MATIUS 24:8 - KITAB NU TUMPU ALLA LELE MA'IMAI'

⁸ Iwi-iwi' aijo' sala'je pontampu'uniannyo, sumo sakit anu ingoa'an nu samian na boune tempo'nyo kahanda'mo mohampeakon.

MATIUS 24:8 ပူးပေါင်းရင်းမြစ်များ

YESAYA 10:4

Uki' nu belemiu madi' kosangalasannyo olamo ahi' opatei i uno nu pahampatean kabai oboamo salaku mian anu ihakop. Panyo Tumpu daagi' sabole-boleh motambuha' ka' tataap monabu'akon hukuman.

YESAYA 9:12

Bansa Israel ma'isa ahi' nompele-pele' mau aha ihukumo nu Tumpu Anu Daka' na Kuasanyo: aha ma'isa ahi' binalatobat hi Ia.

YESAYA 9:17

Palabuatan ma'idek nu bansa aijo' nompapu'i susumo apu nompapui kuhat anu kohii'nyo. Moaknyo sumomo alas na notoyo' anu lewa'mo nonsipunakon tibuknyo.

HOSEA 13:13

Israel daagi ko kasampatan na tumuu' panyo aha talalo hondo ponga', sahingga madi' monggunakon kasampatan aijo'. Ia sumomo bunga mea' anu sasaidi' uuka hampemo, panyo madi' mongka oho' mosabat mae aijo' i ma'alum nu tinanyo.

MARKUS 13:8

Bansa sa'angu' mahampate mongewa bansa sangga'at. Negara sa'angu' mahampate tiba negara sangga'at. Iyayamae timbali na luulu' ka' balaa' nu kapo'ohopan. Iwi-iwi' aijo' sala'je tampu'unannyo, sumo masakit anu o'oa'i nu samian na boune anu kahanda'mo monganak.

LUKAS 21:12

Panyo ma'isa pe'e iwi-iwi' aijo' toka, komiu o hakopmo ka' o sakisa. O putusi na palakala miu i Laigan Pogalejaan ka' oposoop i uno nu talungku'. Ka' komiu o hela' ka' opokiijo'akon i ahop nu to tomu-tomundo tiba anu batu-batu ko kuasa, kalana komiu anu mombatuki Aku.

PO'ULE' INGULIT 28:59

Tumpu mompotokamo mae hi belemiu ka' hi lee' nu belemiu to panya-panyakit anu madi' opoko ala opa'alin ka' panyakit anu molele anu madi' opoko ala opakuli'i.

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

YAKOBUS 5:1

To Utu-utus, mian anu toto kaya-kaya! Potombihing mae na pokinde'ku. Tionyo ahi' komiu humang ka' montando'i kalana kasansala'an o'oa'imo miu!