MATIUS 23:2 - KITAB NU TUMPU ALLA LELE MA'IMAI'

² “To gulu-gulu' agama ka' to mia-mian Farisi nohumpak kuasa da montalangkan atulan i Musa.

MATIUS 23:2 ပူးပေါင်းရင်းမြစ်များ

EZRA 7:25

Utusku Ezra, pake na kapandean bapikin anu binee'mo nu Tumpu Allah hi Beleyum utus, ka' hangkatmo na to pola-polaya' ka' to mia-mian kopian da mompalentah iwi-iwi' mian anu kiijo' i propinsi Efrat sasu Kinsoban anu tinumuu'mo montuluti Atulan nu Tumpu Allah nu Beleyum utus. Tionyo ahi' Beleyum utus mompogulu'akon Atulan aijo' hi iwi-iwi'na mian anu ma'isa monsumbu'.

EZRA 7:6

I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

MATIUS 23:3

Kalana aijo' o hongo ka' o batuki iwi-iwi' na anu pinalentahkon nu aha. Panyo boli mombau apaa na anu nu bau nu aha, kalana aha madi' monjalanakon apaa na anu ingajan nu aha.

MARKUS 12:38

Ia notatae hi aha, “Balajaga-jaga hi to gulu-gulu' agama. Aha mongka'ima'i kolalaajang tiba jubah anu mantan ka' mongka'ima'i otabea'i i to pasan-pasan.

LUKAS 20:46

“Obala'ingati na aha to gulu-gulu' agama. Nuka'ima'i nu aha na kolalajang mibaju' nu juba' mantan, ka' sanang na o adati iyayamae i pasan. Nuka'ima'i nu aha na i tampa-tampat anu o angga'i, i uno nu laigan pogalejaan tiba i bau-bauon.

PO'ULE' INGULIT 33:3

Totu-totu'u, Tumpu mongkalibosi bansa-Nyo. Nu jagai na mian iwi-iwi' anu tinimbalimo anu-Nyo. Imbo' da kita tolodadupu i ahop nu tengke-Nyo ka' montuluti iwi-iwi' apaa na anu pinalentahkon-Nyomo.