MATIUS 26:39 - KITAB NU TUMPU ALLA LELE MA'IMAI'

³⁹ Lapas aitu, i Yesus namba gagana' majo'on, lantas Ia tinolodadupumo i tano' ka' binalado'a. “Kita Tuuma”, Ia notatae, “de timbali pojo'onakon mae hi beleng-Ku na kasansala'an-Ku anu tionyo Ku oa'i aijo'. Panyo boli mombatuki pongka'oho'-Ku, panyo batukimo na pongka'oho' nu Kita Tuuma.”

MATIUS 26:39 ပူးပေါင်းရင်းမြစ်များ

KAJADIAN 17:3

Lantas tinolodadupumo na i Abram, lapas aijo' Tumpu Allah notataemo,

2 SAMUEL 15:26

Panyo de Tumpu madi'mo mongka'ima'i aku, yo yayamo ahi' pa' mosia na pongka'oho'-Nyo hi butongku aiya.”

1 TAWARIKH 21:16

I Daud nontoa mule malaikat ata i kalangan olot nu langit tiba katano'an totoong na bajak i limanyo nu malaikat mongkahanda'i mohopu'i Yerusalem. Nontoa aitu na i Daud tiba o tana tanasnyo anu lewa mompimpin mian laayat anu temponyo aitu hau-haunyo pake-pake na hude kalung bau tanda nompele pele'o singkap tindolo da dupu no kayong i tano.

YESAYA 50:5

Tumpu mompopangalati'mo mae Aku; aku madi' motomuhuk kabai mompala'imo Ia.

YESAYA 53:12

Halala na kinyonyoanyo mombee' butongnyo ka' ninsoopmo i lekengan nu mian anu ma'idek na palabuatannyo. Ia nontanggungmo dosa' nu mian da'isan ka' binalado'amo da aha o ampuni. Sahingga binee'an-Ku mo na ia aha manjoo' na mian da bau sala-Ku palasen, ka' mohumpak bahagian hingga-hinggat tiba mian anu madi' ko kasala'annyo.”

YEHEZKIEL 1:28

ka' manjoo' hondo na ngahan nu buhitnyo mimbalu-balu'mo tandalo'. Aijo'mo na jingka anu lonsinoan hondo salaku tanda daagi'mo ko Tumpu tinoka. Nontoa aijo' aku tinombahangkangmo dumo-dumon itano'. Lantas ihongongkummo na potatae

NOMBILANGMO 14:5

Lantas i Musa ka' i Harun tinolodadupumo i ahop nu mian da'isan.

NOMBILANGMO 16:22

Panyo i Musa ka' i Harun tinolodadupu nonsombah ka' notatae, “O Tumpu Allah, Belentomo na anu nombee'i mae kantumuu'an hi iwi-iwi' na anu tumuu'. De ola samian na anu baladosa', pa' Belento montambuha'imo mian iwi-iwi'?”

MATIUS 20:22

“Komiu madi' monsumbu' apaa na anu opoita miu,” koo-Nyo i Yesus hi aha. “Opoko ala miu na monginum i mangko' kasansala'an anu tionyo Ku'inum?” “Opoko ala,” tinaaman nu aha.

MATIUS 24:24

Kalana tokaje mae na anu momposalamat padahan anu madi' totu'u, ka' to nabi-nabi anu madi' totu'u. Aha mombau palabuatan-palabuatan anu o palias, ka' hahan anu okabangangi bau pongakali, de timbali, mau mian anu palesayamo hi Tumpu suele.

MATIUS 26:42

Po'ule' mule' i Yesus namba binalado'a, Ia notatae, “Kita Tuuma, de kasansala'an aiya tionyo Ku oa'i, ka' madi' opoko pojo'onakon, bakas pongka'oho'mo nu Kita Tuuma na jadi.”

MARKUS 13:22

Kalana anu momposalamat bale-baleko' ka' to nabi-nabi baleko' tokamo saidi' mae. Aha mombau palabuatan-palabuatan anu talalo hondo daka', ka' hahan anu okabangangi bau pongakali de timbali, mian nu Tumpu suele.

LUKAS 17:16

Lantas i ahop i Yesus ia nonsombah, ka' nontalima kase hi Ia. Mian aijo' mian nu Samaria.

YOHANES 11:41

Sahingga i hangkat nu aha na batu aijo'. Lapas aijo' i Yesus nontihanga langit ka' notatae, “Talima kaseh Tuuma, kalana kita nohongomo Aku.

YOHANES 14:31

Panyo iwi-iwi' aijo' tionyo timbali da nu sumbu' nu dunia, taalu' Aku mongkalibosi Tuuma ka' mombau iwi-iwi' anu pinalentakon nu Tuuma hi beleng-Ku. Yoh, imbo' da kita mambamo lengkat i aiya.”

YOHANES 18:11

Sahingga i Yesus notatae hi Petrus, “Po'ule' posalung na bajakum i guma'nyo! Pa' koyum o Aku madi' sida monginum galas kasansala'an anu binee' nu aha Tuuma hi beleng-Ku?”

YOHANES 5:19

I Yesus nontaami mian haha aijo' sumo uuka, “Palesayamo, Anak madi' moko ala mombau apa-apaa de ola posi kuasanyo. Ia ola mombau apaa na anu tinoa-Nyomo binau nu Tuuma-Nyo. Kalana apaa na anu binaumo nu Tuuma, aijo'mo suele na nubau nu Anak.

YOHANES 5:30

“Aku madi' moko ala mombau apa-apaa de ola posi pongka'oho'-Ku. Aku ola momputusi hukuman sumo anu pinalentahkonmo nu Tumpu. Ka' kaputusan-Ku adin, kalana Aku madi' mombatuki posi pongka'oho'-Ku, panyo o ala i pongka'oho' nu Tuuma anu nonsai mae Aku.

YOHANES 6:38

Kalana Aku nintatau' mae lengkat i suluga', misa' mombau anu posi pongka'oho'ku, panyo pongka'oho'-Nyo nu anu nonsai mae Aku.

SISIKON NU TO RASUL-RASUL 10:25

Salatan i Petrus tinokamo, i Kornelius nambamo nolabot ia ka' nonsombah i ahopnyo.

FILIPI 2:8

Ia nompati alukakonmo butong-Nyo, ka' tinumuu'mo nontuluti Tumpu sangkutnyo sinilaka – aijo'mo sinilaka sinalib.

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.