MATIUS 26:41 - KITAB NU TUMPU ALLA LELE MA'IMAI'

⁴¹ Bajaga-jaga, ka' balado'a da komiu boli nu kona nu soba'an. Roh miu mongka'oho' mombau anu totu'u, panyo komiu madi' moko ala, kalana sipat nu mian aijo' madi' moko ala.”

MATIUS 26:41 ပူးပေါင်းရင်းမြစ်များ

MAZMUR 119:1

Mohumpak ka'ima'an na mian anu kantumuu'annyo madi' ko kasala'annyo ka' tulu-tulutan hi atulan iwi-iwi' nu Tumpu.

MAZMUR 119:115

O, mian anu ma'idek na kinyonyoanyo boli mae ohani hi belengku! Aku montulutimo palentah nu Tumpu Allah-ngku.

MAZMUR 119:117

Sangaja'i mae na aku da aku salamat, ka' saja' mompalahatikan palentah nu Belento.

MAZMUR 119:32

Aku sanang hondo na tulu-tulutan hi palentah nu Belento, kalana Belento nombalakatimo da aku lebe mangalati'.

MATIUS 24:42

Jadi, obala'ingati, kalana komiu madi' monsumbu' hipian na Tumpu miu toka.

MATIUS 25:13

Lantas i Yesus nompopupus kantuang-Nyo sumo uuka: “Kalana aijo' balajaga-jagamo, sabab komiu madi' monsumbu' sinaanyo kabai jamnyo.”

MATIUS 26:38

Ia notatae hi anu saja' mombatuki Ia, “Kinyonyoang-Ku molibos hondo, Ku oa'i sumo sahanyo matemo. Jojoongmo na komiu i aiya, ka' bajaga-jagamo tiba Aku.”

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

MARKUS 14:38

Lantas i Yesus notatae hi aha, “Balajaga-jagamo, ka' balado'a da komiu madi' mohumpak soba'an. Memang roh miu mongka'oho mombau anu totu'u, panyo komiu madi' moko ala, kalana kalakuan nu mian aijo' madi' mahoson.”

LUKAS 11:4

Ampuniakon na dosa-dosa' mami, kalana kami suele nongampunimo batu-batu mian anu kosala'nyo hi kami. Ka' boli mompojohok kami nukona nu soba'an dumo kami madi' palesaya.’ ”

LUKAS 21:36

Saja' bajaga-jaga ka' balado'a, da komiu mahoson na mongahopi iwi-iwi' na anu saidi' mae timbali, ka' komiu moko ala mangadap hi Anak nu Mian.”

LUKAS 22:40

Salatan tinoka i kiijo', Ia notatae hi aha, “Balado'a, da komiu boli baladosa' de komiu o sobai.”

LUKAS 22:46

Lantas Ia notatae hi aha, “Kadaka' komiu hoyot? Bulamo ka' balado'a da boli komiu nukona nu ponsobai.”

LUKAS 8:13

Bine' anu nanabu' i tampat anu ko batunyo sumomo mian anu mohongo lele aijo', kinyonyoanyo sanang na montalima. Panyo lele aijo' madi' nimbakat i kinyonyoa nu aha. Aha palesaya ola sasaingoni', ka' de soba'an toka, aha madi'mo mule' palesaya.

ROMA 8:3

Apaa na anu madi' opoko bau nu atulan nu agama, kalana kita mian madi' moko ala mombau, aijo' binaumo nu Tumpu. Tumpu nohungku'imo kuasa nu dosa' anu i uno nu sipat nu mian, aijo'mo nonsai posi Anak-Nyo na tinoka nimbalu-balu sumo mian anu baladosa' da mongalini dosa'.

1 KORINTUS 10:13

Batu-batu soba'an anu o'oa'i nu kita Utus, atina' soba'an anu saja'mo o'oa'i nu mian. Panyo Tumpu tataap i pala janjian-Nyo. Ia madi' mompojohok kita Utus osobai molingkudui anu opoko ala obau miu. Tempo'nyo kita Utus nukona nu soba'an, Ia mombee'i jalan hi komiu da mahoson, da kita Utus moko ala montahan.

1 KORINTUS 16:13

O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya.

1 KORINTUS 9:27

Kubee' na butongku opogulu' totu-totu'u, sahingga aku monsumbu' hondo-hondo. Kubau sumo aijo', kalana aku madi' mongka'oho' boli-boli salatan aku mongende mian sangga'at da mombatuki bakutanding pailomba aijo', yo aitu aku na madi' ahi' opobee' pailomba.

GALATIA 5:24

To mia-mian anu i Kristus Yesusmo na tumpunyo, mian haha aijo' nompateimo sipatnyo salaku manusia tiba iwi-iwi' na napisunyo ka' apaa na anu nu ka'ima'i.

EFESUS 6:18

Bau na iwi-iwi' aijo' ka' balado'a salaku pompoita tulung hi Tumpu. Iwi-iwi' na kasampatan tionyo balado'a susumo anu pinotiju'mo nu Roh nu Tumpu hi komiu. Tionyo ahi' komiu saja' mogogau' ka' boli mangaku matundu'mo. Saja' odo'akon na mian iwi-iwi' anu palesayamo hi Tumpu.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

1 PETRUS 5:8

Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.

2 PETRUS 2:9

Jadi, nusumbu' nu Tumpu mosia na momposalamat anu montuluti pongka'oho'-Nyo de aha mongahopimo soba'an-soba'an. Ka' nusumbu' nu Tumpu mosia na mompo'una' to mia-mian anu ma'idek da osakisa i Sinaa Pomputusianmo,

ANU PINOTO'I HI YOHANES 16:15

“Potombihing mae! Aku toka mae sumo anu montomang! Mohumpak ka'ima'an na mian anu tataap mosadia ka' monjaga baju'nyo, sahingga ia madi' langgo' na lumajang, ka' ma'ambangmo i ahop nu mian da'isan!”

ANU PINOTO'I HI YOHANES 3:10

Kalana belemiu nontulutimo palentah-ngKu da totu-totu'u na kinyonyoa, Aku suele monjagaije komiu i tempo' nu kasusa'an anu mongkona songko-songko na dunia. Han aijo' saidi' mae timbali da monsobai iwi-iwi' na mian i dunia.