MATIUS 26:37 - KITAB NU TUMPU ALLA LELE MA'IMAI'

³⁷ Lantas Ia nonsale'i Petrus ka' ua'aha na anak i Zebedeus mamba mohingga-hinggat tiba Ia. Ia nomulaimo nongoa'i nolibos ka' madi' sanang.

MATIUS 26:37 ပူးပေါင်းရင်းမြစ်များ

MATIUS 17:1

Ilapas anon sinaa, i Yesus nomboamo i Petrus ka' i Yakobus tiba utusnyo i Yohanes, ola posi aha na nokiijo' i sa'angu' na bungkutnyo anu matangkas.

MATIUS 20:20

Ilapas aitu, bengkele' i Zebedeus tinoka tiba to ana-anaknyo hi Yesus. I ahop hi Yesus, ia tinolodadupu ka' nompoita apa-apaa.

MATIUS 4:18

Tempo'nyo i Yesus hau-haunyo i lumajang i biwi nu bone' Dowiwi Galilea, Ia nontoa ua'aha na topo meka, aijo'mo i Simon (anu o sanggohi mule' i Petrus) tiba utusnyo ise' i Andreas. Aha hau-haunyo mompagala ikan i dowiwi aijo' nu buani'.

MATIUS 4:21

I Yesus i lumajang lau-laus, lantas nontoa mule' ua'aha na mian sangga'at anu moto utus, aijo'mo i Yakobus ka' i Yohanes, ana-anak i Zebedeus. Aha hingga-hinggat tiba tuuma nu aha hau-haunyo mompoko ima'i buani' i uno nu duangan. I Yesus mule' nolagamo aha,

MARKUS 5:37

Lantas i Yesus i lumajang lau-laus, panyo Ia madi' mompobee' mau samian pe'e na anu mombatuki Ia, ola sambiha'nyo i Petrus tiba i Yakobus ka' i Yohanes moto utus.

LUKAS 22:44

I Yesus talalomo hondo nongoa'i sansala i kinyonyoa, sahingga Ia nompaka balado'amo totu-totu'u. Liasa'-Nyo sumomo baso' jinumuju' i tano'.]

YOHANES 12:27

“Kinyonyoang-Ku meat; apaa na anu tionyo Ku taloakon uuka? Pa' tionyo Ku taloakon, ‘Tuuma, opimpaliakon na Aku uuka aiya?’ Panyo kalana da mongoa'i sakisa aiya, mokonyo aitu Aku tinoka.