MATIUS 22:24 - KITAB NU TUMPU ALLA LELE MA'IMAI'

²⁴ “Kita Tuumangku Gulu',” koonyo nu aha “I Musa nongajanakon sumo uuka: De samian na mo'ane mate, ka' ia madi' ko anak, utusnyo tionyo mo'osoa tiba balunyo da mombee'i lee' hi mian anu natemo aijo'.

MATIUS 22:24 ပူးပေါင်းရင်းမြစ်များ

KAJADIAN 38:11

Lapas aijo' notataemo na i Yehuda hi Tamar moniannyo aijo', “Pinsusule'mo hi laigan nu tu'anyo nu beleyum ka' jojoongmo ikiijo' mae salaku balu sampe anakku i Syela daka'mo.” Ia notatae sumo aijo' kalana mabuhuk boli-boli i Syela nupatei nu Tumpu suele, sumo utusnyo tu'a ua-ua'aha. Sahingga i Tamar ninsusule'mo hi laigan nu tu'anyonyo.

KAJADIAN 38:8

Lantas i Yehuda notataemo hi Onan utus ise' i Er, “Lako'mo hi balu nu utus nu beleyum tu'a ka' okamale'i na ia. Baumo apaa na anu palalu hi ia, kalana beleyum utus ise' nu langkai'nyo; da tiba jalan aijo' utus nu beleyum tu'a mohumpak lee'.”

MATIUS 22:16

Saba' aha nonsai anu saja' mombatuki aha mamba hi Yesus tiba to pia-piangkuka na mian anu monsangaja'i Herodes. To mia-mian aijo' notatae hi Yesus, “Tuumangku Gulu', osumbu' mami na kita Tuuma madi' mongakali. Kita Tuuma mongajan totu-totu'u mongkona kahanda' nu Tumpu hi mian, madi' mompajuli pikilan mau pe'e pa' ihe, sabab kita Tuuma madi' mompile'i mian.

MATIUS 22:25

Daagi' ko aha popitu' na moto utus anu jinojoong i aiya. Anu tumpe no'osoa, lantas i nate madi' kino anak. Saba' balunyo anu pinala'iannyo binaumo osoa nu utusnyo.

MATIUS 22:36

“Tuumangku Gulu',” na koonyo, “Palentah iya na anu talalo o palahatikan i uno nu atulan nu agama?”

MATIUS 7:21

“Madi' iwi-iwi' na mian anu molaga Aku, ‘Tumpu, Tumpu,’ anu moko ala timbali mian anu palesayamo hi Tumpu, panyo ola to mia-mian anu mombau kahanda' nu Tuumang-Ku anu i suluga'.

MARKUS 12:19

“Tuumangku Gulu',” koonyo nu aha hi Yesus, “I Musa nontulis atulan aiya mongkona kita: ‘De samian na mo'ane silaka ka' ia madi' ko anak, saba' utusnyo tionyo mongosoai balunyo, da ko lee' na mian anu sini-sinilakamo aijo'.’

LUKAS 20:28

“Kita Tuumangku Gulu', i Musa nontulis atulan aiya da bau kapalaluanto: De samian na mo'ane silaka, ka' ia madi' ko anak, saba' tionyo mongosoai balunyo, da mombee'i lee' hi mian anu sinilakamo aijo'.

LUKAS 20:33

I sinaa mian silaka po'ule'mo opotumuu', bengkele' ihe na boune aijo'? Kalana aha popi-popitu' nongosoaimo ia.”

LUKAS 6:46

“Ka' kadaka' komiu molaga Aku, ‘Tumpu, Tumpu,’ panyo madi' mombau anu Kupoita hi komiu?

I RUT 1:11

“Boli, anak!” tinaaman i Na'omi, “belemiu sahanyo pinsusule'mo. Bau apaa na belemiu mombatuki aku? Te misa aku madi'mo daagi' monganak da timbali langkai' nu belemiu?

I RUT 3:13

Pihi uuka jojoong pe'e na beleyum i aiya. Dodop daagi' subu ku pokilawaje pa' ia mongka'oho' montoakon apaa na anu nu palalui nu beleyum aijo' kabai madi'. De ia mongka'oho', yo ma'ima'mo; panyo de ia madi' mongka'oho, saba' ku janji'mo tiba sanggo nu Tumpu Allah anu tumuu' akumo na montoakon kantumuu'an nu beleyum aijo'. Uuka aiya hoyotmo i aiya sampe toka dodop subu.”

I RUT 4:5

Lantas notataemo na i Boas, “Ma'ima'mo desumo itina'. Panyo de beleyum na mongoli tano' aijo' hi Na'omi, beleyum ahi' suele na mongala i Rut, boune nu aha Moab, balu nu anak i Na'omi. Kalana tano' aijo' tataap sabole-bole ahi' tumpunyo anu nu lee' nu mian anu sinilakamo.”