MATIUS 25:10 - KITAB NU TUMPU ALLA LELE MA'IMAI'

¹⁰ Lantas to lalangkoyang anu ponga' aijo' namba nongoli lanya'. Hau-haunyo aha namba, tinokamo na boting mo'ane. Olima' na langkoyang anu sinadiamo aijo' ninsoop hingga-hinggat tiba boting mo'ane i tampat nu bau-bauon, ka' tumban pinotumbanmo!

MATIUS 25:10 ပူးပေါင်းရင်းမြစ်များ

KAJADIAN 7:16

Susumo anu pinalentahkonmo nu Tumpu Allah hi ia. Salatan iwi-iwi' ninsoopmo tinumbanmo nu Tumpu na sabatan nu kapan.

MAZMUR 95:11

Sahingga kalana anu notambuha'mo, aku binasumpa'mo, aha madi'mo timbali minsoop i lipu' aijo' da milawe hingga-hinggat tiba aku.”

MATIUS 24:42

Jadi, obala'ingati, kalana komiu madi' monsumbu' hipian na Tumpu miu toka.

MATIUS 24:43

O inau' na aiya! De tumpu nu laigan monsumbu' jam sangkuka pihi na anu montomang toka, ia madi' timbali hoyot, da anu montomang aijo' madi' minsoop i laigannyo.

MATIUS 24:44

Kalana aijo', komiu suele balasadia. Saba' Anak nu Mian toka tempo' nu anu madi' osangka-sangka miu.”

MATIUS 25:6

Tonga' pahu, ihongoje na lewo' anu noloboo', ‘Boting mo'ane tinokamo! Imbo' labot na ia!’

MATIUS 7:21

“Madi' iwi-iwi' na mian anu molaga Aku, ‘Tumpu, Tumpu,’ anu moko ala timbali mian anu palesayamo hi Tumpu, panyo ola to mia-mian anu mombau kahanda' nu Tuumang-Ku anu i suluga'.

LUKAS 12:35

“Bajaga-jaga na mongahopi iwi-iwi' na han. Komiu tionyo saja' mosadia mipake ka' sulu'um tataap opomoak,

LUKAS 13:25

Tempo'nyo tumpu nu laigan nobula ka' nontumban, komiu tinjo-tinjo i sambiha'nyo ka' nongkutetekmo lantas notataemo, ‘Tuan, tuhea'akon mae na tumban da minsoop na kami!’ Tuan aijo' nontaami, ‘Aku madi' monsumbu' pa' komiu lengkat mae iya!’

KOLOSE 1:12

ka' montalima kase hi Tuuma. Kalana Tuumamo aijo' na nompobee' komiu timbali montalima apaa na anu pinosadiakonmo nu Tumpu bau bagi nu miannyo anu palesayamo i uno nu kalaja'an-Nyo anu majingka.

2 TIMOTIUS 4:8

Ka' uuka aiya palasen nu ka'untungan nopadeka' nontanda'imo aku. I Sinaa Kakiamatan Tumpu, Mian Kopian anu adin aijo' mompotalimaje palasen aijo' hi belengku, kalana aku tumuu' mompaha ima'mo tiba Tumpu. Ka' misa' ola aku na montalima palasen aijo', panyo suele iwi-iwi' mian anu mongindi hondo montanda'i katokaan nu Tumpu.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!

ANU PINOTO'I HI YOHANES 19:7

Imbo' da kita balame-lame' ka' bilahi; imbo'mo da kita mompuji' katalasanggoan-Nyo! Kalana tinokamo i sinaa ponika'an anu montoongi sanggo Anak nu Domba aijo', ka' boting-Nyo sinadiamo da oponika'mo.

ANU PINOTO'I HI YOHANES 22:20

Ia anu nompotokamo mae lele aiya iwi-iwi' notatae, “Totu'u, Aku malia'mo toka!” Amin! Tokamo mae o Tumpu Yesus!