MATIUS 22:4 - KITAB NU TUMPU ALLA LELE MA'IMAI'

⁴ Lapas aijo', tomundo aijo' nonsai mule' to poka-pokauhonnyo sangga'at. Pinoto'inyo hi aha: ‘Opoto'iakon hi aha anu i laga aijo': Kaanon nu bau-bauon sinadiamo. Sapi', ka' ana-anak nu sapi'ku anu talalo ma'ima' kinolotmo. Iwi-iwi' sinadiamo. Imbo'mo da mokiijo' i bau-bauon po'osoan!’

MATIUS 22:4 ပူးပေါင်းရင်းမြစ်များ

NEHEMIA 9:17

Aha madi'mo nohongo-hongo, iwi-iwi' na kanonongan nu Belento madi'mo pinajulian nu aha. Ka' iwi-iwi' na anu binaumo nu Belento oka-okabangangi madi'mo nu inau' nu aha. Kalana aha kinobubuunmo sahingga aha nompile'imo samian anu binau kapala, da momboa aha mamba i Mesir, ka' po ule'mo timbali posaihon. Panyo Belento Tumpu Allah sanang na kinyonyoa mongampuni, talalo hondo sabaan, manonong ka' mule' talalo hondo mongkalibosi. Kalibosan nu belento totu-totu'u madi' hondo ko gampanyo; Belento madi' nompojohok aha.

MAZMUR 86:5

Belento manonong, o, Tumpu, ka' kahanda' mongampuni, mian anu balado'a hi Belento, saja' nukalibosi nu Belento, nukalibosan anu madi' ko kamingkotannyo.

AMSAL 15:17

Lebe ma'ima' mongkaan utan asan mompaha kali-kalibosi; ka' demule' mongkaan ponoha' anu matami' padahan ola mompaha ka'i-ka'ideki.

NYANYIAN ANU TALASANGGO 5:1

Aku tinokamo i ale'ku, sindua'anku pangantinku. Ilimu'kumo na mur tiba lampa-lampangku potik tiba juu' nu uani'ku kinaankumo inginumkumo na susu tiba uee nu anggurku. Pongkaanmo ka ponginumo to sanga-sangalungku. Inummo sampe nu osaimo na sindua'anku.

MATIUS 21:36

Tumpu nu tano' aijo' nonsai mule' to posa-posaihon sangga'at, lebe da'isan molingkudui anu momona. Panyo aha suele binau sumo anu momona.

MATIUS 22:5

Panyo aha anu i laga aijo' madi' mompajuli. Aha namba i posi pakalaja'annyo toto samian – samian namba i ale'nyo, anu sangga'at namba i usahanyo;

MATIUS 22:8

Lapas aijo' ia nolaga to poka-pokauhonnyo, lantas notatae, ‘Bau-bauon po'osoan sinadiamo, panyo aha anu i laga madi' pantas.

LUKAS 14:17

Salatan tempo'nyomo bau-bauon aitu o tampu'uni, mian aijo' nonsaimo pokauhonnyo da mambamo hi to mian-mian anu pinaso ka' motatae, ‘Imbo' tokamo mae, iwi-iwi' tinatumo!’

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 13:46

Panyo i Paulus ka' i Barnabas nompaka baani mule' na notatae totu-totu'u. Aha notatae, “Potatae nu Tumpu memang hi komiu pe'e na tionyo pompotokan. Panyo kalana komiu madi' mongka'oho' montalima, komiu nosi tantukanmo saba' komiu madi' pantas montalima kantumuu'an kopian ka' toka sidu-sidutu'. Ka' uuka kami mompala'imo miu namba hi bansa sangga'at.

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?