MATIUS 24:35 - KITAB NU TUMPU ALLA LELE MA'IMAI'

³⁵ Langit ka' tano' lanjap, panyo potataeng-Ku tataap sampe toka sidu-sidutu'.”

MATIUS 24:35 ပူးပေါင်းရင်းမြစ်များ

MAZMUR 102:26

naipuan mae Belento nompotimbalimo dunia; langit suele lima nu Belento na nompotimbali.

MAZMUR 119:89

O, Tumpu, potatae nu Belento tataap sampe toka sidu-sidutu', sampe toka sidu-sidutu' i suluga'.

MAZMUR 19:7

Ia nontusakonmo langit lengkat pe'e mae i puusnyo toka-toka i puusnyo; madi'ko anu madi' nukona nu panasnyo.

MAZMUR 89:34

Panyo aku sabole-boleh mongkalibosi i Daud, ka' madi'mo mongabali' na kanonongan-Ku.

AMSAL 30:5

Iwi-iwi na palajanjian-Nyo tataap oganapi. Ia sumomo kanta da molindungi sinin na anu toka mae.

YESAYA 34:4

Batu nu sinaa, bitu'on ka' mule' iwi-iwi na mandala' hansunmo. Langit olulunmo susumo lulunan nu kalatas. Iwi-iwi na mandala' singkapmo manabu' susumo hon nu kau' anu mohontangmo.

YESAYA 40:8

Hemput manggasmo ka' bunga-bunga magayoumo, panyo potatae nu Tumpunto tataap sampe toka sidu-sidutu'.”

YESAYA 51:6

Tonto'i mokiita' na langit ka' toa na tano'; langit madi'mo otoa-toa susumo tibuk ka' tano' luso'mo susumo baju' anu pininmo na saja' pinusok, iwi-iwi' na anu monjojoongi silakamo susumo momot. Panyo kasalamatan anu Ku bee'mo na tataap ahi' sampe toka sidu-sidutu', ka' kamanangan-Ku na madi' ahi' kokamingkotannyo.

YESAYA 54:10

Maumo to ahi' bungku-bungkutnyo ka' puge'nyo iwi-iwi' gayu'anmo, Aku madi' belenti na mongkalibosi beleyum. Paladamean anu jinanji'-Kumo saja' Ku toongi,” na koonyo nu Tumpu anu mongkalibosi beleyum.

YESAYA 55:11

sumo atina'mo suele na potatae anu tinaeakon-Kumo mai' mobalik mae hi beleng-Ku ola palasuma panyo ko hasinnyo mombau apaa na anu Ku kahanda'i, ka' montokai iwi-iwi' na anu Ku kahanda'i.

DANIEL 4:28

Iwi-iwi' aijo' jadimo i butongku Tomundo' Nebukadnezar.

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

MATIUS 5:18

O inau'! Sapinnyo langit ka' dunia daagi', sa'angu' na hulup kabai titik anu talalo ise' pe'e i uno nu atulan aijo' madi' o hapusakon, de iwi-iwi' ma'isa jadi!

MARKUS 13:31

Langit ka' dunia lanyap, panyo potataeng-Ku tataap sidu-sidutu'.”

LUKAS 21:33

Langit ka' tano' mingkot, panyo potataeng-Ku tataap sidu-sidutu'.”

TITUS 1:2

Pangajalan aijo' nimpu'u i anu otaha'imani, aijo'mo kita montalimaje kantumuu'an kopian ka' sampe toka sidu-sidutu'. Tumpu Allah nonjanji'mo kantumuu'an aijo' ma'isa pe'e dunia aiya tinimbali – ka' Tumpu madi' toho' baleko'.

1 PETRUS 1:25

panyo potatae nu Tumpu tataap sampe toka sidu-sidutu'.” Potatae nu Tumpu aijo' Lele Ma'ima' anu binebakonmo hi belemiu.

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.

ANU PINOTO'I HI YOHANES 3:14

“Toka hi malaikat anu kiijo' hi jama'at nu Laodikia; tulismo sumo uuka: Aiyamo na potuunon lengkat mae hi Sang, Amin, sakisi anu mohongo-hongo ka' anu totu'u, pinolengkatan mae nu iwi-iwi' apaa anu pinotimbalimo nu Tumpu.

ANU PINOTO'I HI YOHANES 6:14

Langit madi'mo tinoa sumomo kalatas anu i lulunmo, ka' iwi-iwi' na bungkutnyo ka' togong ilalinmo nompala'imo tampatnyo.