MATIUS 23:13 - KITAB NU TUMPU ALLA LELE MA'IMAI'

¹³ “Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

MATIUS 23:13 ပူးပေါင်းရင်းမြစ်များ

YESAYA 33:14

Aha to mia-mian baladosa' i Sion nu lakatmo nu nubuhak. Aha motataemo, “Kaputusan nu Tumpu sumo apu anu banyela-nyelakmo sampe toka sidu-sidutu'. Te daagi' ahi' komian anu moko ala tumuu' i uno nu apu anu mompateimo aijo?”

ZAKHARIA 11:17

Kinutukan na polaya' potuu'on anu madi' mingkaliangan aijo'! Ia nompala'imo pahasan nu dombanyo. Kakuasa'annyo belentimo de saidi' mae mahampatemo. Limanyo lundengmo ka' mule' matanyo anu sasu koanannyo mapisokmo.”

MATIUS 23:16

Silakamo na komiu to pola-polaya' anu mapisok! Komiu mongajanakon sumo aiya, ‘De mian basumpa' monsanggo Laigan nu Tumpu, sumpa' nu mian aijo' madi' totu-totu'u! Panyo de ia basumpa' tiba sanggo nu mosoni' i uno nu Laigan nu Tumpu, sumpa' nu mian aijo' totu'u.’

MATIUS 23:23

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To lampa-lampa sumo solasi, adas manis, ka' suele jintan, komiu mombee'i, de sampulu' na bahagian sambahagian hi Tumpu. Padahan hahan anu palalu hondo i uno nu to atu-atulan nu agama, sumo umpamanyo: Ka'adilan, mompahakali-kalibosi, ka' mohongo-hongo, madi' o palahatikan miu. Padahan aijo'mo na tionyo o bau miu, tiba madi' timbali mompojohok anu toto sangga'at.

MATIUS 23:25

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To mangko-mangko' ka' to lea-lean miu, o baso'i miu bele-belesi' na sambiha'nyo, padahan i unonyo koton hondo tiba to hahan anu i humpak miu ola pinakisa ka' pinalanguesan.

MATIUS 23:27

Silakamo na komiu to gulu-gulu' agama ka' to mia-mian Farisi! Komiu ola ahi' mombau pula-pula! Komiu sumomo to kubu-kubun anu o set mopute', i sambiha'nyo o toa ma'ima', padahan i unonyo mobuke' nu buku ka' iwi-iwi' anu to busi-busik.

MATIUS 23:29

“Silakamo na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! Komiu mombau tampat pongkubulan anu to ma'i-ma'ima' bau anu nu to nabi-nabi, ka' mombunga-bungai kubulan nu to mia-mian anu ma'ima' na kantumuu'annyo.

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

LUKAS 11:52

Silaka na komiu to gulu-gulu' agama! Gunsing bau pontuhea'akon tumban kapandean, pino'una'mo hi komiu, panyo posi komiu madi' mongka'oho' minsoop i unonyo da molio kapandean aijo'. Ola mule' komiu mombau hahan, sahingga to mia-mian madi' mongka'oho' ko usaha minsoop i unonyo!”

YOHANES 9:22

Tina Tuuma nu mian aijo' notatae sumo aijo', kalana aha mabuhuk hi to pola-polaya' nu Yahudi; kalana aha aijo' sinambukumo, tukoonyo mian anu mongakui Yesus Tomundo anu Momposalamat, madi'mo daagi' timbali minsoop i laigan pogalejaan.

YOHANES 9:24

Lantas aha po'ule' nolaga mian anu u'ukanyo mapisok aijo' ka' notatae hi ia, “Basumpa' da beleyum motatae anu sahondo-hondonyo. Osumbu' mami mian aijo' mian baladosa'.”

YOHANES 9:34

Tinaaman nu aha, “Apaa? Beleyum anu nobuke'mo nu dosa' salatanmo pe'e i hampe, beleyumo na mongka'oho' mompogulu' kami?” Sahingga lengkat i aitu ia tinewa'mo minsoop i laigan pogalejaan.

SISIKON NU TO RASUL-RASUL 13:8

Panyo i Barnabas ka' i Saulus ginagakon i Elimas anu monsumbu' ilimu' aijo', kalana i Elimas (aijo'mo na sanggonyo i uno nu bansa nu Yunani) bala usaha da gubernur aijo' boli sampe palesaya hi Yesus.

SISIKON NU TO RASUL-RASUL 5:28

Ia notatae, “Tinewa'mo mami na komiu, da bolimo hondo-hondo mongajan mongkona Mian aijo'. Panyo uuka soba toa pa' apaa na anu binaumo nu belemiu! Komiu nompolelemo pangajalan miu aijo' i songko-songko na Yerusalem, ka' komiu ola mule' monsangka saba' kamimo na anu nonsaduakon kinapatean nu Mian aijo'.”

SISIKON NU TO RASUL-RASUL 5:40

Sahingga to rasul-rasul aijo' i laga, lantas pinohos, lapas aijo' pinoliwa'mo na mongajan mule' mongkona i Yesus. Lapas aitu, i lapasakonmo na aha.

SISIKON NU TO RASUL-RASUL 8:1

Ka' i Saulus suele sinanangmo kalana mian aijo' pinateanmo. Sinaa aitu mule' jama'at i Yerusalem mulaimo saja' o loloi', sahingga iwi-iwi' mian anu palesayamo, me sambiha'nyo to rasul-rasul, noga'a-ga'atmo nokiijo' i songko-songko na tano' nu i Yudea ka' i Samaria.

2 TIMOTIUS 3:8

Susumo i Yanes ka' i Yambres nongewa' i Musa naipuan mae, sumo aitu mule' na mian haha aijo' mombahakon ajalan anu lengkat mae hi Tumpu. Pikilan nu aha na'idekanmo, ka' palesaya nu aha madi'mo nintuus.

2 TIMOTIUS 4:15

Beleyum suele tionyo ahi' bala hati-hati hi ia, kalana ia talalo hondo monggagakon apaa na anu pinolelentomo.