MATIUS 25:1 - KITAB NU TUMPU ALLA LELE MA'IMAI'

¹ “De Anak nu Mian toka sumo Tumpu, lupanyo sumo i uno nu kantuang aiya: Sampulu' na langkoyang anu mombatuki boting, toto samian mongala pansona', lantas mamba molabot boting mo'ane.

MATIUS 25:1 ပူးပေါင်းရင်းမြစ်များ

MAZMUR 45:14

Langkoyang i tomundo' ninsoopmo ka' na'ima'mo hondo na otoa baju'nyo sinujian nu mosoni'.

NYANYIAN ANU TALASANGGO 1:3

Beleyum talalo hondo manohong, sanggo nu beleyum sumomo minya-minya' anu nobubusmo; mokonyo aijo' to lalangkoyang monsindua'i beleyum.

NYANYIAN ANU TALASANGGO 5:16

De ia motatae sanang hondo na mohongo, iwi-iwi' na anu aijo' i butongnyo oka'ima'i. Somo aijo'mo na sindua'anku ka' mule' anu mompahakona tiba aku, o to lalangkoyang nu Yerusalem!

NYANYIAN ANU TALASANGGO 5:8

Balajanji'mo na belemiu to lalangkoyang nu Yerusalem, poto'i hi ia saba' aku talalomo nongka'ima'i ia.

YESAYA 54:5

Anu nompotimbalimo beleyum sumomo ahi' langkai' nu beleyum, Tumpu Israel anu susi' aijo'mo na anu Momposalamat beleyum. Tumpu Anu Daka' na Kuasanyo, atina'mo na sanggo-Nyo, Iamo na Tumpu anu mongkuasai songko-songko na dunia.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

MATIUS 13:24

I Yesus monsisikakon mule' sa'angu' na kantuang hi mian da'isan, koo-Nyo, “De Tumpu mompalentah, ka'ada'annyo sumo kantuang aiya: Samian na topo ale' monsa'u bine' anu ma'ima' i ale'nyo.

MATIUS 13:31

I Yesus nonsisik mule' sa'angu' na kantuang hi mian da'isan, koonyo, “Bisuannyo Tumpu mompalentah, ka'ada'annyo sumomo kantuang aiya; sa'angu' na batu nu sasawi ingala nu samian, lantas sinau i ale'nyo.

MATIUS 13:38

Ale' aijo', aiyamo dunia aiya. Bine' anu ma'ima', aijo'mo to mia-mian anu tinimbalimo mian anu palesayamo hi Tumpu. To pada-padang aijo'mo to mia-mian anu mosambiha' hi Ibilis.

MATIUS 13:47

“De Tumpu mompalentahmo, ka'ada'annyo: O'umpamakon nu buani' anu binuani'akon i dowiwi, lantas nohumpak manjoo' na ngahan nu ikan.

MATIUS 20:1

“De Tumpu mompalentah, ka'ada'annyo sumomo kantuang aiya: Samian na tumpu nu ale' nu anggur nosabat tempo'nyo daagi' subu, molio mian anu mokalaja i ale' nu anggurnyo.

MATIUS 22:2

tukoo-Nyo, “De Tumpu mompalentah, ka'ada'annyo sumomo kantuang aiya: Samian na tomundo nombau bau-bauon po'osoan nu anak mo'anenyo.

MATIUS 25:7

Sampulu' na langkoyang aijo' nobula, ka' nontutungi pansona' nu aha.

MATIUS 3:2

“Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

MATIUS 5:16

Sumo aitu mule' na jingkaum tionyo monjingkai ahop nu mian da aha montoa anu ma'ima', apaa na anu binau miu, lantas mompuji' Tuumaum i suluga'.”

MATIUS 9:15

I Yesus nontaami, “Mosiamo na pongka'oho' miu? Timbali na to mia-mian anu o laga i bau-bauon po'osoan mongoa'i susa' na kinyonyoa de boting mo'ane daagi' hingga-hinggat aha? Tantu i madi'! Panyo tokaje na tempo'nyo boting mo'ane aijo' o alamo hi aha. Tempo'je aitu yo aha bapuasa'mo.

YOHANES 18:3

Saba' i Yudas namba i tampat aijo' nomboa sanggombu na suludadu Romawi tiba to pia-piangkuka na ponjaga Laigan nu Tumpu anu pinokau nu kapala nu ima-imam tiba to mia-mian Farisi. Aha nomboa toongon pimuhuk, sulu', tiba potong.

YOHANES 3:29

Boting boune tumpunyo boting mo'ane. Bela' nu boting mo'ane aijo' ola tuminjo monsangalui ka' mohongo, ka' ia sanang de mohongo potatae nu boting mo'ane. Sumo aitumo na aku. Uuka aku sanang hondo.

SISIKON NU TO RASUL-RASUL 20:8

I uno nu salipi' i bawo nu tampat mami nosa'angu' aijo', daagi' ko sulu' manjoo'.

1 KORINTUS 11:2

Kupuji' na komiu kalana komiu saja' monginau' aku, ka' mohongo-hongo pokinde' anu binee'kumo hi komiu.

2 KORINTUS 11:2

Aku molibos hi beleyum, sumo Tumpu suele molibos hi beleyum. Komiu sumo samian na anak langkoyang anu ma'isa toho' no'osoa, anu daagi' susi' anu jinanji'kumo da oponika'mo tiba samian na mo'ane, aijo'mo i Kristus.

2 TIMOTIUS 4:8

Ka' uuka aiya palasen nu ka'untungan nopadeka' nontanda'imo aku. I Sinaa Kakiamatan Tumpu, Mian Kopian anu adin aijo' mompotalimaje palasen aijo' hi belengku, kalana aku tumuu' mompaha ima'mo tiba Tumpu. Ka' misa' ola aku na montalima palasen aijo', panyo suele iwi-iwi' mian anu mongindi hondo montanda'i katokaan nu Tumpu.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

ANU PINOTO'I HI YOHANES 14:4

Aha aijo' to mia-mian anu saja' belesi' sumo langkoyang anu tumimpasje, kalana ma'isa toho' noduhus tiba boune. Aha mombatuki Anak nu Domba mau mule' pa' moya na Ia mamba. Iwi-iwi' na mian, olamo aha na anu pinobebas salaku anu sinombahkonmo momonanyo hi Tumpu ka' hi Anak nu Domba.

ANU PINOTO'I HI YOHANES 19:7

Imbo' da kita balame-lame' ka' bilahi; imbo'mo da kita mompuji' katalasanggoan-Nyo! Kalana tinokamo i sinaa ponika'an anu montoongi sanggo Anak nu Domba aijo', ka' boting-Nyo sinadiamo da oponika'mo.

ANU PINOTO'I HI YOHANES 21:2

Sahingga aku nontoamo kota susi' aijo', aijo'mo Yerusalem nintatau' mae lengkat i suluga' hi Tumpu. Kota aijo' pinosadiakonmo sumo samian na boting boune binaju'anmo da monsingkabotimo boting mo'ane.

ANU PINOTO'I HI YOHANES 21:9

Sala'samian anu aijo' hi aha popitu' na malaikat anu nontoongimo tampat haha aijo' nu anggur anu nobuke'mo nu popitu' na balaa' anu imihinyo aijo', tinokamo hi belengku ka' notatae, “Imbo'! Ku potiju'je hi beleyum na Boting, aijo'mo bengkele' nu Anak nu Domba.”

ANU PINOTO'I HI YOHANES 4:5

I kasuhangan aijo' tinolopinjitmo mae na jingkalap nu kilat ka' lontup nu gohung anu pinode-podeledekmo. Ka' i ahop nu kasuhangan aijo' popitu' na pansona' anu moak, aijo'mo popitu' na Roh nu Tumpu Allah.

ANU PINOTO'I HI YOHANES 8:10

Lapas aijo' malaikat ko totolu'nyo nompuuhimo tolompetnyo, sahingga sa'angu' na mandala' anu daka', anu saja' moak sumo potong, nanabu'mo lengkat mae i langit, lantas to kau-kaunyo ka' to mata-mata nu uee o bagi totolu' sambahagian na tinuda'nyo.