MATIUS 26:28 - KITAB NU TUMPU ALLA LELE MA'IMAI'

²⁸ Kalana aiyamo na baso'-Ku anu mompokododo apaa na anu jinanji'mo nu Tumpu – baso' anu binubusakon bau kapentingan nu mian da'isan da bau pongampuni dosa' nu aha.

MATIUS 26:28 ပူးပေါင်းရင်းမြစ်များ

YEREMIA 31:31

Tumpu notatae, “Tokaje mae na tempo'nyo Ku bauje na palajanjian anu obauje mule' tiba mian nu Israel ka' Yehuda.

IMAMAT 17:11

Nyawa nu anu pinotimbalimo nu Tumpu kiijo' i baso'nyo, kalana aijo' Tumpu nompalentahkon da iwi-iwi' na baso' odudu'akon i mezbah da to dosa-dosa' nu mian opobelesi'mo. Baso' aijo'mo nyawa, mompobelesi' dosa'.

ZAKHARIA 9:11

Tumpu notatae hi mian anu palesayamo hi Ia, “Tiba palajanjian anu binaung-Kumo hi belemiu, palajanjian anu sinela'mo nu baso' nu koloban palasombahan, Ku pobebasmo na aha mian da'isan nu belemiu, anu sinansalamo kiijo' i tampat pinomboan aha susumo mian anu kinulungmo i uno nu bubung anu no'otimo.

MATIUS 20:28

Pokakana sumo Anak nu Mian aijo' suele Ia toka misa' da okalibosi, panyo da mongkalibosi, ka' mombee' nyawa-Nyo bau pompobebas mian da'isan.”

MATIUS 26:27

Lapas aitu Ia nongala sa'angu' na galas nu anggur, lantas nontaloakon talima kaseh hi Tumpu. Lapas aijo' Ia nombee' galas aijo' hi anu saja' mombatuki Ia ka' notatae, “Inumo komiu iwi-iwi'.

MATIUS 26:29

Palesayamo: Aku madi' mompo'ule' monginum anggur aijo' sampe toka i tempo'nyo Aku monginumje anggur anu bu'ou hingga-hinggat tiba komiu i Dunia Bu'ou nu Tuumang-Ku.”

MATIUS 6:12

Ampuniakon na kasala'an mami, sumo kami mongampuni mian anu mombau sala' hi kami.

MARKUS 1:4

Sumo anu tinulis aijo', sumo aitumo na i Yohanes i lubat mae i padang bolaa. Ia nompalamandikan mian ka' nompotokakon lele lengkat mae hi Tumpu. “Komiu tionyo mombabali'i dosa-dosa'um ka' tionyo o palamandikan, da Tumpu mongampuni komiu,” sumo aitu na koonyo i Yohanes.

MARKUS 14:24

Lapas aijo' i Yesus notatae, “Aiyamo na baso'-Ku anu mompohoson palajanjian nu Tumpu, baso' anu binubusakon bau kapentingan nu mian da'isan.

LUKAS 22:19

Lapas aijo', i Yesus nongalamo roti. Ka' noko taloakon do'a pontalima kase, Ia nompuge-pugemo roti aijo' nu lima-Nyo lantas nombee'mo hi aha, ka' notatae, “Aiyamo na butong-Ku [anu binee' da bau bagi miu. Bau na aiya da bau ponginau' Aku.”

LUKAS 22:20

Sumo aitu mule' noko kaan, Ia nombee'mo mangko' nu anggur aijo' hi aha ka' notatae, “Mangko' aiya, salaku pontandai nu Tumpu Allah anu bu'ou anu sinela'mo nu baso'-Ku – baso' anu jinujuhakonmo hi komiu].”

ROMA 5:15

Panyo ua-ua'aha aijo' madi' pokakana; kalana balakat nu Tumpu lebe daka' de opokakanakon tiba panggaga i Adam anu madi-madi' mohongo-hongo. Panggaga nu samian monsaduakon mian da'isan mate. Lebe daka' mule' na balakat nu Tumpu tiba kasalamatan anu binee'-Nyo hi mian anu sumo aijo' na konjoo'nyo, kalana ka'ima'an nu kinyonyoa nu samian, aijo'mo i Yesus Kristus.

ROMA 5:19

Ka' susumo manjoo' na mian timbali mian baladosa' kalana samian anu madi' montapali, sumo aijo' mule' na konjoo'nyo nu mian opotimbali po'ule' ma'ima' tiba Tumpu, kalana samian na anu montapali Tumpu.

1 KORINTUS 11:25

Sumo aitu mule' salatan noko kaan, ingalanyomo na galas nu anggur lantas notatae, “Anggur aiya anu sala'je jinanji'akon nu Tumpu, sinela' nu baso'-Ku. De komiu monginumo aiya, obau na aiya bau ponginau' Aku.”

EFESUS 1:7

Kalana i Kristus sinilakamo, kita pinobebasmo nu Tumpu Allah, alati'nyo Ia nongampunimo kita i to dosa-dosa'to.

KOLOSE 1:14

Kalana Anak-Nyo aijo', sahingga kita pinobebasmo; alati'nyo dosa'to iwi-iwi' ingampunanmo.

KOLOSE 1:20

Ka' montului jalan hi Anak-Nyo aijo' mule' Tumpu nomputusimo da mompotimbali iwi-iwi na apaa mompo'ule' ma'ima' tiba Ia – mau iwi-iwi na apaa anu i dunia, mau mule' anu i suluga'. Tumpu nombau aijo' montului jalan Anak-Nyo sinilaka i kau' salib.

IBRANI 10:29

Palias na koboatnyo na hukuman anu opokona hi mian anu talalomo monguesani Anak nu Tumpu. Mian aijo' monsangka madi' ko angga'nyo na baso' nu palajanjian nu Tumpu, aijo'mo i Kristus sinilaka da mompobelesi' dosa'nyo. Ia madi' mongangga'i Roh anu momombee'i balakat.

IBRANI 13:20

Tumpu mompotumuu'mo Tumpunto i Yesus anu sini-sinilakamo. Kalana Ia sinilakamo, sahingga Ia tempo' uuka tinimbalimo Polaya'to anu Talasanggo aiya hi kita to domba-domba-Nyo. Ia sinilaka aijo' mompaka pompohosonmo palajanjian anu sampe toka sidu-sidutu' anu binaumo nu Tumpu hi kita.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

1 YOHANES 2:2

I Yesus Kristus na mombolosakon da iwi-iwi' na dosa'to o ampuni. Ka' misa' ola dosa'to panyo suele tiba dosa' nu iwi-iwi' mian.

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.

ANU PINOTO'I HI YOHANES 7:9

Lapas aijo' aku nontoa mule', ka' nondin mian manjoo' hondo – madi' ko samian pe'e na moko ala molekeng konjoo'nyo. Aha to mia-mian anu lengkat mae i toto sa'angu' na bansa, tulunan, negara, ka' basa'. Aha nompusok juba' anu to pute-pute' ka' i lima nu aha paha-paha totoong na to panga-panga' nu kau' palem, mian da'isan haha aijo' tinuminjoo' nongahopi suhangan aijo', ka' mo'ahop hi Anak nu Domba aijo'.