MATIUS 25:35 - KITAB NU TUMPU ALLA LELE MA'IMAI'

³⁵ Kalana tempo'nyo Aku mo'ohop, komiu nombee'i Aku mongkaan, ka' tempo'nyo Aku negot, komiu nombee'i Aku monginum. Aku mian nu salipu'an, komiu montalima Aku i laigan miu.

MATIUS 25:35 ပူးပေါင်းရင်းမြစ်များ

1 TOMU-TOMUNDO' 17:11

Hau-haunyo balu aijo' i lumajangmo mongalapi uee, i Elia notataemo daka-daka' “O pontina'on, ka' suele roti boai mae sangkiding.”

AYUB 31:32

Laiganku madi' toho' montolak mian anu i lumbanan; madi' toho' pinojohoku na aha nale' i jalan.

AMSAL 14:21

Ihe na mongalu mian sangga'at mombaumo dosa'; panyo ihe na mongkanonongi mian kasiasi saidi' mae kantumuu'annyo sanang.

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

AMSAL 22:9

Mian anu manonong nu balakati nu Tumpu kalana Ia mombee'i dale' hi mian anu madi' ko apa-apaanyo.

AMSAL 25:21

De sampo bali' nu beleyum mo'ohop, bee'i na ia mongkaan; ka' de ia megot, bee'i na ia uee anu o'inum.

YEHEZKIEL 18:16

kabai sola' mompakisa mian, kabai sola' mombulingi mian maumo pa' ihe. Balang-balang anu bau ponggadei nu mian anu ko samaya' hi ia saja' ahi' nu sule'akon. Mian anu mo'ohopmo nu bee'i mongkaan ka' mian anu madi'mo ko baju'nu bee'i baju'.

YEHEZKIEL 18:7

Ia madi' toho' mongakali kabai mombuling. Bala-balang nu mian anu pinogade mae nu mian hi ia kalana ko samaya nu aha hi ia saja' nu sule'akon. Mian anu mo'ohopmo nu bee'i mongkaan ka' mian anu madi'mo ko baju' nu bee'i baju'.

DANIEL 4:27

Kalana aijo' tionyo ahi' belento Tuanku montuluti pokinde'ku. Bolimo belento Tuanku po ule' mombau dosa', panyo anu ma'ima' ka' anu adin na saja' obau ka' mongkalibosi ahi' anu kasiasi. Tiba jalan anu sumo aijo' belento Tuanku tataap tumuu' bilahi.”

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

MATIUS 26:11

Mian kasiasi saja' atina' hi komiu, panyo Aku madi' saja' hingga-hinggat hi komiu.

MARKUS 14:7

Mian kasiasi saja' atina hi komiu. Madi' ko tempo'nyo de komiu mongka'oho'mo, komiu timbali montulungi aha. Panyo Aku madi' saja' tiba komiu.

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

YOHANES 13:29

Daagi' ko anu monsangka i Yesus nompokau i Yudas mongoli apa-apaa anu opalalui i bau-bauon aitu, kabai mombee'i doi sangkiding hi mian kasiasi – kalana i Yudas pontoongi doi anu nulimu' nu aha.

SISIKON NU TO RASUL-RASUL 10:31

Ia notatae, ‘Kornelius! Tumpu nontalimamo do'a nu beleyum ka' monginau' ka'ima'an nu kinyonyoaum.

SISIKON NU TO RASUL-RASUL 11:29

Sahingga iwi-iwi' anu saja' mombatuki Yesus nomposa'angu'mo tanga'an da mompakatu pontulungi hi to utu-utus anu jojoong i Yudea; toto samian mompakatu yayamo anu nu poko ala.

SISIKON NU TO RASUL-RASUL 16:15

I Lidia ka' aha iwi-iwi' isi nu laigannyo pinalamandikanmo. Noko palamandikan ia nolagamo kami. Ia notatae, “De to Utu-utus mongoa'i aku totu-totu'u pinalesayamo hi Tumpu Yesus, imbo'mo da sonsoo' i laiganku.” Lantas ia sabole-bole nompoita kami da otuluti na pongka'oho'nyo.

SISIKON NU TO RASUL-RASUL 4:32

Iwi-iwi' mian anu palesaya aijo', tumuu' sa'a-sa'angu' na kinyonyoa ka' sa'a-sa'angu' na pikilan. Madi' ko samian pe'e lengkat hi aha na montaloakon tukoonyo apa-apaa na anunyo atina' posi anunyomo. Iwi-iwi' na anu daagi' hi aha nu pake nu aha sama-sama.

ROMA 12:13

Otulungi ka' posukupakon na kapalaluan nu to mia-mian Kristen sangga'at, ka' olabot na to Utu-utus anu sangko agama, anu ma'isa osumbu'to nu kita Utus tiba kinyonyoa anu sanang i laigan beleyum.

ROMA 12:20

Ola ahi', de anu monsampo bali' beleyum mo'ohop, obee'i na ia mongkaan; ka' de ia megot obee'i na ia monginum. Kalana de mombau anu sumo aijo', kita Utus sumomo nompopo'ambangmo ia.

ROMA 16:23

I Gayus nompakatu salan do'a hi komiu. Aku jinojoong i laigannyo tiba jama'at kami suele mogaleja i kiijo'. I Erastus, kapala nu anu mongulus doi kiijo' i kota, nompakatu salan do'anyo hi komiu. Sumo aitu mule' na Utusto i Kwartus. [

EFESUS 4:28

Mian anu biasa mombuling, bolimo daagi' ia mombuling. Sahanyo ia mokalaja keke-keke, da hasin nu kalajanyo ia mohumpak kaanon ka' timbali montulungi anu kakulangan.

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

FILEMON 1:7

Utusku i Filemon, kalibosanum kona hi iwi-iwi' mian anu palesaya hi Tumpu nompolame'mo aku, ka' nongkakeha'imo aku! Iwi-iwi' mian anu pinalesayamo hi Tumpu i lame'mo kalana kita Utus.

IBRANI 13:16

Boli okolilimi na mombau anu ma'ima' ka' mompaha tulu-tulungi, kalana aijo'mo na koloban anu momposanang kinyonyoa nu Tumpu.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.