MATIUS 23:33 - KITAB NU TUMPU ALLA LELE MA'IMAI'

³³ Komiu ma'idek ka' lee' nu mian ma'idek! Mosia na komiu timbali momposalamat butong i hukuman nu nalaka?

MATIUS 23:33 ပူးပေါင်းရင်းမြစ်များ

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

YESAYA 20:6

Tempo'nyo aijo' aha to mia-mian anu jojoong ibiwi nu ambai motataemo, ‘Soab toa apaa na anu jinadimo hi bansa anu ota-otakabunakonto monjagai mae kita da madi' nu poposia mae i tomundo' nu Asyur. Iyamule' na kita daagi' salamat?’ ”

MATIUS 12:34

Komiu mian ma'idek, mosia na timbali komiu montaloakon hahan anu ma'ima', de komiu ma'idek? Apaa na anu otaloakon nu nganga', aijo'mo na anu mosabat lengkat i kinyonyoa!

MATIUS 23:32

De sumo aitu janjulakonmo ka' baumo na to dosa-dosa' anu tinampu'unanmo nu mompolee' miu aijo'!

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

MATIUS 5:22

Panyo uuka Aku motatae hi beleyum, ihe na pusa hi mian sangga'at, tionyo o putusi na palakalanyo; ka' ihehe na monguduli mian sangga'at, tionyo o putusi na palakalanyo i ahop nu Mian Kopian Daka' nu Agama. Ka' ihehe na montaloakon hi mian sangga'at, ‘Talalo ponga'’, patut o alin i uno nu apu nalaka.

LUKAS 3:7

Manjoo' na mian toka hi Yohanes, da o palamandikan. I Yohanes notatae hi aha, “Komiu mian ma'idek! Ihe na nontaloakon komiu madi' mohumpak hukuman lengkat hi Tumpu anu toka mae?

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

2 KORINTUS 11:3

Panyo aku bata-bata mamanga pikilanum saidi' mae tagoda madi'mo daagi' tulu-tulutan hi Kristus, pokakana sumo i Hawa u'utu mae suele tinagoda kalana kapandean nu ulo.

IBRANI 10:29

Palias na koboatnyo na hukuman anu opokona hi mian anu talalomo monguesani Anak nu Tumpu. Mian aijo' monsangka madi' ko angga'nyo na baso' nu palajanjian nu Tumpu, aijo'mo i Kristus sinilaka da mompobelesi' dosa'nyo. Ia madi' mongangga'i Roh anu momombee'i balakat.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.

ANU PINOTO'I HI YOHANES 12:9

Ulo anu talalo hondo daka' aijo' ingalin i sambiha'nyo! Iamo na ulo anu ilangkai'mo anu o sanggohi Ibilis kabai Roh Ma'idek, anu mongakalimo songko-songko na dunia. Ia ingalinmo nokaiyong i dunia tiba iwi-iwi' na malaikatnyo.