MATIUS 25:45 - KITAB NU TUMPU ALLA LELE MA'IMAI'

⁴⁵ Tomundo aijo' nontaami, ‘Da osumbu'mo: de komiu madi' ka'oho' montulungi, sala'samian anu talalo kanteles aiya, alati'nyo komiu madi' mongka'oho' montulungi Aku.’

MATIUS 25:45 ပူးပေါင်းရင်းမြစ်များ

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

MAZMUR 105:15

“Boli lewa' mamba mompoposia mian haha aijo' anu pinile'an-Kumo, boli mombau anu ma'idek hi to nabi-nabi-ngKu!”

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

AMSAL 17:5

Ihe an mongkokojoi mian anu talalo kasiasi; mongalu Tumpu anu nompotimbali ia. Ihe na ola bilahi montoa kasusa'an nu mian, tionyo mohumpak hukuman.

AMSAL 21:13

Ihe na madi' mongka'oho' mohongo tusa' nu mian anu kinaku langanmo madi' opolahatikan de ia na momoita tulung.

ZAKHARIA 2:8

Ihe na montumbuhi mae belemiu tantu aha montumbuhimo anu talalo hondo Ku kanonongi.” Sahingga Tumpu Anu Daka' na Kuasanyo nompalentahmo mae aku da mompotokakon potuunon-Nyo aiya hi to bansa-bansa anu nombulingimo mian anu palesayamo hi Ia,

NOMBILANGMO 24:9

Bansa aijo' sumomo singa lakinyo ka' singa behenyo, anu natidahapamo ka' nati lukutmo. Ihe na baani moliko ia? O amalakon da mian anu mombalakati beleyum obalakati, ka' mian anu mongkutuki beleyum okutuki.”

MATIUS 10:41

Mian anu montalima nabi, kalana ia nabi, tionyo mohumpak tamboo hi samian na nabi. Ka' ihe na montalima samian anu ma'ima' kalana ia ma'ima', tionyo mohumpak tamboo hi samian anu ma'ima'.

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

MATIUS 25:44

Lantas aha notatae hi Ia, ‘Tumpu, naipian na kami nontoa Tumpu mo'ohop kabai megot, kabai sumo samian, mian nu salipu'an, kabai madi' ko baju', kabai masakit, kabai tinalungku', kami madi' nontulungi Kita Tumpu?’

MATIUS 25:46

Saba' to mia-mian aijo' o hukummo nu hukuman anu sampe toka sidu-sidutu', panyo komiu to mia-mian anu mombau kahanda' nu Tumpu, mongoa'i kantumuu'an talakana' ka' sampe toka sidu-sidutu'.”

SISIKON NU TO RASUL-RASUL 9:5

“Ihe na Kita Tuan?” pinokilawa i Saulus. Lewo' aijo' nontaami, “Akumo na i Yesus, anu osakisa nu beleyum.

1 KORINTUS 8:12

Ka' de kita Utus mombau kasala'an pokakana sumo aijo' hi to Utu-utus Kristen, – aijo' kita Utus mongideimo palesaya nu aha anu ma'isa mahoson – jadi kita Utus baladosa'mo hi Kristus.