MATIUS 24:39 - KITAB NU TUMPU ALLA LELE MA'IMAI'

³⁹ Tempo'nyo iyaba' aijo' noleetabi aha iwi-iwi', atina'je ka' aha nonsumbu' apaa na anu tinimbali. Sumo aitumo suele na lupanyo saidi' mae de Anak nu Mian tokamo.

MATIUS 24:39 ပူးပေါင်းရင်းမြစ်များ

AMSAL 23:35

Lantas beleyum motatae mo, “Ugaat aku jinagun ka'i hapa' nu mian, panyo madi'mo sinumbu-sumbu'ku pa'apaa na anu jinadimo. Ibeh, aku natatundu' mo hondo! Aku daagi' palalu po'ule' monginum!”

AMSAL 24:12

Timbali na beleyum motatae, “Atina' misa' ulusanku.” Panyo Tumpu Allah mompalahatikan beleyum. Ia na monsumbu' ka' momputusi pikilan nu beleyum. Ia mombalosakon manusia sitimbang palabuatannyo.

AMSAL 29:7

Mian anu manonong monsumbu' haknyo, nu mian anu madi' moko ala mombau apa-apaa, panyo mian anu ma'idek na kinyonyoanyo madi' monsumbu'.

YESAYA 42:25

Sahingga binau-Nyomo nakita da nonta'up tambuha'-Nyo anu taha-tahahumo, ka' nongoa'imo kasansala'an kalana talalomo ahi' na lewa' nahampate. Tambuha'-Nyo nontoyo'imo Israel susumo apu, panyo kita madi' ahi' sininsumbu', ka' madi' binalagulu' ihan anu ingoa'antomo.

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 24:3

Lapas aitu, i Yesus namba i Bungkutnyo nu Zaitun, ka' hau-haunyo Ia suha-suhang, anu saja' mombatuki Ia tinoka ka' binisala tiba Ia mongkona posi aha. “Poto'i mae hi kami hipian na iwi-iwi' aijo' timbali,” koonyo nu aha hi Ia, “Apaa na bau pongoosian salaku tanda katokaanmo nu kita Tuuma, ka' sinaa imihinyomae?”

MATIUS 24:30

Lapas aijo' tanda Anak nu Mian otoamo aita' i langit. Tempo'nyo aitu iwi-iwi' na bansa i dunia humaangmo. Aha montoamo Anak nu Mian toka aita' i bawo nu kundom tiba kuasanyo anu daka' hondo.

MATIUS 24:37

De Anak nu Mian tokamo, lupanyo sumo tempo'nyo i Nuh naipuan mae.

MATIUS 24:40

Tempo' aitu ua'aha na mian hau-haunyo mokalaja i ale': Samian o boa, ka' samian mule' o pala'i.

LUKAS 19:44

Nugalisi nu aha na beleyum tiba tumpu nu lipu'um; ka' madi' ko sambatu pe'e na batu nu pojohok nu aha tasusun i tampatnyo, kalana beleyum madi'mo mompalahatikan pa' hi pian na Tumpu toka mae momposalamat beleyum!”

YOHANES 3:20

Batu-batu mian anu mombau anu ma'idek, mongka'ideki jingka; ia madi' mongka'oho' toka i jingka, da anu ma'idek nunu bau nu aha boli kantoan.

SISIKON NU TO RASUL-RASUL 13:41

‘Palahatikan ima-ima', na komiu to mia-mian anu mongka'ima'i motatae anu moko kulang! Komiu bangang, lantas mate! Kalana tempo' uuka Aku hau-haunyo mombau apa-apaa anu madi' o palesaya miu, maupe'e daagi' ko mian anu monsisikakon hi komiu.’ ”

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

2 PETRUS 3:5

Aha memang madi' mongka'oho' mongakui tempo'nyo naipuan mae Tumpu nompodaagi'mo langit ka' tano' ola kalana kuasa nu potatae-Nyo. Tano', uee na pinolengkatan-Nyo, ka' tiba uee;

TO MIA-MIAN KOPIAN 20:34

Ahamo aijo' na mian anu pinile'anmo nu aha mian nu Israel; konjoo'nyo 10.000 na mian. Sahingga nahampatemo totu-totu'u salatan 10.000 na mian aijo' nontumbuhimo Gibea. Aha mian nu Benyamin madi' hondo-hondo nonsangka na aha madi'mo pin aha mahungku'mo.