MATIUS 24:49 - KITAB NU TUMPU ALLA LELE MA'IMAI'

⁴⁹ ‘Tuanku daagi' pin minsusule'je mae,’ lantas ia nontampu'unimo nondoke to posa-posaihon sangga'at, ka' mongkaan monginum tiba to mia-mian anu saja' malangu.

MATIUS 24:49 ပူးပေါင်းရင်းမြစ်များ

AMSAL 23:20

Boli mosangalu tiba mian anu saja malangu kabai mian anu mabebes,

YESAYA 56:12

Anu topo palangu haha aijo' notatae, ‘Imbo' da kita monginum anggur ka' monginum sampe ma'osa! Dodop na lebe' mule' ma'ima' nulingkudui na sinaa uuka aiya!’ ”

YESAYA 66:5

Potombihing apaa na anu nutaloakon nu Tumpu, o, belemiu anu mabuhuk ka' montuluti Ia, “Kalana belemiu tulu-tulutan hi beleng-Ku, daagi' ko anu atina' hi bangsa nu belemiu na anu mongka'ideki belemiu, ka' madi' mongka'oho' mosangalu tiba belemiu. Aha ola mompopo'ambang belemiu ka' potatae, ‘Bakas da Tumpu mompotoa katalasanggoan-Nyo, da kami montoa belemiu lame'mo.’ Panyo posi ahamo ahi' na na'ambang.

YEHEZKIEL 34:3

Susunyo o inum nu belemiu, bulunyo obau nu belemiu pakean, ka' domba anu molompo' hondo okolot ka' okaan nu belemiu. Belemiu madi' toho' mongkalesang domba nu belemiu haha atina.

MIKHA 3:5

Bansaku ingakalanmo nu to nabi-nabi anu lewa'mo nongkila-kilakon, mohumpakmo anu ma'ima' na mian anu lewa' mombee'i doi, panyo mongka'ideki ka' madi'mo mompalahatikan mian anu madi' mombee'i apa-apaa. Aha to nabi-nabi anu susumo aijo' Tumpu notatae,

MATIUS 18:28

Salatan posaihon aijo' nosabat, ia nompahakabotmo tiba sangalunyo, samian na posaihon suele anu ko samaya' hi ia to pia-piangkuka na madala. Ia nohakop sangalunyo aijo', ka' kinoko'nyo, ka' notatae, ‘Bayan mae iwi-iwi' na samaya'um!’

MATIUS 24:48

Panyo de posaihon aijo' ma'idek, ia motatae i uno nu kinyonyoanyo,

MATIUS 24:50

Lapas aitu tuannyo ninsusule'mo mae i sinaa ka' jam anu madi' sinangka-sangka.

MATIUS 7:15

“Opoko piani na mongahopi to nabi-nabi anu madi' totu'u. Aha toka hi komiu mimbalu-balu' domba, panyo aha sabenannyo sumo pojek anu baani.

YOHANES 2:10

lantas notatae hi ia, “Biasanyo opo'inum pe'e nu mian na anggur anu ma'i-ma'ima' momonanyo, ka' de to mia-mian anu tinaang ma'osamo na monginum, atina'je ka' anggur anu biasamo. Panyo kita utus monguna' anggur anu ma'ima' hondo sampe uuka aiya!”

ROMA 16:18

Kalana to mia-mian anu mombau sumo aijo', misa' mokalaja bau kapentingan i Kristus Tumpunto, panyo ola da mompatika'osa apaa na anu nuka'ima'i i uno nu posi kinyonyoa nu aha. Pagala nusale'i nu potatae nu aha anu toto mata-matami', aha mongakali to mia-mian anu madi' ko anu nupisumbu-sumbu'.

2 KORINTUS 11:20

Ola opojohok miu na mian mombotuani komiu, kabai mongakali ka' mongala ka'untungan hi komiu, kabai mongoa'i butong lebe matangkas molingkudui komiu, ka' baani mohapa' komiu.

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

1 PETRUS 5:3

Boli mompalentah sumo anu mongkuasai aha anu pinalesayakonmo hi komiu, panyo timbali ahi' sonto' hi aha.

YUDAS 1:12

Tempo'nyo komiu nombau bau-bauon nongkakaan, kalakuan nu mian haha aijo' nonsaduakonmo komiu to'ua. Kalana aha mongkaan mabebes madi' ko ambangnyo, ka' ola mosi tutugi posi butong. Aha sumo sehu' anu nu puhakon nu mombuun, panyo madi' montudunakon ujan. Aha mule' suele sumo kau' anu madi' mimbua' mau mule' lonunyomo nu pimbua'an nu kau'; to kau-kau' anu ginautakonmo na bakatnyo ka' i nanggasmo hondo-hondo.

ANU PINOTO'I HI YOHANES 13:7

Ia opobee' suele mongewa mian anu pinalesayamo hi Tumpu ka' mohungku'i aha. Ka' mongkuasai iwi-iwi' na tulunan, negara, basa', ka' bansa anu binee'mo hi ia.

ANU PINOTO'I HI YOHANES 16:6

Aha nombubusakonmo baso' nu mian anu pinalesayamo hi Tumpu Allah ka' baso' nu to nabi-nabi; uuka aiya Belento nompo'inummo aha nu baso'. Memang konanyomo na aijo' hi aha!”

ANU PINOTO'I HI YOHANES 17:6

Lantas tinoangkumo taalu' boune aijo' nalangumo nu baso' nu mian anu pinalesayamo hi Tumpu ka' baso' nu to mia-mian anu pinateanmo kalana tulu-tulutan hi Yesus. Salatan aku nontoamo boune aijo', aku kino banga-bangangmo.

1 SAMUEL 2:29

Jadi kadaka' beleyum daagi milu ka' ka oho'mo mongkaan de montoamo koloban haha aijo; anu pinalentahkon-Kumo osombahkon nu bansang-Ku hi belengku? Kadaka' beleyum Eli lebemo mongadati to ana-anak nu beleyum ka' madi'mo mongadati Aku, ka' ola mule' mompojohok aha mompolompo' butong nu aha nu bagian antoknyo anu ma'ima' hondo, apaa na anu nu sombahkon nu bansang-Ku hi belengku?