MATIUS 25:16 - KITAB NU TUMPU ALLA LELE MA'IMAI'

¹⁶ Posaihon anu nontalima olima' na madala doi mosoni' aijo' lia-lia' namba binadagang, lantas nohumpak ka'untungan olima' na madala doi mosoni' mule'.

MATIUS 25:16 ပူးပေါင်းရင်းမြစ်များ

1 TAWARIKH 28:2

I Daud tinuminjomo i ahop nu aha ka' notatae, To utu-utusku sangko bansangku, potombihing mae! Pininmo na aku kino kahanda' mombau sa'angu' na laigan anu mahoson hondo da bau pompo'una'an Peti' Palajanjian nu Tumpu, da bau panintinjoan nu Tumpu Allah-nto. Aku nompotoukamo anu obau sa'angu' na laigan tampat ponsomban Ia.

YESAYA 23:18

Ka untungan tiba tambo nu mokalaja anu nu humpak madi'mo ola nu una', panyo nu palasombahkonmo hi Tumpu. Aha to mia-mian anu monsombahmo Tumpu monggunakonmo doi aijo' bau pongoli kapalaluan nu aha pihude tiba anu nu kaan nu aha.

YESAYA 49:23

To tomu-tomundo' saidi' mae sumomo ahi' tuuma nu beleyum ka' to tomu-tomundo' boune sumomo ahi' posi tina. Aha saidi' mae tolodadupumo moholomati beleyum ka' mati'alukmo hi beleyum. Sahingga nu sumbu'je nu beleyum taalu' Akumo ahi' na Tumpu; miana nu montaha'imani Aku madi' mule' mompele-pele'.”

MATIUS 18:24

Tempo'nyo ia montampu'unimo mompalesaya, pinopangadap hi ia samian na posaihon anu ko samaya'mo juta-juta,

MATIUS 25:17

Sumo aitumo mule' na posaihon anu nontalima ohua' na madala na doi mosoni' aijo' nohumpak untung ohua' na madala mule'.

LUKAS 19:13

Ma'isa pe'e i namba, ia nolagamo sampulu' na mian pokauhonnyo, lantas nombee'i aha toto samian sa'angu' na doi mosoni'. ‘O dagangakon na doi aiya hau-haunyo aku mamba,’ tukoonyo hi aha.

SISIKON NU TO RASUL-RASUL 13:36

I Daud sinilakamo ka' kinubun mule' nohingga-hinggat tiba mompolee'nyo, noko bau na ia apaa na anu sinaiyakonmo nu Tumpu Allah. Bangke' i Daud suele nahutakmo ka' ningkotmo iwi-iwi'.

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

2 TIMOTIUS 2:6

Anu topo ale', anu mokalaja totu-totu'u iamo na momonanyo ko hak mohumpak hasin anu sinu'annyo.