MATIUS 22:17 - KITAB NU TUMPU ALLA LELE MA'IMAI'

¹⁷ Kalana aijo', soba kita Tuuma taeakon hi kami: De mombatuki atulan nu agamanto, timbali na mombayan hasin hi Tomundo kabai madi'?”

MATIUS 22:17 ပူးပေါင်းရင်းမြစ်များ

EZRA 4:13

De kota aijo' po'ule'mo nubau nu aha ka' pagan mesen nu kota' aijo' jadimo, aha mian anu jojoong i kiijo' madi'mo mongka'oho' mombayan hasin, lantas hasin anu o humpak hi mian da'isan maga'amo na anu obee' hi kalaja'an.

EZRA 7:24

Belemiu madi' timbali mongala hasin hi to ima-imam, mian nu Lewi, to panya-panyanyi, anu monjagai sabatan daka, anu lewa' osai mokalaja, kabai maumo pa' hi he na anu mokalaja i Laigan nu Tumpu.

NEHEMIA 5:4

Ka' daagi' mule' ko anu notatae, “Nonsabonmo doi bau polunasi hasin anu tinantukanmo i tomundo', aijo'mo hasin nu ale' sosu'anon sangga'at, ka' mule' ale' nu anggur mami.

NEHEMIA 9:37

Iwi-iwi' na hasinnyo anu ohumpak i tano' aiya, tionyo ahi' obee'mo hi to tomu-tomundo' nu lipu' To mia-mian anu balakuasa haha aijo' anu i hangkatmo nu Belento da mompalentah mian anu palesayamo hi Belento. Salaku hukuman nu dosa' anu binaumo mami hi Belento. Aha nompalentahmo mae yayamo pa' apaa na anu nu kahanda'i nu kinyonyoa nu aha, mompalentah butong mami ka' mule' mongkuasai potuu'on mami. Kalana aijo' kami nongoa'imo kasansala'an, saja'mo sinakisa ka' mule' saja'mo tinokan nu kasusa'an!”

YEREMIA 42:20

aijo'mo belemiu nombaumo sa'angu' na kasala'an daka'. Pinoita nu belemiu da aku balado'a hi Tumpu Allah-nto guna belemiu, ka' belemiu binalajanji'mo montulutimo iwi-iwi' na anu pinoto'imo nu Tumpu.

MATIUS 17:25

I Petrus nontaami, “Bayan!” Salatan i Petrus ninsusule', i Yesus nompokilawamo hi ia momonanyo, “Simon, mosia na pikilanum? Ihe na anu tionyo mombayan bea kabai hasin hi to tomu-tomundo i dunia aiya? Layat kabai mian nu salipu'an?”

MATIUS 22:18

I Yesus monsumbu' tanga'an nu aha anu ma'idek aijo', jadi Ia notatae, “He to mia-mian anu geguan! Kadaka' komiu molio-lio kasala'an-Ku?

LUKAS 2:1

Tempo'nyo aijo' i Tomundo Agustus nompalentahkon da iwi-iwi' na layat nu kalaja'an Roma mombee' sanggo o tulis da o bilang na konjoo'nyo.

LUKAS 20:22

Mokonyo sumo aitu, soba Kita Tuuma taloakonmo mae hi kami, mosia na atulan nu agamanto, pa' timbali mombayan hasin hi Tomundo kabai madi'?”

LUKAS 3:1

I Taun sampulu'mo ka' olima' ko na i Tomundo Tiberius nompalentah, i Pontius Pilatus tinimbalimo gubernur i Yudea, ka' i Herodes nompalentahmo i Galilea. I Filipus, utus i Herodes nompalentahmo i da'erah Iturea tiba Trakhonitis, sadang i Lisanias nompalentahmo i Abilene.

SISIKON NU TO RASUL-RASUL 17:7

ka' i Yason nontalimamo aha i laigannyo. Aha iwi-iwi' nolanggaimo katantuan-katantuan i Kaisar nu Roma, kalana aha nontaloakon, koonyo daagi' ko tomundo' sangga'at anu sanggonyo i Yesus.”

SISIKON NU TO RASUL-RASUL 25:8

I uno nu ia mompototu'u butongnyo, i Paulus notatae, “Aku madi' nombau apa-apaa anu sala' mongkona atulan i Musa kabai kona i Laigan nu Tumpu kabai pe'e kona hi Kaisar nu Roma.”

SISIKON NU TO RASUL-RASUL 28:22

Panyo kami mongkahanda'i suele mohongo mongkona kapalesaya'an nu kita Utus, kalana kami iwi-iwi' nohongomo mian mompisala'i ajalan anu nubatuki nu kita Utus.”

SISIKON NU TO RASUL-RASUL 5:37

Lapas aitu tinokamo na tempo' pontulisan sanggo da o bilang, i lubat mule' na i Yudas, mian anu lengkat mae i Galilea. Kalana kapandeannyo, manjoo' suele na mian anu nombatukimo ia. Panyo ia suele pinatean ka' iwi-iwi' na anu nombatuki ia nosubalimo.