apaa kabai ugaat namba i pibodo'an Kabai ugaat ia nambamo pa' noya! Kabai ugaat ia i hoyotmo, jadi tionyo ahi' belemiu moliko ia!”

ANU MOMPOLELE POTATAE NU TUMPU 11:9

O belemiu to oli-olitau ka' to lalangkoyang, oa'i pe'e na kasanangan de daagi olitau ka' langkoyang! Balame-lame'mo de belemiu hau-haunyo tumimpasje. Baumo iwi-iwi' apaa na anu nu kahanda'i nu nyawa nu belemiu, ka' mule' baumo iwi-iwi' apaa na anu iniatmo nu kinyonyoa nu belemiu. Panyo o inau' ahi' na Tumpu anu kiita i suluga', Ia na momputusi saidi' mae palabuatanto iwi-iwi'.

MATIUS 26:18

I Yesus nontaami, “Lako'mo hi sala'samian anu kiijo' i kota, ka' taloakon hi ia, ‘Koonyo nu Tuumangku Gulu', tinokamo na tempo'nyo hi beleng-Ku; Aku mongka'oho'mo molame'akon Paskah i laiganum hingga-hinggat tiba anu saja' mombatuki Aku.’ ”

MATIUS 26:2

“Osumbu' miu daagi' uansinaa na Sinaa Daka' nu Paskah, ka' Anak nu Mian obee'mo da o salib!”

MATIUS 26:44

Po'ule' mule' i Yesus nompala'i aha kinopintolunnyo da balado'a ka' nontaeakon potatae anu pokakana.

MATIUS 26:46

Pobulamo, imbo' kita mambamo. Toa! Mian anu mongkabisa'i Aku tinokamo mae!”

MARKUS 14:35

I Yesus namba sangkiding majo'on lantas natidupumo i tano' ka' binalado'a. I uno nu do'a-Nyo pinoita-Nyo de timbali da Ia madi' mongoa'i kasansalaan aijo'.

LUKAS 22:53

Sansina-sinaa Aku tiba komiu kiijo' i Laigan nu Tumpu, komiu madi' mohakop Aku. Panyo aiyamo na tempo'nyo komiu mohakop, tempo'nyomo kuasa nu pintung montoongimo pamalentahannyo.”

YOHANES 12:23

I Yesus notatae hi aha, “Tempo'nyomo Anak nu Mian opopodaka'.

YOHANES 12:27

“Kinyonyoang-Ku meat; apaa na anu tionyo Ku taloakon uuka? Pa' tionyo Ku taloakon, ‘Tuuma, opimpaliakon na Aku uuka aiya?’ Panyo kalana da mongoa'i sakisa aiya, mokonyo aitu Aku tinoka.

YOHANES 13:1

Daagi' sansinaa tokaje na Sinaa Daka' nu Paskah, sinumbu'mo i Yesus taalu' tempo'nyo tokamo Ia mompala'imo dunia aiya minsusule'mo hi Tuuma-Nyo. Ia mongkalibosi to mia-mian anu tinimbalimo anu-Nyo i dunia, ka' Ia saja' mongkalibosi aha toka-toka i ka'ahenan-Nyo.

YOHANES 17:1

Noko potatae sumo aijo', i Yesus nontihanga langit ka' notatae, “Kita Tuuma, u'uka aiya tinokamo na tempo'nyo. Popodaka'mo na Anak-To, da Anak-To suele mompodaka' kita Tuuma.