MATIUS 24:48 - KITAB NU TUMPU ALLA LELE MA'IMAI'

⁴⁸ Panyo de posaihon aijo' ma'idek, ia motatae i uno nu kinyonyoanyo,

MATIUS 24:48 ပူးပေါင်းရင်းမြစ်များ

2 TOMU-TOMUNDO' 5:26

Panyo i Elisa notataemo, “Kinyonyoangku kiijo' mae tempo'nyo i Naaman nintatau'mo i karetanyo nonsingkaboti beleyum. Uuka misa'mo tempo'nyo na mongala doi ka' bau pongoli ale' nu zaitun, ale' nu anggur, domba ka' sapi' tiba to posa-posaihon!

ANU MOMPOLELE POTATAE NU TUMPU 8:11

Kadaka' talalo dengke na mian mombau anu ma'idek aijo'? Kalana madi' sampa ohukum na ia.

YESAYA 32:6

Mian anu ponga' montaloakon potatae anu ponga' ka' saja' montanga'i palabuatan anu ma'idek. Maumo ahi' pa' apaa na anu nu bau kabai anu nu taloakon saja' mompopo ise' Tumpu. Madi' toho' ia mombee'i mongkaan mian anu mo'ohop kabai mompo inumi mian anu megotmo.

YEHEZKIEL 12:22

“O, manusia anu madi' tumuu' batu, kadaka' aha mian nu Israel mongka'ima'i sola' monsanggo potatae sumo uuka: ‘Tempo' na mobolo-bolos, panyo anu nu poto'i mae nu Tumpu madi' ko anu jadi'’?

YEHEZKIEL 12:27

“O, manusia anu madi' tumuu' batu, aha to mia-mian nu Israel nontaloakonmo, tukoonyo nu aha apaa na anu pinotoamo nu Tumpu ka' anu pinoto'imo nu beleyum aijo' daagi' pin hondo jadije isinaa anu uutuje mae.

MATIUS 18:32

Saba' tomundo aijo' nolaga posaihon anu ma'idek aijo' ka' notatae hi ia, ‘O posaihon anu ma'idek! Iwi-iwi' na samaya'um i hapus kumo, ola kalana beleyum nongkakasemo hi belengku.

MATIUS 24:47

Palesayamo, tuan aijo' mompalesayakon iwi-iwi' na halata'nyo hi posaihon aijo'.

MATIUS 24:49

‘Tuanku daagi' pin minsusule'je mae,’ lantas ia nontampu'unimo nondoke to posa-posaihon sangga'at, ka' mongkaan monginum tiba to mia-mian anu saja' malangu.

MATIUS 25:26

‘Beleyum posaihon anu ma'idek ka' moluluk!’ koonyo nu tuan aijo'. ‘Te misa' sinumbu'mo nu beleyum na aku mompadak bua'nyo i tampat anu madi' sinu'ananku, ka' mongala hasinnyo i tampat anu madi' sinau'anku bine'?

MARKUS 7:21

Kalana lengkat i unonyo, aitumo lengkat i uno nu kinyonyoa, lubat na pikilan-pikilan ma'idek anu monsabapi mian mombau anu masala', montomang, mompatei,

LUKAS 12:45

Panyo de pokauhon aijo' motatae i uno nu kinyonyoanyo, ‘Tuanku daagi' pin minsusule'je mae,’ lantas dinokenyo iwi-iwi' na posaihon, ka' nongkaan nonginum sampe nalangu,

LUKAS 19:22

Tomundo aijo' notatae hi ia, ‘Beleyum pokauhon anu ma'idek! Sumo posi potataeum aku mohukum beleyum. Nusumbu' aku mian anu masigo; aku mongala anu misa' anungku, ka' mongala hasin anu misa' i tampat anu madi' tinugalanku.

YOHANES 13:2

I Yesus tiba anu saja' mombatuki Ia hau-haunyo mongkaan malom. Ibilis nomposoopmo tanga'an i uno nu kinyonyoa i Yudas anak i Simon Iskariot da monguwesani Yesus.

SISIKON NU TO RASUL-RASUL 5:3

Sahingga i Petrus notatae hi ia, “Ananias, kadaka' nu pojohok na Ibilis mongkuasai kinyonyoaum, sampe beleyum nombaleko'i Roh nu Tumpu, hoko-hokot nontahan posi anu nu butongum sambagian na doi oli nu tano' anu pinobaluk aijo'?

SISIKON NU TO RASUL-RASUL 8:22

Kalana aijo' pala'imo na tanga'anum anu ma'idek aijo', ka' poita hi Tumpu da Nu ampuni na pikilanum anu ma'idek aijo'!

PO'ULE' INGULIT 15:9

Sabole-bole oposaboni na ia, ka' boli bau sabab tukooyum taun anu ponghapusanmo samaya' ohanimo. Boli obau na pikilan anu ma'idek susumo aijo' minsoop i kinyonyoa nu belemiu. De madi' mongka'oho' momposabon, mian aijo' motataemo hi Tumpu mongkalak belemiu, sahingga belemiu opoto'i sinala'mo.

PO'ULE' INGULIT 9:4

Noko laa' aha na Tumpu Allah nu belemiu, kalana monsangaja'i belemiu boli monsangka belemiu Nu boamo mokiijo' da mongalamo tano' aijo' kalana belemiu ma'ima' ka' nombaumo pongka'oho' nu Tumpu Allah miu, sahingga pantas na montalima. Totu-totu'u madi'! Tumpu nolaa'mo bansa haha aijo' kalana monsangaja'i belemiu, kalana aha ma'idek na gau'nyo. Tumpu nompobee'mo belemiu mongala tano' nu aha, kalana Ia ka'oho' mongganapi janji-Nyo hi mompolee' miu i Abraham, i Ishak ka' i Yakub.