MATIUS 26:31 - KITAB NU TUMPU ALLA LELE MA'IMAI'

³¹ Lantas i Yesus notatae hi anu saja' mombatuki Ia, “Pihi uuka komiu iwi-iwi' mopadeka'mompala'i Aku; kalana i uno nu Kitab nu Tumpu tinulis: Tumpu notatae, ‘Aku mompatei polaya' domba aijo', ka' sampahas na dombanyo mosungke-sungkehet.’

MATIUS 26:31 ပူးပေါင်းရင်းမြစ်များ

MAZMUR 38:11

Sulengku nangada'mo kahosonanku imadi'anmo matangku montoa me opiha-pihau'.

MAZMUR 69:20

Sinumbu'mo nu Belento na aku, iletakonmo, ingalumo, ka' pinobau-baumo tinoamo nu Belento iwi-iwi' na mian anu monsampobali' mae aku.

MAZMUR 88:18

Sansina-sinaa tambuha' nu Belento sumomo iaba' anu nontikumo mae aku nontumbuhimo mae aku lengkat mae iwi-iwi na tampat.

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

MOHAANGI 1:19

Aku molagamo to sanga-sangalungku anu mompahakona, panyo aha ola nongkabisa'i aku. To ima-imam ka' polaya' nu bansa iwi-iwi' sinilakamo i sinin na jala-jalan nu kota'. Tempo'nyo molio anu okaan, monsawan butong da madi silaka.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

MATIUS 11:6

Kopi-kopian na mian anu madi' mombahakon tiba monsalakon Aku!”

MATIUS 26:24

Memang Anak nu Mian tionyo mate, sumo anu tinulis i uno nu Kitab nu Tumpu. Panyo silaka na mian anu mongkabisa'i Anak nu Mian! Lebe ma'ima' na mian aijo' de ia madi' pinohampe!”

MATIUS 26:56

Panyo memang sumo aitumo da timbali apaa na anu tinulismo nu to nabi-nabi i uno nu Kitab nu Tumpu.” Lapas aijo', iwi-iwi' na anu saja' mombatuki Ia nopadeka'mo nompala'i Yesus.

YOHANES 16:32

O'inau'! Tempo'nyo tokaje mae, aitu pe'e tinokamo, komiu oposungkehetmo. Komiu minsusule' i posi laigan ka' mompala'i Aku sausa'. Panyo Aku madi' posi sausa', kalana Tuuma na mosangalu ka' Aku.