MATIUS 23:27 - KITAB NU TUMPU ALLA LELE MA'IMAI'

²⁷ Silakamo na komiu to gulu-gulu' agama ka' to mia-mian Farisi! Komiu ola ahi' mombau pula-pula! Komiu sumomo to kubu-kubun anu o set mopute', i sambiha'nyo o toa ma'ima', padahan i unonyo mobuke' nu buku ka' iwi-iwi' anu to busi-busik.

MATIUS 23:27 ပူးပေါင်းရင်းမြစ်များ

AMSAL 26:23

Sumomo kuhon tano' osopu' nu salaka; sumo atina'mo na mian anu ola matami' ipotatae, panyo kinyonyoa ma'idek.

NOMBILANGMO 19:16

Batu-batu mian anu nonsala' kanyangmo mian anu sinilakamo kalana pinatean, kabai anu nosi silaka i ale' nahumimi'mo pitun sinaa na kopinnyo. Sumo aijo' mule' na mian anu nonsala' kanyangmo pinongkubunan kabai buku nu mian anu sinilakamo.

MATIUS 23:28

Sumo aitumo na komiu. I sambiha'nyo komiu o toa ma'ima' hi mian; panyo i unonyo komiu mobuke' nu kabaleko'an ka' mombahakon palentah.”

LUKAS 11:44

Silaka na komiu! Komiu sumo kubun anu madi' ko paliasa'nyo, anu nu peja-peja' nu mian kalana madi' nu sumbu'.”

SISIKON NU TO RASUL-RASUL 23:3

Sahingga i Paulus notatae hi Imam Daka' aijo', “Tumpu tantu mohapa'je beleyum; mian geguan anu mimpula-pula susi'! Beleyum sinumuhang i kiijo' momputusi aku susumo atulan i Musa, padahan posi beleyum nolanggaimo atulan aijo' kalana nompokaumo mian mohapa' aku!”

GALATIA 6:12

To mia-mian anu mongka'oho' mosi puji' butongnyo i hahan nu dunia, ahamo na mompagala mompakisa komiu da mombatuki atulan nu sunat. Panyo aha mombau sumo aijo' ola da aha madi' osakisa nu mian Yahudi kalana salib i Kristus.