MATIUS 26:3 - KITAB NU TUMPU ALLA LELE MA'IMAI'

³ Tempo'nyo aitu Kapala nu to Ima-imam ka' to pola-polaya' nu Yahudi binala gombumo i laigan daka' nu Imam Daka' Kayafas.

MATIUS 26:3 ပူးပေါင်းရင်းမြစ်များ

MAZMUR 56:6

Sansina-sinaa na mian anu monsampobali' mae aku mongusahakon da madi'mo mingkona na pikilanku mompotutugakon apa-apaa, saja'mo aha bala'usaha monsilakai mae aku.

YEREMIA 11:19

Aku sumomo ahi' domba anu madi' ko sangka'an apa-apaa binoamo itampat pompateian. Aku madi' monsumbu-sumbu' tanga'an ma'idek aijo' montanga'imo mompatei mae aku na aha. Aha notatae, “Imbo' da otaa'mo na kau' aiya hau-haunyo ia daagi' nimbua'; opateintomo na ia da sanggonyo nu kolilimimo nu mian.”

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

MATIUS 26:69

I Petrus hau-haunyo sinumuhang i sambiha'nyo nu kintan. Sala'samian na posaihon boune ka' notatae hi Petrus, “Te misa' beleyum suele sangalu i Yesus mian nu Galilea aijo'?”

MATIUS 27:27

Lapas aijo' to Sulu-suludadu i Pilatus nomboamo i Yesus ninsoop i laigan daka' nu gubernur, ka' iwi-iwi' na pasukan sinilimu'mo nontiikubi Yesus.

MARKUS 14:54

I Petrus aijo' mae majo'on nombatuki Yesus sampe ninsoop i kintan laigan nu imam daka'. I kiijo' mae i sinumuhang minjohu ohani apu nohingga-hinggat tiba to sulu-suludadu.

MARKUS 14:66

Hau-haunyo i Petrus daagi aijo' i natan, sala'samian posaihon boune lengkat hi imam daka' tinoka i kiijo'.

MARKUS 15:16

I Yesus binoa nu to sulu-suludadu nokiijo' i laigan pomputusian, i laigan daka' nu Gubernur. Lapas aijo' iwi-iwi' na gombuan nu suludadu pinalentahkonmo da balagombu.

LUKAS 22:55

Itotonga' nu popasan aijo' apu i hopun pinomoakmo, ka' i Petrus namba sinumuhang tiba to mia-mian anu suha-suhang i duhu-duhuknyo.

LUKAS 3:2

Anu nontoongi to ima-imam daka' aitumo, i Hanas ka' i Kayafas. I Taun aijo'mo na Tumpu notatae hi Yohanes, anak i Zakharia i padang bone'.

YOHANES 11:57

Aha nontaloakon sumo aijo' kalana to kapala-kapala nu imam tiba to mia-mian nu Farisi nompalentahkonmo da ihe na mian anu monsumbu' iyana kajojoongan i Yesus, tionyo mompoto'i mae da Ia o hakopmo.

YOHANES 18:24

Lapas aijo' i Hanas nompokaumo mian momboa i Yesus hau-haunyo pinungu nu lante' nokiijo' hi Imam Daka' i Kayafas.

YOHANES 18:28

Subu-subu hondo aha nomboa i Yesus lengkat mae laigan i Kayafas namba i laigan nu gubernur. To mia-mian nu Yahudi madi' ninsoop i uno nu laigan daka', da aha madi' mahenyu susumo koonyo nu agama, kalana aha kahanda'mo mongkaan kaanon nu Paskah.