MATIUS 26:15 - KITAB NU TUMPU ALLA LELE MA'IMAI'

¹⁵ Ia notatae hi aha, “Apaa na anu obee' miu hi belengku, de aku mombee' i Yesus hi komiu?” Saba' binilang nu aha tolumpulu' na doi salaka, lantas binee'mo na doi aijo' hi ia.

MATIUS 26:15 ပူးပေါင်းရင်းမြစ်များ

KAJADIAN 38:16

Lantas ingohanianmo i Yehuda i sohipi' nu jalan aijo' ka' notatae, “Sangkuka na nu poita?” Madi' sinumbu'nyo na boune aijo' moniannyo. I Tamar nontaami, “Yayamo belento Tuan.”

NOSABATMO 21:32

De anu pinateannyo aijo' samian na botuan mo'ane kabai boune, tumpunyo nu sapi' aijo' tionyo ahi' mombayan tolumpulu' na doi salaka hi anu mompojoong botuan aijo', ka' sapi' lakinyo aijo' tionyo ahi' opahambunu'akon nu batu sampe mate.

YESAYA 56:11

Aha susumo ahi' dedeng anu majoko' anu madi' toho' mobosu. To pola-polaya' haha aijo' madi' mangalati'. Toto samian mombau apaa na anu nu kai' ma'i nu aha ka' molio posi ka'untungan nu aha.

MATIUS 10:4

lantas imihinyo i Simon, si Patriot ka' i Yudas Iskariot anu nongkabisa'i Yesus.

MATIUS 26:16

Imulaan tempo'nyo aijo', i Yudas noliomo tempo' anu ma'ima' da mongkabisa'imo Yesus.

SISIKON NU TO RASUL-RASUL 1:18

I Yudas aiya nohumpakmo tano' bau polamunan anu ihumpaknyo salaku tambonyo lewa' nombau anu ma'idek mongkabisa'i mian. Ia nanabu' ka' i nate ka' kompongnyo nobiha' sampe isi nu kompongnyo nosabat iwi-iwi'.

1 TIMOTIUS 3:3

boli mian anu saja' malangu, kabai anu mongka'ima'i mahantuda'. Sumo aitu mule' ia tionyo ahi' boli buhingison ka' mongka'ima'i baladame. Ia madi' timbali mompopodaka' doi.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

TO MIA-MIAN KOPIAN 16:5

Jadi tinokamo na aha olima' anu mongkuasai Filistin hi boune aijo' ka' notatae, “Soba pagala sale'i na i Simson da nu poto'i hi beleyum mosia na lahasianyo sahingga ia mahoson sumo aijo', ka' apaa na obau da ia madi'mo mahoson sumo aijo'. Da kami toka ka' moko ala mompungu ia da ia ohungku'i. Kami toto samian mombee'je hi beleyum samadala ka' sa'atu na doi pelak.”

TO MIA-MIAN KOPIAN 17:10

Tinaamanmo i Mikha, “Jojoongmo hi belengku i aiya, da beleyum timbalimo anu bau lewa' mompokinde'i ka' timbalimo imam mami. Ku bee'ije na beleyum sampulu' na doi salaka toto sataun ka' suele baju' tiba anu okaan.”