MATIUS 23:8 - KITAB NU TUMPU ALLA LELE MA'IMAI'

⁸ Panyo komiu, boli mongka'oho' o laga ‘Tuumangku Gulu'’, kalana Gulu'um ola sa'angu', ka' komiu iwi-iwi' moto utus.

MATIUS 23:8 ပူးပေါင်းရင်းမြစ်များ

MATIUS 10:25

Sukupmo de samian na mulit timbali sumo gulu'nyo, ka' samian na posaihon sumo tuannyo. De kapala nu auwan osanggohimo Beelzebul, sumo aitu mule' iwi-iwi' na isi nu salaigan. Aha tionyo obee'i sanggo anu lebe ma'idek mule'!”

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MATIUS 23:10

Ka' boli komiu mongka'oho' olaga anu ‘Mompalentah’, kalana anu mompalentah komiu ola samian, aijo'mo Tomundo anu Momposalamat anu jinanji'mo nu Tumpu.

MATIUS 23:7

Aha sanang na o adati nu mian i pasan, da o laga ‘Tuumangku Gulu'’.

MATIUS 26:25

Lantas i Yudas anu mongkabisa'i aijo' notatae, “Tantu misa' aku na anu kokoonyo nu Tuumangku Gulu'?” I Yesus nontaami, “Sumo atina'mo na potataeum!”

MATIUS 26:49

Salatan tinoka i tampat aijo', i Yudas lau-laus namba hi Yesus ka' notatae, “Tabea', Kita Tuumangku Gulu'!” Lantas ia nongooki i Yesus.

MARKUS 10:51

“Apaa na nuka'ima'i Kubau hi beleyum?” koonyo i Yesus hi ia. Mian mapisok aijo' nontaami, “Tuumangku Gulu', aku mongkahanda'i montoa.”

MARKUS 11:21

Lantas i Petrus tinolo inau' i kajadian sansinaan anu ma'isa pe'e han aijo' jinadi. Sahingga i Petrus notatae hi Yesus, “Tuumangku Gulu', soba toa! Kau' ara anu kinutukan nu kita Tuuma, i nanggasmo!”

MARKUS 14:45

Tempo'nyo i Yudas tinoka, ia lau-laus namba hi Yesus ka' notatae, “Tuumangku Gulu'!” lapas aijo' ia nongookimo i Yesus.

MARKUS 9:5

Sahingga i Petrus notatae hi Yesus, “Tuumangku Gulu', ma'ima' hondo na kita aiya. Sahanyo kami mompotinjo totolu' na tahop: sa'angu' hi Kita Tuumangku, sa'angu' hi Musa, ka' sa'angu' mule' hi Elia.”

LUKAS 22:32

Panyo Aku nondo'akonmo beleyum, Simon, da palesaya nu beleyum anu totu-totu'u boli tolotutus. Ka' de beleyum minsusule'mo mae hi beleng-Ku, beleyum tionyo mompohoson to utu-utusum.”

YOHANES 1:38

I Yesus nosiloi i hiku ka' nontoa aha aitu mae hau-haunyo mombatuki Ia. Ia nompokilawa, “Komiu molio apaa?” Tinaaman nu aha, “Gulu', iyamae na jojoongan i Gulu'?” (Sanggo ‘Rabi’ alati'nyo Gulu'.)

YOHANES 1:49

“Kita Tuumangku Gulu',” na koonyo i Natanael, “Kita Tuuma Anak nu Tumpu! Kitamo Tuuma na Tomundo bansa nu Israel!”

YOHANES 11:8

Aha nontaami, “Kita Tuumangku Gulu', sala'je na to mia-mian nu Yahudi kahanda' mompahambunu'akon Kita Tuuma nu batu, ka' aiya Kita Tuuma mongka'oho' mule' minsusule' mokiijo' mae?”

YOHANES 20:16

I Yesus notatae hi ia, “Maria!” I Maria nosiloi hi Yesus, lantas notatae i sisik nu Ibrani, “Rabuni!” (Alati'nyo “Gulu'”.)

YOHANES 3:2

Ia tinoka pihi-pihi hi Yesus ka' notatae, “Tuumangku Gulu', osumbu' mami na Kita Tuuma sinai mae nu Tumpu. Kalana madi' ko samian anu moko ala mombau anu okabangangi susumo anu binau nu Kita Tuuma, de Tumpu madi' montombaya'i ia.”

YOHANES 3:26

Aha namba hi Yohanes ka' notatae, “Kita Tuumangku Gulu', ugaat daagi' osumbu' nu kita Tuuma na mian anu nojajalan tiba kita Tuuma i santoa nu Kaunyo Yordan aijo', anu pipinotiju' nu kita Tuuma hi kami u'utu mae? Ia tempo' uuka singkona mompalamandikan ka' iwi-iwi' na mian namba hi Ia!”

YOHANES 4:31

Hau-haunyo aijo' anu saja' mombatuki Ia nompasomo i Yesus mongkaan, “Kita Tuumangku Gulu',” na koonyo nu aha, “imbo' da mongkaan.”

YOHANES 6:25

Tempo'nyo mian haha aijo' siningkabotmo tiba i Yesus i santoa nu dowiwi, aha nompokilawa hi ia, “Kita Tuumangku Gulu', naipian mae na Kita Tuuma tinoka i aiya?”

YOHANES 9:2

Anu saja' mombatuki Yesus nompokilawamo hi Yesus, “Kita Tuumangku Gulu', kadaka' na mian aiya i hampeakon mapisok? Ugaat kalana ia na baladosa' kabai kalana tina tuumanyo na baladosa'?”

2 KORINTUS 1:24

Aku madi' mompakisa komiu, apaa na anu tionyo opalesaya miu, kalana komiu pinalesayamo hondo hi Kristus. Aku ola mokalaja hingga-hinggat ka' komiu da komiu mompaka humpak ka'ima'an.

2 KORINTUS 4:5

Lele anu opotokakon mami aijo' misa' lele mongkona posi butong mami. Lele aijo' te lele mongkona i Yesus Kristus; saba' Iamo aijo' na Tumpu; ka' kami te to posa-posaihon miu kalana Ia.

EFESUS 3:15

Lengkat mae hi Ia na anu i suluga' ka' mian anu i dunia aiya montalima samata-mata tabiat-Nyo.

FILEMON 1:16

Uuka aiya ia misa'mo ola timbali posaihon nu kita Utus; ia misa'mo ola sumo aijo'. Ia atina' sangko mian Kristen anu okanonongi. Ia kinogunanyo hondo hi belengku, lebe-lebe mule' hi beleyum! Tantu ia ko gunanyo hondo salaku posaihon ka' mule' salaku mian anu noto utusmo hi Tumpu!

YAKOBUS 3:1

To Utu-utus! Boli manjoo' na anu mongka'oho' timbali gulu' atina' hi komiu. Osumbu' miu saba' kita anu timbalimo gulu' de oputusimo lebe o pekangi molingkudui mian sangga'at.

1 PETRUS 5:3

Boli mompalentah sumo anu mongkuasai aha anu pinalesayakonmo hi komiu, panyo timbali ahi' sonto' hi aha.

ANU PINOTO'I HI YOHANES 1:9

Aku i Yohanes, utus miu anu suele sumo belemiu i uno nu kasansala'an salaku mian anu pinalesayamo hi Kristus. Kita tionyo ahi' sabaan na mongoa'i kasansala'an salaku mian, anu Iamo na tumpu-Nyo. Aku ingalin nokiijo' i togong nu Patmos kalana aku nompolelemo potuunon lengkat mae hi Tumpu, anu pinohosonmo na kinyonyoangku nu han anu binaumo i Yesus.

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.

ANU PINOTO'I HI YOHANES 22:9

panyo ia notatae hi belengku, “Boli! Boli monsombah aku! Sombahmo na Tumpu! Kalana aku suele posaihon sumomo beleyum, ka' sumo to utu-utusum to nabi-nabi, ka' iwi-iwi' na mian anu tinulu-tulutanmo i potuunon anu i uno nu kitab aiya!”