MATIUS 24:31 - KITAB NU TUMPU ALLA LELE MA'IMAI'

³¹ Tolompet anu daka' pino'onyi'mo, ka' Anak nu Mian monsaimo to mala-malaikat-Nyo molimu' mian-Nyo anu palesayamo lengkat mae i pasu' alam opat nu dunia, lengkat mae i puus nu langit sa'angu', toka i puus nu langit sangga'at.”

MATIUS 24:31 ပူးပေါင်းရင်းမြစ်များ

MAZMUR 22:27

Miana nu kasiasi mongkaan sampe mobosu; mian anu tokamo hi Tumpu mompuji'mo Ia. O'amalakon da komiu mohumpak ka'ima'an sampe toka sidu-sidutu'!

MAZMUR 67:7

Tano' kino hasinnyomo, Tumpu, Tumpunto nombalakatimo mae kita.

MAZMUR 81:3

Hapa'i na gandang, ka' lewa'mo panyanyi, kuti' na gambuus ka' kasapi', po'ima' na onyi'nyo da molibos na mohongo.

NOSABATMO 19:16

I sinaa kino itolunnyomo daagi' subu, kino gohungmo ka' kilat. Kundom anu butolu hondo tinoamo aita' i bungkutnyo ka' i hongomo na onyi'nyo nu tolompet anu ma'onyi' hondo. Iwi-iwi' na mian kiijo' i kemah i lakatnyomo ka' nabuhukmo hondo.

YESAYA 11:12

Tumpu mompotinjomo sa'angu' na bandela' bau pontoan nu to bansa-bansa. Aijo'mo na tandanyo taalu' Ia po ule'mo nomposihuk bansa Israel, tiba bansa Yehuda anu noga'a-ga'atmo iyaya mae i dunia aiya ka' monsule'akonmo mae aha.

YESAYA 13:5

Aha tinokamo lengkat mae ilipu' anu toto jo'o-jo'on ipuusnyo nu tano'. Tumpu notambuha'mo sahingga nonggunakonmo aha da monsilakaimo songko-songko na dunia.

YESAYA 27:13

Tempo'nyo aijo' opo onyi'mo na tolompet daka-daka' bau polaga mule' da minsusule'mo mae na aha mian nu Israel anu binoamo i Asyur tiba i Mesir. Aha tokamo mae i Yerusalem da monsombahmo Tumpu aita' i puge'-Nyo anu susi'.

YESAYA 42:10

Nyanyiakonmo hi Tumpu na nyanyian anu salaje' ingajan, puji'mo na Ia, o, belemiu songko-songko na dunia! Pombuhokmo mae o, ndalangon ka' iwi-iwi' na anu jojoong i unonyo, lipu' anu toto jo'o-jo'on ka' iwi-iwi' na anu monjojoongi!

YESAYA 43:6

Ku palentahmo na utara tiba salatan, da aha sampa opolapas. Sahanyo to ana-anak nu beleyum anu to momo ane minsusule'mo, mae lengkat itano' anu majo'on, ka' to ana-anak nu beleyum anu to bou-boune minsusule'mo mae lengkat iwi-iwi na pus nu tano'.

YESAYA 45:22

O, iwi-iwi' na anu jojoong i dunia, po ule' mae toka hi beleng-Ku da belemiu oposalamat, kalana olanyomo Aku na Tumpu madi'mo daagi' kosangga'atannyo!

YESAYA 49:18

Tonto'i ka' toa titikup atina' hi beleyum, layat nu beleyum sinihukmo ka' tinokamo mae hi beleyum. Aku, Tumpu anu tumuu', Aku notataemo, memang, beleyum sanangmo na kinyonyoa, kalana mian anu jojoong hi beleyum sumomo ahi' panganten boune sanangmo kalana pinakeanmo palahiasan.

YESAYA 60:4

Soba toa apaa na anu jinadimo atina' songko-songko hi belemiu; mian da'isan nosa'angu'mo da minsusule'mo hi belemiu. To ana-anak nu belemiu to momo'ane tinokamo lengkat mae itano' majo'on, to ana-anak boune nu belemiu otangkungmo mae.

ZAKHARIA 14:5

Belemiu mopalaije mamba motulu i bangka'nyo anu nobagimo ohua' na puge'nyo titinimbalimo ohua'. Belemiu mopalaije susumo mompolee' nu belemiu kikinolulu'mo tempo'nyo kapalentahan i Uzia, tomundo' nu Yehuda. Lantas tokamo na Tumpungku nutuntuni mae nu malaekat iwi-iwi'.

ZAKHARIA 2:6

Tumpu notatae hi mian anu palesayamo hi Ia, “Aku nomposungkehetmo belemiu namba isongko-songko na tampat. Panyo uuka aiya o to mia-mian anu binoamo ka' pinojoongmo i sa'angu' na tampat pala'imo mae na Babel ka' mule' pinsusule'mo mae i Yerusalem.

ZAKHARIA 6:5

Ia nontaami, “Aku nambamo i opat na tampat anu nu tujui nu aha de aha moko pangadapmo hi Tumpu nu songko-songko na dunia.

ZAKHARIA 9:10

Tumpu notatae, “Kareta-kareta anu bau pahampate anu lengkat mae i Efraim, Ku alinje, iwi-iwi' na ajahan nu Yerusalem Ku hopu'ije, ka' iwi-iwi' na pana' Ku hansunije. Tomundo' nu belemiu mombebakonje paladamean hi aha to bansa-bansa. Lengkat mae i ambai mamba i ambai na ia balakuasa, lengkat mae i Kaunyo nu Efrat toka-toka i puusnyo nu dunia.”

ZAKHARIA 9:14

Tumpu mompotoamo butong-Nyo, hi aha mian anu palesayamo hi Ia, sumomo ahi' kilat na hihis nu pana'-Nyo pineletakon-Nyo. Tumpu Anu Matangkas na Kuasanyo saidi' mae mompuhimo tolompet salaku tanda montumbuhimo, lantas mambamo montumbuhi i uno nu tombusisi' anu lengkat mae i sasu salatan.

MATIUS 13:41

Anak nu Mian monsaije to mala-malaikat-Nyo molimu' miannyo iwi-iwi' anu nonsaduakonmo mian nombau dosa', ka' iwi-iwi' mian sangga'at anu nombau ka'idekan.

MATIUS 24:22

De Tumpu madi' mompokodo' tempo'nyo; saba' madi' ko samian pe'e anu salamat. Panyo kalana mian, anu palesayamo hi Ia Tumpu, nompokodo'mo tempo'nyo aijo'.

MATIUS 24:24

Kalana tokaje mae na anu momposalamat padahan anu madi' totu'u, ka' to nabi-nabi anu madi' totu'u. Aha mombau palabuatan-palabuatan anu o palias, ka' hahan anu okabangangi bau pongakali, de timbali, mau mian anu palesayamo hi Tumpu suele.

MATIUS 24:32

“De pangajalan mongkona kau' ara. De to panga-panga'nyo to die-die' molunoumo ka' maluano'mo ka' montampu'unimo minsumpe, osumbu'mo miu saba' tempo' nu posinaa ohanimo.

MATIUS 25:31

“De Anak Mian toka sumo Tomundo nu sampo jaalan nu malaikat-Nyo iwi-iwi', Ia sumuhang i kasuhangan-Nyo anu opopodaka'.

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

MARKUS 13:27

Ia monsaije to mala-malaikat molimu' mian anu pinile'an-Nyomo lengkat i opat na pasu'nyo nu dunia aiya, lengkat i puus nu dunia toka-toka i puus nu langit.”

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

YOHANES 11:52

Ka' misa' ola bau kapentingan nu bansa Yahudi, panyo mule' da molimu' ka' momposa'angu' ana-anak nu Tumpu anu noga'aga'atmo.

ROMA 10:18

Panyo kupokilawa: Pa' totu'u aha memang ma'isa nohongo lele aijo'? Tantu polo'mo! Kalana i uno nu Kitab nu Tumpu tinulis sumo uuka, “Potatae nu aha sinongkomo i dunia, sisi-sisik nu aha tinokamo i puus nu tano'.”

1 KORINTUS 15:52

Han aijo' monti-montiik timbalimo i uno nu sangkinihap na mata, de opoko po'onyi'mo na tolompet anu imihi hondo aijo'. Kalana salatan ohongomo na onyi' nu tolompet aijo', to mia-mian anu sinilakamo po'ule'mo opotumuu' timbalimo butong anu sampe toka sidu-sidutu', ka' kita iwi-iwi' obali'imo.

EFESUS 1:10

Tanga'annyo aijo' da iwi-iwi' na apaa, mau anu i suluga' mau anu i dunia, mosa'angu'mo tiba i Kristus salaku kapala. Ka' han aijo' nu potimbalije nu Tumpu de tokamo na tempo'nyo.

PO'ULE' INGULIT 30:4

Mau mule' belemiu noga'a-ga'atmo iyaya mae i dunia aiya, Tumpu Allah nu belemiu po'ule'mo momposihuk belemiu ka' po'ule'mo monsule'akon belemiu.

PO'ULE' INGULIT 4:32

Soba tutugi apaa na anu tinimbalimo tempo'nyo naipuan mae belemiu ma'isa pe'e i hampe salatanmo pe'e sinaa momonanyo Tumpu Allah nompotimbali manusia i dunia aiya. Lio i songko-songko na dunia. Pa' toho'mo tinimbali na han anu daka' hondo sumo aijo'. Pa' toho'mo ko mian anu nohongo apaa na anu jinadimo sumo aijo'?

1 TESALONIKA 4:16

Malaikatje anu talasanggo hondo atina'je na motatae daka-daka', ka' tolompet nu Tumpu opo onyi'mo salaku bau sa'angu' na tanda. Lantas i Tumpu Yesus mintatau'mo lengkat mae i suluga', ka' to mia-mian Kristen anu sinilakamo na po'ule' opotumuu' momona.

2 TESALONIKA 2:1

Mongkona katokaan nu Tumpunto i Yesus Kristus, ka' mongkona kita saidi' mae Nu pisihukmo da jojoongmo tiba Ia, aiyamo na anu ku poita sabole-bole hi komiu:

IBRANI 12:19

aha nangadapmo i onyi' nu tolompet, ka' lewo' nu potatae anu daka' hondo. Salatan to mia-mian nu Israel nohongomo potatae aijo', pinoitamo nu aha sabole-bole da potatae aijo' bolimo daagi' motatae mae hi aha.

ANU PINOTO'I HI YOHANES 1:20

Aiyamo na lahasia nu popitu' na mandala' anu tinoamo nu beleyum i limang-Ku koanan, ka' i popitu' na tengke nu sulu' mosoni' aijo': Popitu' na mandala' aijo' atina'mo na to mala-malaikat i popitu' na jama'at aijo', ka' popitu' na tengke nu sulu' aijo' atina'mo na jama'at anu popitu' aijo'.”

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 7:1

Lapas aitu, aku nontoamo opat na malaikat tinuminjo i opa-opat na pasu'nyo nu dunia. Aha nontahanmo opa-opat na pasu'nyo nu mombun i dunia da bolimo ko mombunnyo anu tobung i katano'an, kabai i ambai, kabai mule' i to kau-kau'.

ANU PINOTO'I HI YOHANES 8:2

Lantas aku nontoa malaikat ko popitu'nyo tinuminjomo i ahop nu Tumpu, ka' aha binee'anmo popitu' na tolompet.