MATIUS 25:29 - KITAB NU TUMPU ALLA LELE MA'IMAI'

²⁹ Kalana mian anu daagi'mo po'ule' obee'i lebe manjoo', sahingga anunyo molabi. Panyo mian anu madi' ko apa-apaa, sangkiding anu daagi' hi ia, opaka ala.

MATIUS 25:29 ပူးပေါင်းရင်းမြစ်များ

MOHAANGI 2:6

Ia nohansunimo laigan-Nyo tampat posa'angu'an nu mian-Nyo anu palesayamo hi Ia monsombah Ia. Binau-Nyomo na mian da mongkolilimi sinaa nu Sabat tiba iwi-iwi' na sinaa molamean. Kalana Tumpu talalomo hondo pinusa imam tiba tomundo' madi'mo tinalima-Nyo.

HOSEA 2:9

Kalana aitu i tempo'nyo nu pompadakan, Aku po'ule'mo mongala anu binee'-Ku, aijo'mo gandum ka' anggur ka' hude wol, hude lenan, anu binee'-Kumo hi ia da bau pakeannyo.

MATIUS 13:12

Kalana mian anu daagi'mo, timbali obee'i lebe manjoo' mule', ka' anunyo na saidi' mae molabi. Panyo mian anu madi' ko apa-apaa, saba' sangkiding anu daagi' hi ia po'ule' o'ala.

MATIUS 21:41

Aha nontaami, “Tantu ia mompatei to mia-mian ma'idek aijo', lantas montamboakon ale' nu anggur aijo' hi mian sangga'at anu mongka'oho' mombee'i sangga'at na hasin nu tano' aijo' hi ia de tokamo na tempo'nyo.”

MATIUS 25:28

Kalana aitu, ala na doi aijo' hi ia, ka' bee' hi anu ko doi mosoni' sampulu' na madala aijo'.

MARKUS 4:25

Kalana mian anu daagi'mo, obee'ije lebe manjoo' mule'; panyo mian anu madi' ko anu daagi', sangkiding anu daagi' hi ia suele o ala.”

LUKAS 10:42

padahan anu penting ola sa'angu'. Ka' i Maria nompile'imo anu ma'ima', anu madi'mo timbali o ala aijo' hi ia.”

LUKAS 8:18

Mokonyo aitu o intomakon ma'i-ma'ima' apaa na anu i hongomo miu. Kalana mian anu daagi'mo opaka bee'i mule' lebe manjoo'; panyo mian anu madi' ko apa-apaa, sangkiding pe'e anu daagi' hi ia suele o ala.”

YOHANES 11:48

De kita ola mompopilaya saja' sumo aitu-Nyo, iwi-iwi' na mian palesayamo hi Ia. Ka' ahennyo anu mongkuasai Roma toka mongidei Laigan nu Tumpu ka' iwi-iwi' na bansanto!”

YOHANES 15:2

To panga-panga' anu hi beleng-Ku anu madi' mimbua' nu tutu'akon-Nyo, ka' to panga-panga' anu mimbua' nuga'ai na hoon-Nyo ka' nu tetep da lebe mahampe na bua'nyo.

ANU PINOTO'I HI YOHANES 2:5

Kalana aijo' o inau', sangkeheng na komiu talalomo nanabu'! Balatobatmo i to dosa-dosa' miu, ka' obau na anu binaumo miu imoonanyo. De madi' saba' Aku tokamo mae hi belemiu, ka' mombubut tengke nu sulu' miu aijo' i tampatnyo.