MATIUS 23:26 - KITAB NU TUMPU ALLA LELE MA'IMAI'

²⁶ Farisi mapisok! Baso'i pe'e bele-belesi' na anu i unonyo i to mangko-mangko' ka' to lea-lean miu da i sambiha'nyo timbali belesi' suele!

MATIUS 23:26 ပူးပေါင်းရင်းမြစ်များ

YESAYA 55:7

Tionyo ahi' mian anu ma'idek na gau'nyo mombabali'i kantumuu'annyo, ka' mombali'i pikilannyo. Sahanyo ahi' ia minsusule' mae hi Tumpu, da mohumpak pangasihan-Nyo. Tionyo ahi' ia po ule' mae toka hi Tumpunto, kalana Tumpu mongampuni nu kinyonyoa anu ma'ima.

YEREMIA 13:27

Tinoang-Kumo na belemiu nombau hahan anu Ku ka'ideki. Tinoang-Kumo na belemiu nololoi' to pilo-pilogot sangga'at ipuge'nyo tiba i ale', sumomo ahi' samian na mo'ane anu nongka'ima'imo bengkele' nu mian sangga'at kabai sumomo ahi' ajahan tinokamo na napisunyo hi ajahan behenyo. O mian anu jojoong i Yerusalem, silakamo na belemiu! Hipianje na belemiu madi'mo mombau palabuatan iwi-iwi' anu ma'idek?”

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

YEHEZKIEL 18:31

Bolimo daagi' mombau iwi-iwi' na palabuatan ma'idek anu sola'mo binau nu belemiu, ka' sahanyo kinyonyoa tiba pikilan nu beleyum timbalimo ahi bu'ou. Kadaka' belemiu tionyo ahi' silaka?

MATIUS 12:33

“Da mohumpak bua' anu ma'ima'; pu'unnyo nu kau' tionyo molumba'. De pu'unnyo nu kau' madi' molumba', bua'nyo suele madi' ma'ima'. Molumba' kabai madi' na kau' osumbu' i bua'nyo.

MATIUS 14:8

Kalana sinale'anmo nu tinanyo, langkoyang aijo' notataemo, “Kupoita ubak i Yohanes anu saja' Mompalamandikan obee'akon mae hi belengku uuka aiya ka' osake' mae i dulang!”

MARKUS 7:4

Apaa na anu ingoli i pasan madi' timbali okaan de ma'isa obaso'i pe'e imoona. Ka' manjoo' na atulan sangga'at nolengkat mae i mompolee' nu aha anu nunutoongi nu aha totu-totu'u; susumo mombaso'i galas, mangko', ka' to paka-pakakas tambaga.

LUKAS 11:39

Kalana aijo' Tumpu notatae hi ia, “Memang komiu to mia-mian nu Farisi saja' mombaso'i mangko' ka' lean i sasu sambiha'nyo, panyo i uno nu posi butongum saja' hondo panggaga ka' manjoo' na ka'idekan.

LUKAS 6:45

Mian anu ma'ima' montaeakon hahan anu ma'ima', kalana kinyonyoanyo buke' nu ka'ima'an. Mian anu ma'idek montaeakon hahan anu ma'idek, kalana kinyonyoanyo buke' nu ka'idekan. Kalana apaa na anu otaeakon nu nganga', aijo' mosabat lengkat i kinyonyoa.”

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!