MATIUS 22:37 - KITAB NU TUMPU ALLA LELE MA'IMAI'

³⁷ Tinaaman i Yesus, “Kalibosi na Tumpuum nu kinyonyoaum totu-totu'u, ka' iwi-iwi' na pikilannum.

MATIUS 22:37 ပူးပေါင်းရင်းမြစ်များ

MATIUS 22:36

“Tuumangku Gulu',” na koonyo, “Palentah iya na anu talalo o palahatikan i uno nu atulan nu agama?”

MATIUS 22:38

Aijo'mo na palentah anu talalo o palahatikan ka' anu talalo opopohimona!

MARKUS 12:33

Ka' mian tionyo mongkalibosi Tumpu tiba iwi-iwi' na kinyonyoa, ka' tiba iwi-iwi' na kapandeannyo, tiba iwi-iwi' na kahosonannyo. Ka' ia mule' tionyo mongkalibosi sangalunyo sumomo posi butongnyo. Aijo' lebe ma'ima' de me mule' mompalasombahkon palasombahan anu opapui ka' palasombahan-palasombahan sangga'atannyo hi Tumpu.”

LUKAS 10:27

Mian aijo' nontaami, “ ‘Kalibosi na Tumpu-Um nu kinyonyoaum iwi-iwi', ka' totu-totu'u na santuu'um, ka' kahosonanum, tiba iwi-iwi' na kapandeanum,’ tiba ‘Kalibosi na sangko kita mian, sumo beleyum mongkalibosi posi butongum.’ ”

ROMA 8:7

Mian anu pikilannyo kinuasanmo nu sipat nu mian, mian aijo' mompaha bali'mo tiba Tumpu; kalana mian aijo' madi' mohongo-hongo atulan nu Tumpu; ka' memang ia madi' moko ala mohongo-hongo atulan nu Tumpu.

PO'ULE' INGULIT 10:12

“Uuka aiya to Utu-utus, palahatikan apaa na anu nupoita nu Tumpu Allah nu belemiu hi belemiu: O'adati na Tumpu Allah nu belemiu ka' baumo iwi-iwi' na palentah-Nyo.

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

PO'ULE' INGULIT 6:4

To utu-utus, jaga mae! Ola Tumpu, ka' ola Tumpu na Tumpu Allah-nto!

PO'ULE' INGULIT 6:5

Kanonongi na Tumpu Allah nu belemiu, nu kinyonyoa miu anu totu-totu'u; Opotoa i uno nu kantumuu'an nu belemiu ka' i uno nu ko langka-langkas.

1 YOHANES 4:21

Kalana aijo', aiyamo na palentah anu binee'mo i Kristus hi kita: Ihe na mongkalibosi Tumpu tionyo ahi' suele mongkalibosi utusnyo.