MATIUS 23:34 - KITAB NU TUMPU ALLA LELE MA'IMAI'

³⁴ Hongo ima-ima': Aku monsaije hi komiu to nabi-nabi, to mia-mian pande, ka' to gulu-gulu'; sambahagian lengkat hi aha o pateije miu, ka' sambahagian anu sangga'at o salibje miu. Daagi' ko anu o sakisaje miu i uno nu laigan pogalejaan, ka' komiu mahantumput lengkat i sa'angu' na kota mokiijo' i kota sangga'at.

MATIUS 23:34 ပူးပေါင်းရင်းမြစ်များ

2 TOMU-TOMUNDO' 21:10

Kalana aijo' hi to nabi-nabi, hi to posa-posaihon nu Tumpu, Tumpu nompoto'imo,

2 TAWARIKH 24:21

Panyo mian da'isan sinangaja'mo monggagakon i Zakharia, ka' i Tomundo Yoas suele nosangaja'mo tiba kasangaja'an aijo'. Ia madi'mo nonginau' kanonongan anu binaumo i Yoyada tuuma i Zakharia hi ia. Pinalentahmo i tomundo, sahingga i Zakharia pinahambunu'akonmo nu batu sampe sinilakamo i popasan nu Laigan nu Tumpu. Salatan ia kahanda'mo mompoputus nyawanyo, i Zakharia daagi' notatae, “Ku amalakon da Tumpu montoa mae kalakuan ka' mombalosakon beleyum!”

AMSAL 11:30

Mian anu palesaya totu-totu'u saidi' mae mohumpakmo kantumuu'an ma'ima; mian anu pande mintuang na anu mombatuki.

YEREMIA 26:8

Lia-lia' salatan pinokopoto'ingkumo na potuunon nu Tumpu susumo anu pinalentahkon-Nyomo, aha nohakopmo mae aku ka' noloboo'mo, “Beleyum matemo!

YEREMIA 36:26

Itomundo' ola mule' ahi' nompalentah anaknyo momo'ane, aijo'mo i Yerahmeel tiba i Seraya anak i Azriel tiba i Salemya anak i Abdeel da mohakop aku tiba i Barukh julutulisku. Panyo kami pinosulukmo nu Tumpu.

MATIUS 10:23

De komiu osansala i sala'sa'angu' na kota, popadeka' mamba i kota sangga'at. Ku poto'i hi beleyum: Ma'isa pe'e komiu moko lambani iwi-iwi' na to kota-kota Israel, Anak nu Mian tokamo.

MATIUS 13:52

Lantas i Yesus notataemo, “Aijo', na sababnyo batu-batu gulu' Agama anu timbalimo mian anu palesayamo hi Tumpu, sumo samian na tumpu nu laigan anu monsabatakon lengkat i tampat nu halata'nyo anu bu'ou ka' anu pininmo.”

MATIUS 23:31

Jadi, posi komiu mangaku saba' komiumo na lee' nu to mia-mian anu nompatei to nabi-nabi!

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

YOHANES 20:21

Lantas i Yesus po'ule' notatae hi aha, “Tabea' kasalamatan tinokamo hi komiu. Sumo i Tuuma nonsai mae Aku, sumo aitu suele na aku monsai komiu.”

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 11:27

Tempo'nyo aitu daagi' ko to pia-piangkuka na nabi lengkat mae i Yerusalem nokiijo' i Antiokhia.

SISIKON NU TO RASUL-RASUL 12:2

Ia nompalentah i Yakobus, utus i Yohanes opatei nu bajak.

SISIKON NU TO RASUL-RASUL 13:1

I uno nu jama'at Antiokhia, daagi' ko nabi-nabi ka' to gulu-gulu', aitumo i Barnabas ka' i Simeon, anu o sanggohi mule' Si Hitam, i Lukius lengkat mae i Kirene, i Menahem anu pinotuu' hingga-hinggat i Tomundo Herodes, ka' i Saulus.

SISIKON NU TO RASUL-RASUL 14:19

To pia-piangkuka na mian nu Yahudi anu tinoka nokiijo' i Listra lengkat mae i Antiokhia i Pisidia ka' lengkat i Ikonium monsale'i mian da'isan aijo', sahingga mian da'isan aijo' nosambiha'mo hi aha. Aha nompahambunu'akon i Paulus nu batu, lapas aijo' i hela' nu aha na ia nosabat nokiijo' i sambiha' nu kota. Aha nonsangka ia i natemo,

SISIKON NU TO RASUL-RASUL 15:32

I Yudas ka' i Silas anu suele nabi, pinin na notatae tiba to Utu-utus anu palesayamo kiijo' i Antiokhia kalana mongkakeha'i da baani na aha.

SISIKON NU TO RASUL-RASUL 5:40

Sahingga to rasul-rasul aijo' i laga, lantas pinohos, lapas aijo' pinoliwa'mo na mongajan mule' mongkona i Yesus. Lapas aitu, i lapasakonmo na aha.

1 KORINTUS 2:6

Mau mule' sumo aitu, kona hi to mia-mian anu nasasakmo na kapalesaya'annyo i uno nu kantumuu'annyo, aku memang motatae mongkona kapandean. Panyo kapandean aiya misa' kapandean nu dunia, kabai kapandean nu anu mongkuasai tempo' uuka, anu kakuasa'annyo ola mingkot.

1 KORINTUS 3:10

Tiba kapandean anu binee'mo nu Tumpu, aku salaku anu pande mombau gudang, aku nombaumo mesen bau pompotinjoan gudang aijo', ka' mianje sangga'at na mompotinjo gudang i bawo nu mesen aijo'. Toto samian tionyo montoa ima-ima' mosia na ia mompotinjo i bawo nu mesen aijo'.

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

1 TESALONIKA 2:16

Ka' aha nontewa'mo kami mompolele hi aha to bansa-bansa anu misa' Yahudi, lele anu timbali momposalamat bansa haha aijo'. Tiba jalan anu sumo aijo' komiu mian nu Yahudi aijo' saja'mo montuangi to dosa-dosa' nu aha sampe konjoo'nyo sampa'mo. Ahennyo uuka aiya aha nu konaimo nu tambuha' nu Tumpu.

IBRANI 11:37

Aha pinahambunu'akon nu batu sampe sinilaka, daagi' mule' ko anu kinolong nu galagaji, ka' anu pinatean nu bajak. Aha anu namba momoya, ola mibaju' nu kilit nu domba kabai kilit nu mee'; aha kasiasi, okabisa'i, ka' osakisa.

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.